କଟକ : କଟକ ବାଲିଯାତ୍ରା ଆୟୋଜନ ବିବାଦ । ନ୍ୟାସନାଲ ଗ୍ରୀନ ଟ୍ରିବ୍ୟୁନାଲରେ ରିପୋର୍ଟ ଦାଖଲ କଲା ଜିଲ୍ଲା ପ୍ରଶାସନ । ଜାତୀୟ ଗ୍ରୀନ ଟ୍ରିବ୍ୟୁନାଲ ମହାନଦୀ ଓ କାଠଯୋଡି ନଦୀ ପଠାରେ ବାଲିଯାତ୍ରା ଆୟୋଜନକୁ ନେଇ ପ୍ରଶ୍ନ ଉଠାଇଥିଲେ । ଏ ପ୍ରସଂଗରେ କଟକ ଜିଲ୍ଲାପାଳ, ଜଳସଂପଦ ସଚିବ, ଓ ମୁଖ୍ୟ ଶାସନସଚିବଙ୍କୁ କୈଫିୟତ ତଲବ କରିଥିଲେ । ୭ ଦିନ ମଧ୍ୟରେ ଉତର ରଖିବାକୁ ଏମାନଙ୍କୁ ତାଗିଦ୍ କରିଥିଲେ ଗ୍ରୀନ ଟ୍ରିବ୍ୟୁନଲ୍ । ଏନଜିଟିଙ୍କ ନିର୍ଦେଶ ମୁତାବକ ଆଜି କଟକ ଜିଲ୍ଲା ପ୍ରଶାସନ ପକ୍ଷରୁ ରିପୋର୍ଟ ଦାଖଲ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆୟୋଜନ ଉପରେ ଏନଜିଟି ଅଂକୁଶ ଲଗାଇବା ପରେ ହାଇକୋର୍ଟରେ ରିଟ୍ ପିଟିସନ ଦାଖଲ କରିଛି ବାଲିଯାତ୍ରା ନୃତ୍ୟୋତ୍ସବ କମିଟି । ତଳ ପଡିଆ ଉପରେ ଏନଜିଟିର କୌଣସି ନିୟନ୍ତ୍ରଣ ନାହିଁ । ଏନଜିଟି ବାଲିଯାତ୍ରା ଉପରେ ଅଂକୁଶ ଲଗାଇବା ପରେ ବାଲିଯାତ୍ରା ପ୍ଲଟ ବୁକିଂ ପ୍ରକ୍ରିୟା ବନ୍ଦ ରହିଛି । ଆସନ୍ତା ନଭେମ୍ବର ୧୪ ତାରିଖରୁ ବାଲିଯାତ୍ରା ଆରମ୍ଭ ହେବାକୁ ଥିବାବେଳେ ଆଉ ମାତ୍ର ୧୧ ଦିନ ସମୟ ଅଛି ।