ଗଂଜାମ ଆସ୍କାରେ ପୁଣି ଏନକାଉଣ୍ଟର : ଦୁର୍ଦ୍ଦାନ୍ତ ଅପରାଧୀ କାଳୁ ବିଶ୍ୱାଳ ପୁଲିସ ଗୁଳିରେ ଆହତ, ପିସ୍ତଲ ଓ ଗୁଳି ଜବତ
କନକ ବ୍ୟୁରୋ : ଗଞ୍ଜାମ ଜିଲ୍ଲା ଆସିକା ଥାନା ଅଂଚଳରେ ପୁଣି ଏକ ଏନକାଉଣ୍ଟର ହୋଇଛି । ଚାରିମାଇଲ ଛକଠାରେ ବଳିଆପଲ୍ଲୀ ଗ୍ରାମର ଦୁର୍ଦ୍ଦାନ୍ତ ଅପରାଧୀ କାଳୁ ବିଶ୍ୱାଳକୁ ପୋଲିସ ଏନକାଂଉଟର କରିଛି । କାଳୁର ଡାହାଣ ଗୋଡରେ ଗୁଳି ବାଜିଛି । ତା ନିକଟରୁ ୯ଏମଏମ ପିସ୍ତଲ, ୩ଟି ଅଫୁଟା ଗୁଳି, ଗୋଟିଏ ବାଇକ ଜବତ କରାଯାଇଛି । କାଳୁ ନାଁରେ ହତ୍ୟା, ରାହାଜାନୀ, ବୋମାମାଡ, ଡକାୟତି ଭଲି ସଙ୍ଗୀନ ମାମଲା ରହିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ କାଳୁ ବିଶ୍ୱାଳ ଏକ ବାଇକ ଯୋଗେ କୌଣସି ଅଘଟଣ ଘଟାଇବା ପାଇଁ ଆସୁଥିବା ବେଳେ ବଡଗଡ ଓ ଆସିକା ପୋଲିସ ପାଖରେ ଖବର ପହଂଚିଥିଲା । ପୋଲିସ କାଳୁ ବିଶ୍ୱାଳକୁ ଅଟକାଇବା ପାଇଁ ଚେଷ୍ଟା କରିବା ବେଳେ ସେ ଦ୍ରୁତଗତିରେ ବାଇକ ଯୋଗେ ଚାରିମାଇଲ ଅଂଚଳକୁ ଚାଲିଯାଇଥିଲା । ଉଭୟ ଥାନା ଅଧିକାରୀଙ୍କ ଉପରକୁ ୪ ରାଉଣ୍ଡ ଗୁଳି ଚାଳନା ହୋଇଥିଲା । ଜବାବରେ ପୋଲିସର ପାଲଟା ଗୁଳିଚାଳନାରେ କାଳୁର ଡାହାଣ ଗୋଡରେ ଗୁଳି ବାଜିଥିଲା । ସେ ତଳେ ପଡିଯାଇଥିଲା । ପରେ ପୋଲିସ ତାକୁ କାବୁ କରିଥିଲା । କାଳୁ ବିଶ୍ୱାଳ ନାଁରେ କବିସୂର୍ଯ୍ୟନଗର, ଆସିକ,ବରଗଡ, ସୋରଡା ଓ ବ୍ରହ୍ମପୁର ଥାନା ଅଂଚଳରେ ବିଭିନ୍ନ ମାମଲା ରହିଥିବା ପୋଲିସ କହିଛି ।