ଅବପାତର ରୂପ ନେଲା ଦକ୍ଷିଣ ବଙ୍ଗୋପସାଗରରେ ସୃଷ୍ଟ ଲଘୁଚାପ । ଜାଣନ୍ତୁ ଓଡିଶା ପ୍ରତି ରହିଛି କି ବିପଦ?
୭୨ ଘଂଟା ମଧ୍ୟରେ ତାମିଲନାଡୁ ଓ ଦକ୍ଷିଣ ଆନ୍ଧ୍ର ଉପକୂଳ ଅଭିମୁଖେ ଗତି କରିବା ସମ୍ଭାବନା
କନକ ବ୍ୟୁରୋ: ଠିକ୍ ମାସକ ତଳେ ଅର୍ଥାତ ଅକ୍ଟୋବର ମାସ ୧୧ ତାରିଖରେ ତିତିଲି ସାମୁଦ୍ରିକ ବାତ୍ୟା ଓଡ଼ିଶା ଆନ୍ଧ୍ର ଆଡେ ମୁହାଁଇଥିଲା ଓ ନାହିଁ ନଥିବା କ୍ଷୟକ୍ଷତି କରିଥିଲା । ଏବେ ମାସକ ପରେ ପୁଣି ଥରେ ଏକ ସାମୁଦ୍ରିକ ବାତ୍ୟା ବଙ୍ଗୋପସାଗରରେ ସୃଷ୍ଟି ହୋଇଛି । ଏହାର ନାଁ ରଖାଯାଇଛି ଗାଜା । ଏହା କ୍ରମଶଃ ଘନୀଭୂତ ହୋଇ ଏକ ସିଭିୟର ସାଇକ୍ଲୋନିକ ଷ୍ଟୋର୍ମ ( ଭୟଙ୍କର ସାମୁଦ୍ରିକ ଝଡ଼) ରେ ପରିଣତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଗାଜା ଓଡ଼ିଶା ପାଇଁ କୌଣସି ବିପଦ ସୃଷ୍ଟି କରିବାର ଆଶଙ୍କା ନାହିଁ ବୋଲି ଭାରତୀୟ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି । ଘରୋଇ ପାଣିପାଗ ସଂସ୍ଥା ସ୍କାଇମେଟ୍ ପକ୍ଷରୁ ମଧ୍ୟ ସମାନ ପୂର୍ବାନୁମାନ କରାଯାଇଛି । ଏହା ଆସନ୍ତା ୧୪ ତାରିଖ ସୁଦ୍ଧା ଉତ୍ତର ତାମିଲନାଡୁ ଓ ଦକ୍ଷିଣ ଆନ୍ଧ୍ରପ୍ରଦେଶ ଛୁଇଁବାର ସମ୍ଭାବନା ରହିଛି ।
ଏହାର ପ୍ରଭାବରେ ପ୍ରବଳବର୍ଷା ହେବା ସହ ପବନ ବେଗ ଘଣ୍ଟା ପ୍ରତି ୧୦୦ରୁ ୧୧୦ କିଲୋମିଟରକୁ ଛୁଇଁବାର ସମ୍ଭାବନା ରହିଛି । ସମୁଦ୍ର ମଧ୍ୟ ଅଶାନ୍ତ ରହିବ ବୋଲି ପାଣିପାଗ ବିଭାଗ ପକ୍ଷରୁ ଜାରି ବୁଲେଟିନରେ କୁହାଯାଇଛି ।