ଗୋଟିଏ ମଂଚରେ ଗୋବିନ୍ଦା – ଶ୍ରୀବାସ୍ତବ ! ନିଜ ଆଇଡଲଙ୍କ ସହ ଡ୍ୟାନ୍ସ କଲେ ଡବୁ ଅଙ୍କଲ୍, ପୁଣି ପାଲଟିଲେ ଇଣ୍ଟରନେଟର ସେନସେସନ୍ ।
କନକ ବ୍ୟୁରୋ : ଗୋବିନ୍ଦାଙ୍କ ଗୀତରେ ଡ୍ୟାନ୍ସ କରି ଇଣ୍ଟରନେଟର ସେନସେସନ୍ ପାଲଟି ଥିବା ଡବୁ ଅଙ୍କଲ୍ ଏବେ ପୁଣିଥରେ ଆସିଛନ୍ତି ଚର୍ଚ୍ଚାର ପରିସରକୁ । ନିଜ ପ୍ରିୟ ତାରକା ଗୋବିନ୍ଦାଙ୍କ ସହ ଗୋଟିଏ ମଂଚରେ ନାଚିବାର ସୁଯୋଗ ମିଳିଛି ପ୍ରଫେସର୍ ସଂଜୀବ ଶ୍ରୀବାସ୍ତବ ଓରଫ ଡବୁ ଅଙ୍କଲଙ୍କୁ । କେମିତି ରହିଥିଲା ସେହି ସମୟର ଦୃଶ୍ୟ ଆସନ୍ତୁ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
ଗୋବିନ୍ଦାଙ୍କ ଗୀତରେ ନାଚି ଇଣ୍ଟନେଟରେ ଚହଳ ସୃଷ୍ଟି କରିଥିବା ଡବୁ ଅଙ୍କଲ ବା ପ୍ରଫେସର୍ ସଂଜୀବ ଶ୍ରୀବାସ୍ତବଙ୍କ ସ୍ୱପ୍ନ ହୋଇଛି ପୁରଣ । କାରଣ ନିଜର ଏହି ପ୍ରିୟ କଳାକାରଙ୍କ ସହ ସାକ୍ଷାତ୍ କରିବାର ସୁଯୋଗ ମିଳିଛି ତାଙ୍କୁ । ନିଜ ଗୋବିନ୍ଦା ଡ୍ୟାନ୍ସ ପାଇଁ ଡବୁ ଅଙ୍କଲ୍ ଏବେ ପୁଣିଥରେ ଇଣ୍ଟନେଟରେ ଛାଇ ଯାଇଛନ୍ତି । ହେଲେ ଏଥର ତାଙ୍କ ସାଥିରେ ନଜର ଆସିଛନ୍ତି ଗୋବିନ୍ଦା । ଆଉ ଗୋବିନ୍ଦାଙ୍କ ସହ ସେହି ଗୀତରେ ବି ଧୁମ୍ ଧମାଲ୍ ଡ୍ୟାନ୍ସ କରିଛନ୍ତି ସେ । ରିୟାଲିଟି ଶୋ ଡ୍ୟାନ୍ସ ଦିୱାନା ମଂଚ ଉପରେ ଦେଖିବାକୁ ମିଳିଛି କିଛି ଏହିପରି ଝଲକ । ଯେଉଁଠି ଡବୁ ଅଙ୍କଲଙ୍କ ଯୋଡି ବେଶ ଜମିଥିଲା ଡ୍ୟାନ୍ସିଂ ସୁପରଷ୍ଟାର୍ ଗୋବିନ୍ଦାଙ୍କ ସହ । ନିଜର ଆଇଡଲଙ୍କୁ ଏତେ ପାଖରୁ ଦେଖି ଭାବବିହ୍ୱଳ ହୋଇ ଯାଇଥିଲେ ସଂଜୀବ ଶ୍ରୀବାସ୍ତବ । ଏମିତି କି ସେ ଆଣ୍ଠେଇ କି ଗୋବିନ୍ଦାଙ୍କ ଆଗରେ ହାତ ଯୋଡି ପକାଇଥିଲେ । ଡବୁ ଅଙ୍କଲ୍ ଡ୍ୟାନ୍ସ ଦେଖି ଗୋବିନ୍ଦା ବି ବେଶ୍ ଖୁସି ହୋଇଥିଲେ । ନିଜଡ ୟୁନିକ୍ ଷ୍ଟାଇଲ୍ ଡ୍ୟାନ୍ସ ପାଇଁ ଲୋକପ୍ରିୟ ଅଭିନେତା ଗୋବିନ୍ଦା ବି ନିଜ ଡ୍ୟାନ୍ସ ଷ୍ଟାଇଲ୍ ଦେଖାଇଥିଲେ ଏହି ଅବସରରେ ।