କଟକ : ଟାଙ୍ଗୀ ବଇଁଚୁଆ ନିକଟରେ ଡମ୍ଫରକୁ ଧକ୍କା ଦେଲା ଯାତ୍ରୀବାହି ବସ୍, ଘଟଣାସ୍ଥଳରେ ଡ୍ରାଇଭର ମୃତ
କନକ ବ୍ୟୁରୋ : କଟକ ଟାଙ୍ଗୀ ବଇଁଚୁଆ ନିକଟରେ ଦୁର୍ଘଟଣା । ଡ୍ରମ୍ଫକୁ ଧକ୍କା ଦେଇଛି ଯାତ୍ରୀବାହି ବସ୍ । ସୂଚନା ଅନୁସାରେ ଆଜି ଭୋରରୁ ୧୬ ନମ୍ବର ଜାତୀୟ ରାଜପଥର ଟାଙ୍ଗୀ ଥାନା ଅନ୍ତର୍ଗତ ବଇଁଚୁଆ ନିକଟରେ ଏକ ଯାତ୍ରୀବାହୀ ବସ ରାସ୍ତାକଡ଼ରେ ବ୍ରେକ୍ ଡାଉନ୍ ହୋଇ ରଖାଯାଇଥିବା ଏକ ଡମ୍ପରକୁ ପଛରୁ ପିଟିଦେଇଥିଲା । ଫଳରେ ଘଟଣାସ୍ଥଳରେ ବସ୍ ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ୧୫ ଜଣ ଯାତ୍ରୀ ଆହତ ହୋଇଛନ୍ତି । ସେମାନଙ୍କୁ କଟକ ବଡ଼ ଡାକ୍ତରଖାନାକୁ ଚିକିତ୍ସା ପାଇଁ ପଠାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ପଶ୍ଚିମବଙ୍ଗର ଦୀଘାରୁ ଭୁବନେଶ୍ୱର ଆସୁଥିବା ଓଡି୦୨କେ୮୭୫୭ ନମ୍ବର ବିଶିଷ୍ଠ ଓଂକାର ନାମକ ଘରୋଇ ବସଟି ଏକ ଡମ୍ପରକୁ ପଛରୁ ଧକ୍କା ଦେଥିଲା । ଖବରପାଇ ଟାଙ୍ଗୀ ପୁଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲା । ତେବେ ଗାଡ଼ିରେ ଚାପି ହୋଇ ବସ ଡ୍ରାଇଭରଙ୍କର ମୃତ୍ୟୁ ଘଟିଥିଲା । ଅନ୍ୟସମସ୍ତ ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।