ଦୋକାନକୁ ଜୋତା କିଣିବାକୁ ଯାଇଥିଲେ ଗ୍ରାହକ, ଜୋତା ପିନ୍ଧି ଦୈାଡିବାକୁ ଲାଗିଲେ, ତା’ପରେ…
ଦୁଇଟି ଜୋତା ପିନ୍ଧି ସାରି ଟଙ୍କା ନଦେଇ ଦୋକାନରୁ ଦୌଡ଼ି ଆସୁଥିବା ଦେଖା ଯାଇଛି ।
କିଛି ଦିନ ହେଲାଣି ସୋସିଆଲ ମିଡ଼ିଆରେ ମାଲେସିଆର ଏକ ଭିଡିଓ ଭାଇରାଲ ହେବାରେ ଲାଗିଛି । ଫେସବୁକରେ ଏହି ଭିଡିଓକୁ ୧.୫ମିଲିୟନ ଲୋକ ଦେଖି ସାରିଥିବା ବେଳେ ଭିଡିଓରେ ଯୁବକଜଣଙ୍କ କରିଥିବା କାରନାମାକୁ ନେଇ ଏବେ ଚାରିଆଡ଼େ ଚର୍ଚ୍ଚା ଆରମ୍ଭ ହେବାରେ ଲାଗିଛି । ଭିଡିଓରେ ଜଣେ ଯୁବକ ଜୋତା କିଣିବା ପାଇଁ ଏକ ଦୋକାନକୁ ଯାଇଥିବା ବେଳେ ଦୁଇଟି ଜୋତା ପିନ୍ଧି ସାରି ଟଙ୍କା ନଦେଇ ଦୋକାନରୁ ଦୌଡ଼ି ଆସୁଥିବା ଦେଖା ଯାଇଛି । ଯାହାକୁ ଦେଖି ଜୋତା ଦେଖାଉଥିବା ସେଲ୍ସମ୍ୟାନ୍ ମଧ୍ୟ ଯୁବକଙ୍କ ପଛେ ପଛେ ଦୌଡ଼ିବା ଆରମ୍ଭ କରନ୍ତି । କିନ୍ତୁ ସମୟ ପରେ ଯାହା ଘଟେ, ତାହାକୁ ଦେଖି ଉପସ୍ଥିତ ଲୋକେ ଆଶ୍ଚର୍ଯ୍ୟ ହେବା ସହ ହସିବାକୁ ଲାଗନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜୋତାଟି ଠିକ୍ ଅଛି କି ନାହିଁ ଜାଣିବା ପାଇଁ ଯୁବକ ଜଣଙ୍କ ଏହାକୁ ପିନ୍ଧି ଦୌଡ଼ିଥିଲେ । ଯାହାକୁ ଦେଖି ଉପସ୍ଥିତ ଲୋକେ ଯୁବକ ଜଣଙ୍କ ଚୋରି କରୁଥିବା କଥା ଭାବିଥିଲେ । କିନ୍ତୁ ପରେ ସେ ପୁଣି ଦୋକାନ ଭିତରକୁ ଦୌଡ଼ି ଆସିଥିଲେ । ଯାହା ପରେ ପ୍ରକୃତ ଘଟଣା ସାମ୍ନାକୁ ଆସିଥିଲା । ଯୁବକଙ୍କ ଏଭଳି କାମ ପ୍ରଥମେ ସମସ୍ତଙ୍କୁ ଆଶ୍ଚର୍ଯ୍ୟ କରାଇଥିବା ବେଳେ ପରେ ସମସ୍ତଙ୍କୁ ହସାଇଥିଲା । ଏବେ ସେହି ସମୟର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।