ଦାମଙ୍କ ଦୁଃଖ ! ବିଭାଗ ବଂଟନ ନେଇ ମନ୍ତ୍ରୀ ଅସନ୍ତୁଷ୍ଟ
କନକ ବ୍ୟୁରୋ : ନୂଆ ଚେହେରା ସହ ନବୀନ ମନ୍ତ୍ରିମଣ୍ଡଳରେ ବ୍ୟାପକ ପରିବର୍ତନ କରିଛନ୍ତି । ବିଜେଡି ସରକାରର ସବୁଠାରୁ ବରିଷ୍ଠ ଓ ବୟସ୍କ ମନ୍ତ୍ରୀ ଡାକ୍ତର ଦାମୋଦର ରାଉତଙ୍କୁ ମିଳିଛି କୃଷି ବିଭାଗର ଦାୟିତ୍ୱ । କୃଷି ବିଭାଗ ବଦଳରେ ପଂଚାୟତିରାଜ ଓ ପାନୀୟ ଜଳ ବିଭାଗର ଦାୟିତ୍ୱ ପ୍ରଦୀପ ମହାରଥୀଙ୍କ ଉପରେ ନ୍ୟସ୍ତ କରାଯାଇଛି ।ପୁରୀ ଜିଲ୍ଲାର ଏହି ହେଭିୱେଟ ନେତାଙ୍କୁ ଅରୁଣ ସାହୁଙ୍କ ପାଖରେ ଥିବା ଗୁରୁତ୍ୱପୂର୍ଣ ପଂଚାୟତିରାଜ ବିଭାଗ ଦେଇ ଖୁସି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପରିବହନ ବିଭାଗର ମନ୍ତ୍ରୀ ଥିବା ରାଷ୍ଟ୍ରମନ୍ତ୍ରୀ ରମେଶ ମାଝୀ କ୍ୟାବିନେଟ ପାହ୍ୟାକୁ ଉନ୍ନୀତ ହୋଇଥିବା ବେଳେ ମିଳିଛି ଅନୁସୂଚିତ ଜାତି ଓ ଜନଜାତି କଲ୍ୟାଣ ବିଭାଗ । ଗଂଜାମ ଜିଲ୍ଲାର ଅନ୍ୟତମ ଟାଣୁଆ ନେତା ବିକ୍ରମ କେଶରୀ ଆରୁଖ ବିଭାଗ ଅଦଳ ବଦଳ ବେଳେ ପାଇଛନ୍ତି ନୂଆ ଦାୟିତ୍ୱ । ଗ୍ରାମ୍ୟ ଉନ୍ନୟନ, ସୂଚନା ଓ ଲୋକସଂପର୍କ ଓ ସଂସଦୀୟ ବ୍ୟାପାର ଭଳି ତିନି ତିନିଟି ବିଭାଗର ମନ୍ତ୍ରୀ ଏବେ ବିକ୍ରମ ଆରୁଖ ।
ବିକ୍ରମଙ୍କ ପାଖରେ ଥିବା ଜଂଗଲ ଓ ପରିବେଶ ବିଭାଗର ଦାୟିତ୍ୱ ମିଳିଛି ବିଜୟଶ୍ରୀ ରାଉତରାୟଙ୍କୁ । ନବୀନଙ୍କ କ୍ୟାବିନେଟର ଅନ୍ୟତମ ବରିଷ୍ଠ ସଦସ୍ୟ ବିଜୟଶ୍ରୀ କିନ୍ତୁ ରାଜସ୍ୱ ପରି ଗୁରୁତ୍ୱପୂର୍ଣ ବିଭାଗ ହରାଇଛନ୍ତି । ଏପଟେ ପ୍ରଫୁଲ୍ଲ ମଲ୍ଲିକଙ୍କୁ ମିଳିଛି ପଦୋନ୍ନତି । ରାଷ୍ଟ୍ରମନ୍ତ୍ରୀ ଥିବା ପ୍ରଫୁଲ୍ଲ କ୍ୟାବିନେଟ ପାହ୍ୟା ପାଇଛନ୍ତି । ଗୁରୁତ୍ୱପୂର୍ଣ ଶକ୍ତି ବିଭାଗର ଦାୟିତ୍ୱ ମିଳିଛି ତାଙ୍କୁ । ତା ସହ ଇସ୍ପାତ ଓ ଖଣି ବିଭାଗର ଅତିରିକ୍ତ ଦାୟିତ୍ୱ ମଧ୍ୟ ।
ଅସ୍ୱାଭାବିକ ଭାବେ ବଦଳି ଯାଇଛି-ବିଜେଡିର ତୁଣ୍ଡ କୁହାଯାଉଥିବା ବରିଷ୍ଠ ମନ୍ତ୍ରୀ ଡକ୍ଟର ଦାମୋଦର ରାଉତଙ୍କ ବିଭାଗ । ଉଭୟ ସମବାୟ ଏବଂ ଅବକାରୀ ବିଭାଗ ଛଡ଼ାଇ ନେଇ ତାଙ୍କ ହାତରେ ଧରାଇ ଦିଆଯାଇଛି କୃଷି ବିଭାଗର ଗୁରୁଦାୟତ୍ୱ । ସୁପ୍ରିମୋଙ୍କ ଏହି ସରପ୍ରାଇଜ୍ ମୁଭରେ ଅସନ୍ତୁଷ୍ଟ ଥିବା ଭଳି ମନେ ହେଉଛନ୍ତି । ତେବେ ବିଭାଗ ବଂଟନ ସଂପୂର୍ଣ୍ଣ ଭାବେ ମୁଖ୍ୟମନ୍ତ୍ରୀଙ୍କ ଇଚ୍ଛାଧିନ ବୋଲି କହିଛନ୍ତି ।
ଅନୁରୁପ ଭାବରେ ବିଭାଗକୁ ନେଇ ଅସନ୍ତୋଷ ପ୍ରକାଶ କରିଛନ୍ତି-ନବୀନଙ୍କ ଟିମରେ ନୂଆ କରି ସ୍ଥାନ ପାଇଥିବା ଡକ୍ଟର ନୃସିଂହ ସାହୁ । ତାଙ୍କୁ ବାଣିଜ୍ୟ ଓ ପରିବହନ ବିଭାଗ ଦାୟିତ୍ୱ ଦିଆଯାଇଥିବା ବେଳେ ସେ ଆଉ କିଛି ଆଶା କରୁଥିବା କନକ ନ୍ୟୁଜକୁ କହିଛନ୍ତି ।