ରାଜଗାଙ୍ଗପୁର ଜେଲରେ ହାଜତ ମୃତ୍ୟୁ ଅଭିଯୋଗ : ବ୍ୟାଙ୍କ ଆକାଂଉଟରୁ ୧୦ ଲକ୍ଷ ଟଙ୍କା ହଡପ ମାମଲାରେ ଥାନାରେ ଅଟକ ଥିଲେ ଅଭିଯୁକ୍ତ
କନକ ବ୍ୟୁରୋ : ରାଜଗାଙ୍ଗପୁର ଥାନା ହାଜତରେ ଜଣେ ଅଭିଯୁକ୍ତର ମୃତ୍ୟୁ ହୋଇଛି । ଗତ ରାତିରେ ଶବକୁ ଝୁଲନ୍ତା ଅବସ୍ଥାରେ ହାଜତ ଭିତରେ ଦେଖିବାକୁ ମିଳିଥିଲା । ତେବେ ଆତ୍ମହତ୍ୟା କରିଛନ୍ତି ନାଁ ଅନ୍ୟ କାରଣରୁ ମୃତ୍ୟୁ ହୋଇଛି ତାହା ସ୍ପଷ୍ଟ ହୋଇନାହିଁ । କୁତ୍ରା ବ୍ଲକ୍ ଅନ୍ତର୍ଗତ ତୁନମୁରା ଜନସେବା କେନ୍ଦ୍ରର ଷ୍ଟେଟବ୍ୟାଙ୍କ ଅଫ୍ ଇଣ୍ଡିଆର ବିଭିନ୍ନ ହିତାଧିକାରୀଙ୍କଠାରୁ ଜୟ ଲାକ୍ରା ନାମକ ବ୍ୟକ୍ତି, ୧୦ଲକ୍ଷରୁ ଉର୍ଦ୍ଧ୍ୱ ଟଙ୍କା ଠକି ନେଇଥିବା ଅଭିଯୋଗ ହୋଇଥିଲା । ଏନେଇ ତାଙ୍କୁ ରାଜଗାଙ୍ଗପୁର ପୋଲିସ୍ ଥାନାରେ ଅଟକ ରଖି ପଚରାଉଚରା କରୁଥିଲା । ଏହାକୁ ନେଇ ସ୍ଥାନୀୟ ଅଂଚଳରେ ଚାପା ଉତେଜନା ଲାଗି ରହିଛି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, କୁତ୍ରା ଥାନା ଅନ୍ତର୍ଗତ ତୁନମୁରା ଜନସେବା କେନ୍ଦ୍ରରୁ ରାଇକାକଚ୍ଚାର ଗ୍ରାମର ରବୀନ୍ଦ୍ର ଲାକ୍ରାଙ୍କ ଖାତା ନମ୍ବର ୩୫୨୫୦୦୭୮୨୧୧ରୁ ୯୦ ହଜାର ଟଙ୍କା ଗତ ୨୦ ଓ ୨୧ନଭେମ୍ବରରେ କେହି ଉଠାଇ ନେଇଥିଲା । ଏହା ପୂର୍ବରୁ ୫୦ରୁ ଅଧିକ ଜମାକାରୀଙ୍କ ଖାତାରୁ ୩ରୁ ୧୦ ହଜାର ଟଙ୍କା ଲେଖାଏଁ କରି ୧୦ ଲକ୍ଷ ଟଙ୍କା ହଡ଼ପ ହୋଇଛି । ରବିନ୍ଦ୍ରଙ୍କର ଏତଲାକୁ ଭତ୍ତି କରି ରାଜଗାଙ୍ଗପୁର ଥାନାରେ ମାମଲା ରୁଜୁ କରି ଜୟଙ୍କୁ ଥାନାକୁ ଆଣି ପଚରା ଉଚରା କରୁଥିଲା ।