ତିତଲି ଧୋଇଲା ଟଙ୍କା ! ଜରି ପଲିଥିନ ଉପରେ ଖୋଲା ଛାତରେ ଶୁଖୁଛି ବିଡ଼ା ବିଡ଼ା ୫୦୦ ଓ ୨୦୦୦ ଟଙ୍କିଆ ନୋଟ, ଜାଣନ୍ତୁ କେଉଁଠି
କନକ ବ୍ୟୁରୋ : ବାତ୍ୟା ତିତଲି ଚାଲି ଯାଇଛି କିନ୍ତୁ ଚିହ୍ନ ଛାଡି ଯାଇଛି । ତିତଲି ବାତ୍ୟା ପରେ ପରେ ଯେଉଁଭଳି ବନ୍ୟା ବିଭୀଷିକା ଦେଖା ଦେଇଛି ତାହା ଫଳରେ ଲୋକଙ୍କ ଜୀବନ ଦୁର୍ବିସହ ହୋଇଯାଇଛି । ଗୋଟିଏ ପଟେ ଖାଦ୍ୟ ସାମଗ୍ରୀ ପାଇଁ ଲୋକେ ହନ୍ତସନ୍ତ ହେଉଥିବା ବେଳେ ଅନ୍ୟପଟେ ଏବେ ନଗଦ ଟଙ୍କାର ସମସ୍ୟା ଦେଖିବାକୁ ମିଳିଛି । ଖାସକରି ବାତ୍ୟା ପ୍ରଭାବିତ ଦକ୍ଷିଣ ଓଡିଶାର ଗଞ୍ଜାମ, ଗଜପତି ଓ ରାୟଗଡା ଜିଲ୍ଲାରେ ନଗଦ ଟଙ୍କାର ଘୋର ଅଭାବ ଦେଖାଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଜରି ପଲିଥିନ ଉପରେ ଶୁଖା ହୋଇଛି ୧୦୦ ଟଙ୍କାରୁ ଆରମ୍ଭ କରି ୨୦୦୦ ଟଙ୍କାର ବିଡା ବିଡା ବଣ୍ଡଲ । ପାଖାପାଖି ୫ କୋଟିରୁ ଅଧିକ ଟଙ୍କା ଖୋଲା ଛାତରେ ଶୁଖୁଛି । ଆଉ ଏଭଳି ଚିତ୍ର ଆସ୍କା ଅଞ୍ଚଳରେ ଦେଖିବାକୁ ମିଳିଛି । ତେବେ ଏତେ ଗୁଡିଏ ଟଙ୍କା ଛାତ ଉପରେ କାହିଁକି ଶୁଖାଯାଇଛି ତାହା ପଛର କାରଣ ଜାଣିଲେ ଆପଣ ଆଶ୍ଚଯ୍ୟ ହେବେ । ତିତଲି ବାତ୍ୟା ଓ ଲଗାଣ ବର୍ଷା ଫଳରେ ଆସ୍କାର ବିଭିନ୍ନ ବ୍ୟାଙ୍କ୍ ଚେଷ୍ଟ ଓ ଏଟିଏମରେ ପାଣି ପଶିଯିବା ଫଳରେ ଏଥିରେ ଥିବା ନଗଦ ୫ କୋଟି ଟଙ୍କା ସମ୍ପୂର୍ଣ୍ଣ ଭାବେ ଭିଜିଯିବା ସହ ନଷ୍ଟ ହୋଇଛି । ତିତଲି ବାତ୍ୟା କେବଳ ଯେ ମଣିଷକୁ ହନ୍ତସନ୍ତ କରିଛି ତାହା ନୁହେଁ ବରଂ ଏଥିରୁ ଏଟିଏମ ଓ ବ୍ୟାଙ୍କ ଗୁଡିକ ମଧ୍ୟ ବର୍ତ୍ତି ପାରିନାହାନ୍ତି ।
ସୋଭାଗ୍ୟବସତଃ ବାତ୍ୟା ଓ ବର୍ଷା ସମୟରେ ବ୍ୟାଙ୍କ କିମ୍ବା ଏଟିଏମରେ ଅଧିକ ପରିମାଣର ୨୦୦୦ ଟଙ୍କିଆ ନୋଟ ନଥିଲା । ନଚେତ ଅଧିକ ମୂଲ୍ୟର ଟଙ୍କା ନଷ୍ଟ ହୋଇଥାନ୍ତା । ଏବେ ମଧ୍ୟ ପାଣି ପଶି ଅନେକ ସଂଖ୍ୟକ ବ୍ୟାଙ୍କ, ଏଟିଏମ୍ ଅଚଳ। ଏବେ ବି ନଗଦ ଟଙ୍କାର ଅଭାବ ସାଙ୍ଗକୁ ବ୍ୟାଙ୍କ, ଏଟିଏମରେ ବିଦ୍ୟୁତ୍, ଇଣ୍ଟରନେଟ୍ ସଂଯୋଗ ବିଚ୍ଛିନ୍ନ। ଏସବୁ ସମସ୍ୟା ବାତ୍ୟା ବିପନ୍ନଙ୍କ ଉଦ୍ଧାର ଓ ଥଇଥାନ କ୍ଷେତ୍ରରେ ବାଟ ଓଗାଳିଛି।