ଗୁଜରାଟ ଉପରେ ବଢିଲା ବାତ୍ୟା ‘ବାୟୁ’ର ଭୟ । ୨ ଦିନ ପାଇଁ ସ୍କୁଲ ବନ୍ଦ, ସରକାରୀ କର୍ମଚାରୀଙ୍କ ଛୁଟି ରଦ୍ଦ
ସେନା ଆଲର୍ଟ ରହିବାକୁ ନିର୍ଦ୍ଦେଶ
କନକ ବ୍ୟୁରୋ: ଗୁଜୁରାଟ ଆଡକୁ ମାଡି ଆସୁଛି ଆରବସାଗରରେ ସୃଷ୍ଟି ହୋଇଥିବା ସାମୁଦ୍ରିକ ଝଡ ‘ବାୟୁ’ । ଘଂଟା ପ୍ରତି ୧୮ କିଲୋମିଟର ବେଗରେ ‘ବାୟୁ’ ଗତି କରୁଛି । ବର୍ତମାନ ଏହା ପୂର୍ବକେନ୍ଦ୍ରୀୟ ଆରବ ସାଗରରରେ ମୁମ୍ବାଇ ଉପକୂଳଠାରୁ ୩୨୦ କିଲୋମିଟର ଓ ଗୁଜୁରାଟ ଉପକୂଳଠାରୁ ୪୨୦ କିମି ଦୂରରେ ରହିଛି । ବାୟୁକୁ ନଜରରେ ରଖି ସେନାକୁ ଆଲର୍ଟରେ ରଖାଯାଇଛି । ସ୍କୁଲ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଥିବାବେଳେ ସବୁ କର୍ମଚାରୀଙ୍କ ଛୁଟିକୁ ବାତିଲ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କାଲି ସକାଳ ସୁଦ୍ଧା ଗୁଜୁରାଟର ପୋରବନ୍ଦରରୁ ମହୁୱା ମଝିରେ ସ୍ଥଳଭାଗ ଛୁଇଁପାରେ ବୋଲି ଆକଳନ କରିଛି ଭାରତୀୟ ପାଣିପାଗ ବିଭାଗ । ଏହି ସମୟରେ ପବନର ବେଗ ୧୪୦ରୁ ୧୫୦ କିଲୋମିଟର ବେଗରେ । ସେହପରି ବାତ୍ୟା ବାୟୁ ପ୍ରଭାବରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛ । ଏହା ସହିତ ଉଚ୍ଚ ଜୁଆର ଆସି ତଳିଆ ଅଂଚଳ ପ୍ରଭାବିତ ହେବାର ଆଶଙ୍କା ମଧ୍ୟ କରାଯାଇଛି । ବିଶେଷକରି ପୋରବନ୍ଦର, ଜୁନାଗଡ , ଆମରେଲି ଓ ଗିର-ସୋମନାଥ ଭଳି ଜିଲ୍ଳାର ତଳିଆ ଅଂଚଳ, କଚ୍ଚା ଘର, ଓ ଟିଣ ଛପର ଘରରୁ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦିଆଯାଇଛି ।