ଚକାଚକ୍ ଲାଗୁଛି ରାଜଧାନୀର ରାଜରାସ୍ତା ! ହେଲେ ଖାଲଖମାରେ ଭର୍ତ୍ତି ଗଳି ରାସ୍ତା
କନକ ବ୍ୟୁରୋ : ବିଶ୍ବକପ୍ ହକି ପାଇଁ ରାଜଧାନୀ ସଜେଇ ହୋଇଛି । ରାଜଧାନୀ କାନ୍ଥବାଡ଼ରେ ରଙ୍ଗବେରଙ୍ଗର ଚିତ୍ର, ଚକାଚକ୍ ରାସ୍ତା, ଅତ୍ୟାଧୁନିକ ବସ୍ଷ୍ଟାଣ୍ଡ, ଶହ ଶହ ବାଇସାଇକେଲ୍, ଆଖି ପଲକ ପଡ଼ିଲା ବେଳକୁ ଗୋଟିଏ ‘ମୋ ବସ୍’ ପଳାଉଛି । ରଙ୍ଗିନ ଆଲୋକରେ ଝିଲ୍ମିଲ୍ କରୁଛି ସହର । କିନ୍ତୁ ଏହା କେବଳ ରାଜଧାନୀର ପ୍ରମୁଖ ରାସ୍ତାରେ ।
Kanak News is now on WhatsApp
Join and get latest news updates delivered to you via WhatsApp
ଚକାଚକ୍ ଦିଶୁଥିବା ରାସ୍ତାରୁ ଯଦି କେହି ଗଳି ରାସ୍ତାରେ ପଶିଯିବେ, ତେବେ ଆଉ ଏକ ରାଜଧାନୀକୁ ପାଇବେ । ଯେଉଁ ସହର ହକି ବିଶ୍ବକପ୍ ପାଇଁ ସଜେଇ ହୋଇଛି ସେହି ସହରରେ ଏହି ଅଞ୍ଚଳ ରହିଛି ବୋଲି ବିଶ୍ବାସ କରିହେବନି । ଅଧିକାଂଶ ଗଳିକନ୍ଦି ଏବେ ଖାଲଖମାରେ ଭର୍ତ୍ତି ରାସ୍ତା, ସ୍ବେରେଜ୍ ଲାଇନ୍ ବିଛାଇବା ପାଇଁ କେଉଁଠି ୧୦ ଫୁଟ ଗଭୀରର ଗାତ ଖୋଳାଯାଇଛି ତ କେଉଁଠି ପାଣି ପାଇପ୍ ବିଛାଇବା ପାଇଁ । ଆଉ କେଉଁଠି ଦୀର୍ଘ ମାସ ହେଲା ରାସ୍ତା ମରଣଯନ୍ତା ପାଲଟିଥିଲେ ବି ଏହାର ମରାମତି ହେଉନି । ବହୁ ସ୍ଥାନରେ କୁଢ଼କୁଢ଼ ଆବର୍ଜନା ବି ଗଦା ହୋଇଥିବା ଦେଖିବାକୁ ମିଳୁଛି ।