ବିବାଦ ବଢ଼ାଇଲା ବିଜୁଳି ଖୁଂଟ: ୧୮୦ କିଲୋମିଟର ବେଗର ପବନରେ ବି ସଳଖି ଠିଆ ହୋଇଛି ରେଲୱେ ବିଭାଗର ବିଦ୍ୟୁତ ଖୁଂଟ, ହେଲେ ଲୋଟି ପଡ଼ିଲା ଶକ୍ତି ବିଭାଗ ଖୁଂଟ
କନକ ବ୍ୟୁରୋ: ବାତ୍ୟାଂଚଳରେ ବିପର୍ଯ୍ୟସ୍ତ ହୋଇ ପଡ଼ିଥିବା ବିଦ୍ୟୁତ ବ୍ୟବସ୍ଥା ଭିତରେ ଆମେ ଆପଣଙ୍କୁ ବିଦ୍ୟୁତ ଭିତିଭୂମିର ଦୁଇଟି ଚିତ୍ର ଦେଖାଇବାକୁ ଯାଉଛୁ । ଯାହାକୁ ଦେଖିଲେ ଆପଣଙ୍କ ମନରେ ଅନେକ ପ୍ରଶ୍ନ ସୃଷ୍ଟି ହେବ । ଗୋଟିଏ ଚିତ୍ର ହେଉଛି, ଶକ୍ତି ବିଭାଗର ବିଦ୍ୟୁତ ଖୁଂଟ । ହଜାର ହଜାର ସଂଖ୍ୟାରେ ଯାହା ଭାଙ୍ଗିରୁଜି ଯାଇଛି । ଅନ୍ୟଟି ହେଉଛି ରେଳ ବିଭାଗର ବିଦ୍ୟୁତ ଖୁଂଟ, ଯାହା ବାତ୍ୟା ପରେ ବି ସଳଖ ଛିଡ଼ା ହୋଇ ରହିଛି । ତେବେ କେଉଁଠି ରହିଛି ସମସ୍ୟା, ପଢନ୍ତୁ ଏହି ରିପୋର୍ଟ —
Kanak News is now on WhatsApp
Join and get latest news updates delivered to you via WhatsApp
ଏହି ଦୁଇଟି ପ୍ରଶ୍ନ ସମସ୍ତଙ୍କୁ ଆନ୍ଦୋଳିତ କରୁଥିବା ବେଳେ ଆମେ ଆପଣଙ୍କ ପାଖରେ ୨ଟି ତୁଳନାତ୍ମକ ଚିତ୍ର ରଖୁଛୁ । ଗୋଟିଏ ହେଉଛି ସେସୁ ଅଧିନରେ ଥିବା ବିଦ୍ୟୁତ ବଂଟନର ଭିତିଭୂମି । ଫନି ବାତ୍ୟା ପରେ କିଭଳି ମାଟିରେ ମିଶିଯାଇଛି ହଜାର ହଜାର ବିଦ୍ୟୁତ ଖୁଂଟି । ଅନ୍ୟ ଚିତ୍ରକୁ ଦେଖନ୍ତୁ , ଏ ହେଉଛି ରେଳ ବିଭାଗର ବିଦ୍ୟୁତ ଖୁଂଟ । ୧୮୦ କିଲୋମିଟର ପବନ ପରେ କିଭଳି ସଳଖ ହୋଇ ଠିଆ ହୋଇଛି ଏହି ବିଦ୍ୟୁତ ଖଂଟଗୁଡ଼ିକ । ଅର୍ଥାତ ବାତ୍ୟା ଫୋନିର କୌଣସି ପ୍ରଭାବ ପଡନି ରେଳ ବିଭାଗ ଅଧିନରେ ଥିବା ବିଦ୍ୟୁତ ଭିତିଭୂମି ଉପରେ ।
କାହିଁକି ମାଟିରେ ମିଶିଲା ଶକ୍ତି ବିଭାଗର ବିଦ୍ୟୁତ ଭିତ୍ତିଭୂମି?
• ବର୍ଷ ବର୍ଷ ଧରି ବିଦ୍ୟୁତ ତାର ଓ ଖୁଂଟ ପରିବର୍ତ୍ତନ ନହେବା
• ଦୁର୍ବଳ ହୋଇ ପଡ଼ିଥିବା ବିଦ୍ୟୁତ ଖଂଟ ଅପରିର୍ତ୍ତିତ ରହିବା
• ୫ ପୁଟ ବଦଳରେ ୨ ଫୁଟ ଗାତରେ ଖୁଂଟ ପୋତିବା
• ସଠିକ୍ ଡିଜାଇନ ଅବଲମ୍ବନ ନକରିବା
• ଦକ୍ଷ ଓ ତାଲିମପ୍ରାପ୍ତ ମାନବ ସମ୍ବଳର ଘୋର ଅଭାବ
ବାତ୍ୟାର ୯ ଦିନ ବିତିଯାଇଥିଲେ ମଧ୍ୟ ଲୋକଙ୍କ ପାଖରେ ପହଂଚିପାରିନି ବିଜୁଳି । ବିଜୁଳିକୁ ନେଇ କେଉଁଠି ଗଣ୍ଡଗୋଳ ତ କେଉଁଠି ରାସ୍ତା ରୋକ । କିନ୍ତୁ ଅନ୍ୟପଟେ ବିଭାଗୀୟ ସଚିବଙ୍କ ପାଖରେ ଉତର ନାହି କେବେ ଆସିବ ସଂପର୍ଣ୍ଣ ଅଂଚଳକୁ ବିଦ୍ୟୁତ ।