ଆଇସିସି ସିଇଓଙ୍କ ବଡ ବୟାନ୍ ! କହିଲେ ୨୦୧୯ କ୍ରିକେଟ୍ ବିଶ୍ୱକପ୍ ବିଜେତା ପାଇଁ ଦାବେଦାର ଟିମ୍ ଇଣ୍ଡିଆ ।
କ୍ରିକେଟ୍ ଜଗତର ବଡ ଟୁର୍ଣ୍ଣାମେଣ୍ଟ ତଥା ୨୦୧୯ ବିଶ୍ୱକପ ପାଇଁ ସମସ୍ତ ଦେଶ ଜୋରଦାର ପ୍ରସ୍ତୁତି କରୁଛନ୍ତି । ଚଳିତବର୍ଷ ଇଂଲଣ୍ଡଠାରେ ହେବାକୁ ଯାଉଥିବା ବିଶ୍ୱକପ ପୂର୍ବରୁ ଅନ୍ତର୍ଜାତୀୟ କ୍ରିକେଟ୍ ପରିଷଦର ସିଇଓ ଡେବ୍ ରିଚାର୍ଡସନ ଦେଇଛନ୍ତି ବଡ ବୟାନ । ସେ କହିଛନ୍ତି, ଚଳିତଥର ୨୦୧୯ ବିଶ୍ୱକପ ଟିମ୍ ଇଣ୍ଡିଆ ଜିତିବାର ଅଧିକ ସୁଯୋଗ ରହିଛି । ତେବେ ରିଚାର୍ଡସନ ଘରୋଇ ଇଂଲଣ୍ଡ ଏବଂ ଦକ୍ଷିଣଆଫ୍ରିକା ସହ ବିରାଟ ବାହିନୀକୁ ମଧ୍ୟ ବିଶ୍ୱକପ ଦାବେଦାର ଲିଷ୍ଟରେ ସାମିଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଜି ଏକ ବିଶେଷ ସାମ୍ବାଦିକ ସମ୍ମିଳନୀରେ ରିଚାର୍ଡସନ କହିଛନ୍ତି, ୨୦୧୯ ବିଶ୍ୱକପରେ ଦୁନିଆର ଶ୍ରେଷ୍ଠ ୧୦ଟି ଦଳ ଭାଗ ନେବେ । ଭାରତ ଏବେ ଭଲ ଫର୍ମରେ ରହିଛି ଏବଂ ବିଶ୍ୱକପ ହାତେଇବାର ମଧ୍ୟ ଅଧିକ ସୁଯୋଗ ରହିଛି । ତେବେ ବିଶ୍ୱକପ କିଏ ଜିତିବ, ସେନେଇ ଭବିଷ୍ୟବାଣୀ କରି କହିବା ମୁସ୍କିଲ ହୋଇଥିବା ବେଳେ ଦିନିକିଆରେ ସର୍ବଶ୍ରେଷ୍ଠ ଦଳ ଭାବେ ଇଂଲଣ୍ଡ ରହିଛି । ସେହିପରି ଦକ୍ଷିଣ ଆଫ୍ରିକା ଏବଂ ଭାରତର ପ୍ରଦର୍ଶନ ମଧ୍ୟ ଜବରଦସ୍ତ ରହିଥିବା ରିଚାର୍ଡସନ କହିଛନ୍ତି ।