କଟକ : ପ୍ରଥମେ ପ୍ରେମ, ପରେ ବିବାହର ପ୍ରତିଶ୍ରୁତି ଆଉ ତାପରେ ପ୍ରତାରଣା
କନକ ବ୍ୟୁରୋ : ଲଭ, ସେକ୍ସ, ଧୋକା । ପ୍ରଥମେ ପ୍ରେମ, ପରେ ବିବାହର ପ୍ରତିଶ୍ରୁତି ଆଉ ତାପରେ ପ୍ରତାରଣ । ଏଭଳି ଅଭିଯୋଗ ଆସିଛି କଟକ ଝାଞିରିମଂଗଳା ଅଂଚଳରୁ । ଉଚ୍ଚ ସମ୍ଭ୍ରାନ୍ତ ଘରର ଯୁବକ ଆନନ୍ଦ ନିଜ ମିଠା ମିଠା କଥାରେ ଝାଞିରୀମଂଗଳା ଅଂଚଳର ଜଣେ ଯୁବତୀକୁ ନିଜ ପ୍ରେମ ଜାଲରେ ଫସାଇଥିଲା । ଦୀର୍ଘ ଚାରି ବର୍ଷ ଧରି ଚାଲିଥିଲା ଉଭୟଙ୍କ ପ୍ରେମ କାହାଣୀ ।
Kanak News is now on WhatsApp
Join and get latest news updates delivered to you via WhatsApp
ଏହାରି ଭିତରେ ଆନନ୍ଦ ଅନେକ ଥର ଯୁବତୀ ଜଣକୁ ବିବାହର ପ୍ରତିଶୃତି ଦେଇ ତାଙ୍କ ସହ ସଂର୍ପକ ରଖିଥିବା କଥା ଯୁବତୀ ଜଣକ କହିଛନ୍ତି । ହେଲେ ଯେତେବେଳେ ସାମାଜିକ ରୀତିନୀତିରେ ଯୁବତୀ ଜଣକ ବିବାହ ପାଇଁ ଜିଦ ଧରି ବସିଲେ ସେତେବେଳେ ପ୍ରେମିକ ଆନନ୍ଦ ସେମାନଙ୍କର ଅନ୍ତରଂଗ ମୁହୂର୍ତ୍ତର ଫଟୋକୁ ଭାଇରାଲ କରିଦେବ କହି ଧମକ ଦେଲା ଦେଇଥିବା ଯୁବତୀ ଜଣକ ଅଭିଯୋଗ କରିଛନ୍ତି । ବାଦାମବାଡି ଥାନାରେ ଅଭିଯୋଗ ପରେ ପୁଲିସ ଏହି ଘଟଣାରେ ତଦନ୍ତ ଆରମ୍ଭ କରିଥିବା ବେଳେ ଯୁବକ ଜଣକ ଫେରାର ହୋଇଯାଇଛନ୍ତି ।