ପୁଣି ଲାଗିଲା ଦାମ-ବିଜେପି କଳି ! ମରୁଡି ପାଇଁ ମୋଦିଙ୍କ ପଟ୍ଟଶିଷ୍ୟ ଧର୍ମେନ୍ଦ୍ରଙ୍କୁ କଲେ ଦାୟୀ !
କନକ ବ୍ୟୁରୋ : ସର୍ବଦା କେନ୍ଦ୍ର ସରକାରଙ୍କୁ ଦାୟୀ କରୁଥିବା ବିଜେଡି ଚଳିତବର୍ଷ ରାଜ୍ୟରେ ଦେଖାଦେଇଥିବା ମରୁଡି କେନ୍ଦ୍ରକୁ ଦାୟୀ କରିଛି । କେନ୍ଦ୍ର ଅବହେଳାର ନାରା ଦେଇ ନିର୍ବାଚନୀ ବୈତରଣୀ ପାର ହେଉଥିବା ବିଜେଡି ପୁଣି ଥରେ ଏହି ନାରାକୁ ଦୋହରାଇଛି ।ମୋଦିଙ୍କ ପଟ୍ଟଶିଷ୍ୟ ହୀରାକୁଦକୁ ପାଣି ନଛାଡିବାରୁ ରାଜ୍ୟରେ ମରୁଡି ପରିସ୍ଥିତି ସୃଷ୍ଟି ହୋଇଛି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଆଜି ଏଭଳି ଟାର୍ଗେଟ୍ କରିଛନ୍ତି ବିଜେଡି ଉପସଭାପତି ଡାକ୍ତର ଦାମୋଦର ରାଉତ ।
Kanak News is now on WhatsApp
Join and get latest news updates delivered to you via WhatsApp
ପାଣି ଅଭାବରୁ ଜମି ଫାଟି ଫସଲ ନଷ୍ଟ ହୋଇଥିବା ବେଳେ ଏଥିପାଇଁ କେନ୍ଦ୍ରମନ୍ତ୍ରୀଙ୍କୁ ଦାୟୀ କରିଛନ୍ତି ରାଜ୍ୟ କୃଷିମନ୍ତ୍ରୀ । ଫସଲ ବେଉଷା ସମୟରେ ମୋଦି ଓ ତାଙ୍କ ପଟ୍ଟଶିଷ୍ୟ ହୀରାକୁଦକୁ ପାଣି ନ ଛାଡିବାରୁ ଏଭଳି ପରିସ୍ଥିତି ଉପୁଜିଛି । ଏଥିସହ ରାଜ୍ୟ ସରକାର ମରୁଡି ନେଇ ଯେଉଁ ଘୋଷଣା କରିଛନ୍ତି ତାହା ଐତିହାସିକ ବୋଲି ଦାମବାବୁ କହିଛନ୍ତି ।