ମହାରାଷ୍ଟ୍ର ନମ୍ବର ପ୍ଲେଟ ନ ଥିବାରୁ ବଲିଉଡ୍ କଳାକାର ଡାନି ଡେନଜୋଙ୍ଗାପାଙ୍କୁ ତଣ୍ଡ ଗଣିବାକୁ ପଡିଛି ୨୯ ଲକ୍ଷ ଟଙ୍କା । ସିକିମରେ ପଞ୍ଜିକରଣ କରାଇ ମୁମ୍ବାଇରେ ବ୍ୟବହାର କରୁଥିବାରୁ ଡାନିଙ୍କ ଲାଣ୍ଡ୍ ରୋଭର ଗାଡିକୁ ପରିବହନ ବିଭାଗୀୟ କର୍ମଚାରୀମାନେ ଜବତ କରିଥିଲେ । ଡାନିଙ୍କ ଚାଳକ ଜୋରିମାନା ଭରଣ କରିବା ପରେ ଗାଡିଟିକୁ ଛଡାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ମହାରାଷ୍ଟ୍ରରେ ବିଦେଶୀ ଗାଡି ବ୍ୟବହାର କଲେ ସଡକ ଟିକସ ବାବଦକୁ ଗାଡି ମୂଲ୍ୟର ୨୦ ପ୍ରତିଶତ ଦେବାକୁ ପଡିଥାଏ । ଏଭଳି ନିୟମ ସିକିମ,ଛତିଶଗଡ, ହରିୟାଣା ଓ ଝାଡଖଣ୍ଡରେ ନାହିଁ । ତେଣୁ ଟିକସ ଫାଙ୍କିବା ପାଇଁ ଡାନି ମୂଲ୍ୟବାନ ଗାଡିର ପଞ୍ଜିକରଣ ନିଜ ରାଜ୍ୟରେ କରାଇଥିଲେ ।