ପ୍ରଥମ ଡଙ୍ଗରିଆ ମହିଳା ଭାବେ ବିଦେଶ ଗସ୍ତରେ ଯିବେ ଡିଂଜା ଜାକେଶିକା । ନିୟମଗିରିରୁ ପାହାଡ କୋଣରୁ ଇଣ୍ଡୋନେସିଆ ।
କନକ ବ୍ୟୁରୋ : ଡଙ୍ଗରିଆ ମହିଳାଙ୍କ ବିଦେଶ ଯାତ୍ରା । ନିୟମଗିରି ପାହାଡ କୋଣରୁ ବିଦେଶ ଗସ୍ତରେ ଯିବେ ଡିଂଜା ଜାକେଶିକା । ଏଥିପାଇଁ ସମସ୍ତ ପ୍ରସ୍ତୁତି ସରିଛି । ନିୟମଗିରି ପାହାଡ଼ ଉପରେ ବସବାସ କରୁଥିବା ଡଙ୍ଗରିଆ କନ୍ଧ ସଂପ୍ରଦାୟର ପ୍ରଥମ ମହିଳା ଭାବେ ଡିଞ୍ଜା ଜାକେଶିକା ଇଣ୍ଡୋନେସିଆ ଯିବେ। ଏଥିପାଇଁ ସେ ପାର୍ସପୋର୍ଟ ମଧ୍ୟ ହାସଲ କରି ସାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଇଣ୍ଡୋନେସିଆର ବାଲି ଠାରେ ଆଦିମ ଜନଜାତିଙ୍କ ଉପରେ ଆଧାରିତ ଚଳଚ୍ଚିତ୍ର ମହୋତ୍ସବରେ ଯୋଗ ଦେବାକୁ ଏହି ଡଙ୍ଗରିଆ ନାରୀ ନେତ୍ରୀ ଜଣକ ଯିବେ ବୋଲି ଜଣାପଡିଛି। ଡିଞ୍ଜା ଜାକେଶିକା ବର୍ତ୍ତମାନ ରାୟଗଡ଼ା ଜିଲ୍ଲା ବିଷମକଟକ ବ୍ଲକ ଅନ୍ତର୍ଗତ କୁର୍ଲି ପଞ୍ଚାୟତର ସରପଞ୍ଚ ଅଛନ୍ତି।
ଇଣ୍ଡୋନେସିଆର ବାଲି ଠାରେ ଆସନ୍ତା ୨୬ରୁ ୨୮ ତାରିଖ ପର୍ୟ୍ୟନ୍ତ ପ୍ରଥମ ଥର ପାଇଁ ଆଦିମ ଜନଜାତି ସଂପ୍ରଦାୟ ଉପରେ ଆଧାରିତ ଚଳଚ୍ଚିତ୍ର ମହୋତ୍ସବ ଅନୁଷ୍ଠିତ ହେବ। ଏହି ମହୋତ୍ସବରେ ସାମିଲ ହେବା ପାଇଁ ଡିଞ୍ଜାଙ୍କୁ ନିମନ୍ତ୍ରଣ କରାଯାଇଛି। ଆଦିମ ଜନଜାତିଙ୍କ ସଂଘର୍ଷମୟ ଜୀବନ ଉପରେ ଆଧାରିତ ସିନେମା ପ୍ରଦର୍ଶିତ ହେବାର କାର୍ୟ୍ୟକ୍ରମ ରହିଥିବା ସୂଚନା ମଳିଛି।