କଟକ ବ୍ୟୁରୋ, କନକ ନ୍ୟୁଜ୍ : କନକ ନ୍ୟୁଜ ପ୍ରଭାବ । ଖବର ପ୍ରସାରଣର ଦିନକ ପରେ ଅଭିଯୁକ୍ତଙ୍କୁ ଧରିବାରେ ସକ୍ଷମ ହୋଇଛି କମିଶନରେଟ ପୋଲିସ । କଟକ ବୟାଳିଶ ମୌଜା ଲୁଟ ଓ ଗଣଧର୍ଷଣ ମାମଲାରେ କମିଶନରେଟ ପୋଲିସ ଗୋଟିଏ ପାହାଚ ଆଗେଇଛି । ଘଟଣାର ଦୀର୍ଘ ୮ ଦିନ ପରେ ୨ ଜଣ ଅଭିଯୁକ୍ତଙ୍କୁ ଗିରଫ କରିବାକୁ ସକ୍ଷମ ହୋଇଛି । ସେମାନେ ହେଲେ ରତ୍ନାକର ଦାସ ଓ ଗଦାଧର ଦାସ । ଏହି ଦୁଇଜଣ ଭଦ୍ରକ ଜିଲ୍ଲା ଧାମନଗର ଥାନା ଅନ୍ତର୍ଗତ ନୂଆପଡା ଗାଁ ବାସିନ୍ଦା ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି ଡିସିପି । ଗଦାଧରଙ୍କ ନାଁରେ ଧାମନଗର ଅଂଚଳରେ ଏକାଧିକ ମାମଲା ଥିବା ପୋଲିସ ଜାଣିପାରିଛି । ଏହି ଲୁଟ ଓ ଗଣଦୁଷ୍କର୍ମ ଘଟଣାରେ ଆଉ ୨ରୁ ୩ ଜଣ ସଂପୃକ୍ତ ଥିବା ପୋଲିସ ସନ୍ଦେହ କରୁଛି ଏବଂ ଏହି ଅଭିଯୁକ୍ତଙ୍କୁ ଖୁବଶୀଘ୍ର ପୋଲିସ ଗିରଫ କରିବ ବୋଲି କହିଛନ୍ତି କଟକ ଡିସିପି ସଂଜୀବ ଅରୋରା ।
Kanak News is now on WhatsApp
Join and get latest news updates delivered to you via WhatsApp
କଟକ ବୟାଳିଶ ମୌଜା ଝିଙ୍କିରିଆରେ ଲୁଟ ପରେ ମହିଳାଙ୍କୁ ଘରୁ ଟେକି ନେଇ ଗଣଦୁଷ୍କର୍ମ ଘଟଣା ସାରା ଅଂଚଳରେ ଚାଂଚଲ୍ୟ ସୃଷ୍ଟି କରିଥିଲା । ଗତ ୨୬ ତାରିଖ ରାତିରେ ୪ ଜଣ ଦୁର୍ବୃତ ଘରେ ପଶି ଲୁଟ୍ କରିବା ପରେ ନଦୀ ପଠାକୁ ନେଇ ମହିଳାଙ୍କୁ ଗଣଧର୍ଷଣ କରିଥିଲେ। ୫ ବର୍ଷର ଝିଅ ବେକରେ ଛୁରୀ ଲଗାଇ ଦୁର୍ବୃତ ମହିଳାଙ୍କୁ ଗଣଧର୍ଷଣ କରିଥିଲେ । ଏପରିକି ପାଟି କଲେ ମାରିଦେବାକୁ ଧମକ ଦେଇଥିଲେ ଦୃର୍ବତ । ପୀଡିତାଙ୍କ ବୟାନ ପରେ କମିଶନରେଟ ପୋଲିସ ତଦନ୍ତ ଆରମ୍ଭ କରିଥିଲା । ନିଜେ ଡିସିପି ଘଟଣା ସ୍ଥଳକୁ ପୀଡିତାଙ୍କୁ ନେଇ ଛାନଭିନ କରିଥିଲେ । ନଦୀ ପଠାରୁ କିଛି ସୁରାଗ ବି ମିଳିଥିଲା । କିନ୍ତୁ ଘଟଣାକୁ ୮ ଦିନ ବିତିଯାଇଥିଲେ ସୁଦ୍ଧା ଅଭିଯୁକ୍ତଙ୍କୁ ଧରିବାରେ ସକ୍ଷମ ହୋଇନଥିଲା ପୁଲିସ୍ । ଗତକାଲି ଦିନ ତମାମ ଏନେଇ କନକ ନ୍ୟୁଜରେ ଖବର ପ୍ରସାରଣ ପରେ ଅସନ୍ତୋଷ ପ୍ରକାଶ କରିଥିଲେ ସ୍ଥାନୀୟ ବାସିନ୍ଦା । ଫଳରେ ପୋଲିସ ଉପରେ ଚାପ ପଡିଥିଲା। କମିଶନରେଟ ପୋଲିସ ପକ୍ଷରୁ ଗଠନ କରାଯାଇଥିବା ସ୍ୱତନ୍ତ୍ର ଟିମ୍ ୨ ଅପରାଧୀଙ୍କୁ ଧରିବାରେ ସଫଳ ହୋଇଛି।