ସଜା ପାଇଲା ସଇତାନ୍ : ସାଲେପୁର ନାବାଳିକା ଦୁଷ୍କର୍ମ ଓ ହତ୍ୟା ଅଭିଯୁକ୍ତ ମହମ୍ମଦ ମୁସ୍ତାକକୁ ଫାଶୀ ଦଣ୍ଡାଦେଶ
କନକ ବ୍ୟୁରୋ : ସଜା ପାଇଲା ସଇତାନ୍। ଦୁଷ୍କର୍ମକାରୀକୁ ଫାଶୀଦଣ୍ଡ ଦଣ୍ଡାଦେଶ । ଦୁଷ୍କର୍ମ ପୀଡ଼ିତାଙ୍କୁ ନ୍ୟାୟ । କଟକ ସାଲେପୁର ନାବାଳିକା ଦୁଷ୍କର୍ମ ଓ ହତ୍ୟା ଘଟଣାରେ ଅଭିଯୁକ୍ତକୁ ଫାଶୀଦଣ୍ଡ । ନାବାଳିକା ଦୁଷ୍କର୍ମ ଓ ହତ୍ୟା ମାମଲାରେ ଅଭିଯୁକ୍ତ ମହମ୍ମଦ ମୁସ୍ତାକକୁ ଫାଶୀ ଦଣ୍ଡାଦେଶ ଶୁଣାଇଲେ ଜିଲ୍ଲା ଦୌରାଜଜ୍ । ପୋସ୍କୋ ଆଇନ୍ ଅନୁସାରେ ସଜା ପାଇଲା ଅଭିଯୁକ୍ତ । ଗତକାଲି ଅଭିଯୁକ୍ତ ମହମ୍ମଦ ମୁସ୍ତାକକୁ ଦୋଷୀ ସାବ୍ୟସ୍ତ କରିଥିଲେ ସ୍ବତନ୍ତ୍ର ପୋସ୍କୋ।
Kanak News is now on WhatsApp
Join and get latest news updates delivered to you via WhatsApp
ସୂଚନଯୋଗ୍ୟ ୨୦୧୮ ଏପ୍ରିଲ ୨୧ରେ ଘଟିଥିଲା ଅତି ଅମାନବୀୟ ଘଟଣା । ସେଦିନ ସନ୍ଧ୍ୟାରେ ସାଲେପୁର ଥାନା ଜଗନ୍ନାଥପୁରର ଜଣେ ୬ ବର୍ଷର ଝିଅକୁ ଚକୋଲେଟ ଦେବାକୁ କହି ପଡୋଶୀ ମୁସ୍ତାକ ଏକ ନିଛାଟିଆ ସ୍ଥାନକୁ ନେଇ ଦୁଷ୍କର୍ମ ସହ ତଣ୍ଟି ଚିପି ହତ୍ୟା ଉଦ୍ୟମ କରିଥିଲା । ଗୁରୁତର ନାବାଳିକାକୁ ସ୍ଥାନୀୟ ଲୋକ ଉଦ୍ଧାର କରି ପ୍ରଥମେ ସ୍ଥାନୀୟ ଡାକ୍ତରଖାନା ଓ ପରେ କଟକ ବଡ଼ ଡାକ୍ତରଖାନାରେ ଭର୍ତ୍ତି କରିଥିଲେ। ଏହି ମାମଲାରେ ୨୩ ଜଣଙ୍କୁ ସାକ୍ଷୀ ପ୍ରଦାନ କରିଥିଲେ । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇବା ପରେ ପୁଲିସ ମୁସ୍ତାକକୁ ଗିରଫ କରିଥିଲା ।
ଚିକିତ୍ସାଧୀନ ଅବସ୍ଥାରେ ନାବାଳିକାଟି ପ୍ରାଣ ହରାଇବା ପର ସାରା ରାଜ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । କ୍ରାଇମବ୍ରାଞ୍ଚ ମାମଲାକୁ ‘ରେଡ ଫ୍ଲାଗ’ ଶ୍ରେଣୀଭୁକ୍ତ କରିଥିଲା । ସ୍ବତନ୍ତ୍ର ପୋସ୍କୋ ଅଦାଲତରେ ଏହି ମାମଲାର ବିଚାର ଚାଲିଥିଲା। ଆଜି ମହମ୍ମଦ ମୁସ୍ତାକକୁ ଫାଶୀ ଦଣ୍ଡାଦେଶ ଦେଇଛନ୍ତି ସ୍ବତନ୍ତ୍ର ପୋସ୍କୋ କୋର୍ଟ ।