କଟକରେ ଘରୋଇ ପରୀକ୍ଷା ସେଂଟରରେ ଜୀବନ ସହ ଖେଳ ! ପୁରୁଷ ରୋଗୀଙ୍କ ଅଲଟ୍ରାସାଉଣ୍ଡ ହେଲା, କିନ୍ତୁ ଆସିଲା ମହିଳା ରୋଗୀଙ୍କ ରିପୋର୍ଟ
କନକ ବ୍ୟୁରୋ : ପୁରୁଷ ରୋଗୀଙ୍କ ନାଁରେ ମହିଳା ରୋଗୀଙ୍କ ରିପୋର୍ଟ । ଏପରି ଘଟଣା ଘଟିଛି କଟକର ଏକ ପ୍ରମୁଖ ଘରୋଇ ପରୀକ୍ଷା କେନ୍ଦ୍ର ଇକୋ ଇମେଜିଂ ସେଂଟରରେ । ଯାଜପୁର ଅରିଲୋରୁ ସୌମ୍ୟ ପ୍ରକାଶ ସାମଲଙ୍କ ପେଟ ଦରଜ ହେବାରୁ ଡା. ଉମେଶ ଚନ୍ଦ୍ର ପାତ୍ରଙ୍କ ନିକଟରେ ଚିକିତ୍ସା କରାଇଥିଲେ । ଏବଂ ଡାକ୍ତରଙ୍କ ନିର୍ଦ୍ଦେଶ ଅନୁସାରେ ଅଲଟ୍ରାସାଉଣ୍ଡ କରିବାକୁ ଏହି ପରୀକ୍ଷା କେନ୍ଦ୍ରକୁ ଆସିଥିଲେ । ତେବେ ଆଶ୍ଚର୍ଯ୍ୟର କଥା ହେଲା, ସୌମ୍ୟ ପ୍ରକାଶ ପୁରୁଷ ହୋଇଥିବାବେଳେ ତାଙ୍କ ରିପୋର୍ଟରେ ୟୁଟ୍ରସ ଓ ଓଭାରି ସାଇଜ୍ ଉଲ୍ଲେଖ ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହାକୁ ନେଇ ପରୀକ୍ଷା କେନ୍ଦ୍ର କର୍ତୃପକ୍ଷଙ୍କୁ ପଚାରିବାରୁ ରିପୋର୍ଟ ଛଡାଇ ନେବା ସହ ଧମକ ଦେଇଥିବା ଅଭିଯୋଗ ହୋଇଛି । ରୋଗୀ ଏବଂ ତାଙ୍କ ସଂପର୍କୀୟ ଏନେଇ ମଙ୍ଗଳାବାଗ ଥାନାରେ ଅଭିଯୋଗ କରିଛନ୍ତି । ତେବେ ପରୀକ୍ଷା କେନ୍ଦ୍ରର ମ୍ୟାନେଜର ଦୋଷ ସ୍ୱୀକାର କରିବା ସହ ଏହା ଡାକ୍ତରଙ୍କ ଭୁଲ ବୋଲି ସଫେଇ ଦେଇଛନ୍ତି । ଅନ୍ୟପଟେ ସେଂଟର କର୍ମଚାରୀ ଧମକ ଦେବା ବିଷୟରେ ସେ ଜାଣି ନଥିବା କହିଛନ୍ତି । ଏହି ରିପୋର୍ଟରେ ରେଡିଓଲଜିଷ୍ଟ ଡାକ୍ତର ସୁବ୍ରତ ରାଉତଙ୍କ ନାଁ ରହିଛି । ତେବେ ଘଟଣାର ତଦନ୍ତ ହେଲେ ସମସ୍ତ ସତ ସାମ୍ନାକୁ ଆସିବ ବୋଲି କୁହାଯାଉଛି ।