କନକ ବ୍ୟୁରୋ : ବିବାହ ଭୋଜିରେ ଗଣ୍ଡଗୋଳକୁ କେନ୍ଦ୍ରକରି ଗୋଷ୍ଠୀ ସଂଘର୍ଷ । କଟକ ଜିଲ୍ଲା ଜଗତପୁର ଥାନା ଅନ୍ତର୍ଗତ ବହୁଗ୍ରାମ ଓ ବିଶ୍ୱନାଥପୁର ମଧ୍ୟରେ ମୁହାମୁହିଁ ପରିସ୍ଥିତି ସୃଷ୍ଟି ହୋଇଛି । ଏଥିରେ ବ୍ୟାପକ ଭଙ୍ଗାରୁଜା ହୋଇଥିବା ସହ ପୋଡାଜଳା ମଧ୍ୟ ହୋଇଛି । ଗଣ୍ଡଗୋଳରେ ତିନୋଟି ଦୋକାନ ଘର ଭାଙ୍ଗି ଯାଇଛି । ଗତକାଲି ରାତିରୁ ଉତେଜନା ଲାଗି ରହିଥିବା ବେଳେ ଘଟଣାସ୍ଥଳରେ କମିସନରେଟ ପୁଲିସ ଏକ ପ୍ଲାଟୁନ ଫୋର୍ସ ମୁତୟନ କରିଛି ।
Kanak News is now on WhatsApp
Join and get latest news updates delivered to you via WhatsApp
ତିନି ଦିନ ତଳେ ଖରାଖିଆ ମନ୍ଦିରରେ ହୋଇଥିବା ଏକ ବିବାହ ଉତ୍ସବରେ ବହୁଗ୍ରାମର ଯୁବକଙ୍କ ସହ ବିଶ୍ୱନାଥପୁର ଯୁବକଙ୍କ ମଧ୍ୟରେ ଗଣ୍ଡଗୋଳ, ମାରପିଟ ହୋଇଥିଲା । ଏନେଇ ଜଗତପୁର ଥାନାରେ ମଧ୍ୟ ଅଭିଯୋଗ ହୋଇଥିଲା । କିନ୍ତୁ ପୋଲିସ କୌଣସି କାର୍ଯ୍ୟନୁଷ୍ଠାନ ନନେବାରୁ ଗତକାଲି ରାତିରେ ପୁଣି ଦୁଇ ଗାଁ ଲୋକଙ୍କ ମଧ୍ୟରେ ବଚସା ହୋଇଥିଲା । ଏହି ବଚସା ଉଗ୍ରରୁପ ନେଇ ଗୋଷ୍ଠୀ ସଂଘର୍ଷରେ ପରିଣତ ହୋଇଛି ।