ପଦାକୁ ଆସିଲା ବଡ ଡାକ୍ତରଖାନାର ଦାୟିତ୍ୱହୀନତା ! ବ୍ୟବଚ୍ଛେଦ ପାଇଁ ଆସିଥିବା ଅଜ୍ଞାତ ଶବକୁ ଡାକ୍ତରଖାନାରେ ଝୁଣି ଖାଇଲେ କାଉ ।
ବର୍ତ୍ତମାନ ସୋସିଆଲ୍ ମିଡିଆରେ ଏଭଳି ଏକ ଫଟୋ ସେୟାର୍ ହେଉଛି ଯାହାକୁ ଦେଖି ମାନବିକତା ଉପରେ ପ୍ରଶ୍ନବାଚୀ ସୃଷ୍ଟି ହେଉଛି । ଘଟଣାଟି ନଭେମ୍ବର ୨୯ ତାରିଖ ୨୦୧୮ ର ହୋଇଥିଲେ ହେଁ ବର୍ତ୍ତମାନ ଏହା ସୋସିଆଲ୍ ମିଡିଆ ସାମ୍ନାକୁ ଆସିଛି ଏବଂ ଖୁବ୍ ଭାଇରାଲ୍ ହେଉଛି । ଘଟଣାଟି ହେଉଛି ରାଞ୍ଚୀ ରିମ୍ସ ହସ୍ପିଟାଲର । ଜଣେ ଅଜ୍ଞାତ ଯୁବକଙ୍କ ମୃତ୍ୟୁ ହେବା ଫଳରେ ଶବ ବ୍ୟବଚ୍ଛେଦ ପାଇଁ ରାଞ୍ଚୀ ପୋଲିସ୍ ରିମ୍ସ ହସ୍ପିଟାଲକୁ ଆଣିଥିଲେ । ଶବ ବ୍ୟବଚ୍ଛେଦ କୋଠରୀ ଆଗରେ ଦୀର୍ଘ ସମୟ ଧରି ଶବ ପଡି ରହିଥିବା ସତ୍ତେ୍ୱ କେହି ଜଣେ ଶବ ଉପରେ କପଡା ଘୋଡାଇ ନଥିଲେ ।
Kanak News is now on WhatsApp
Join and get latest news updates delivered to you via WhatsApp
ହସ୍ପିଟାଲ କର୍ମଚାରୀଙ୍କ ଏଭଳି ଦାୟିତ୍ୱହୀନତା ଯୋଗୁଁ ଶବ ଆଖପାଖରେ କାଉ ବୁଲୁଥିବା ଦେଖାଦେଇଥିଲା ଏବଂ ଏହି କାଉ ପରେ ଶବକୁ ଝୁଣୁଥିବାର ଅଭାବନୀୟ ଦୃଶ୍ୟ ମଧ୍ୟ ଦେଖାଦେଇଥିଲା । ଏହି ମାମଲାରେ ଏବେ ପୋଲିସ୍ ହସ୍ପିଟାଲକୁ ଦୋଷ ଦେଉଥିବା ବେଳେ ହସ୍ପିଟାଲ କର୍ତ୍ତୃପକ୍ଷ ପୋଲିସ୍ କୁ ଦୋଷ ଦେଇଛନ୍ତି । ଏଭଳି ଅବସ୍ଥାରେ ଶବ ୧ ଘଣ୍ଟା ପର୍ଯ୍ୟନ୍ତ କାଉଙ୍କ ହାବୁଡରେ ପଡିରହିଲା ।