ନିଜ ଘରେ ଚୋରୀ ଓ ହତ୍ୟା ! ସମ୍ବଲପୁର କଂଟ୍ରାକ୍ଟର କଲୋନୀ ଲୁଟ୍ ଓ ହତ୍ୟାକାଣ୍ଡର ହେଲା ପର୍ଦ୍ଦାଫାସ୍
କନକ ବ୍ୟୁରୋ : ନିଜ ଘରେ ଚୋରୀ ଓ ହତ୍ୟା । ଏହା ଶୁଣିଲା ବେଳକୁ ବି ଅବିଶ୍ୱାସ ଲାଗୁଛି । କିନ୍ତୁ କଥାଟି ସତ । ବାପାମାଆଙ୍କ ଅନୁପସ୍ଥିତିରେ ପୁଅ ଓ ବୋହୂ ଘରୁ ଟଙ୍କାସୁନା ଚୋରି କରିଛନ୍ତି । ଏହାକୁ ଘରର ଜଗୁଆଳି ବାରଣ କରିବାକୁ ତାଙ୍କୁ ତଂଟିଚିପି ହତ୍ୟା କରିଛନ୍ତି । ଏହି ଘଟଣା ଘଟିଛି ବୁର୍ଲା କଂଟ୍ରାକ୍ଟର କଲୋନୀରେ । କୌଣସି କାମରେ ଅଶୋକ ସିଂ ବାହାରକୁ ଯାଇଥିବା ବେଳେ ପୁଅ କରନ ସିଂ ଓ ତାଙ୍କ ପତ୍ନୀ ଶ୍ୱଶୁରଘର ରାଉରକେଲା ଯାଉଥିବା କହି ବାହାରିଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ରାତି ୯ଟାରେ ଘରକୁ ଫେରି ଅଶୋକ ସିଂ ତାଙ୍କ ଜଗୁଆଳିର ମୃତ ଦେହ ଦେଖିବା ସହ ଘରୁ ଚୋରି ହୋଇଥିବା ଜାଣିପାରିଥିଲେ । ଘରୁ ୯୫ ହଜାର ଟଙ୍କା ଓ ସୁନା ଚୋରି ହୋଇଥିବା ସେ ଜାଣିପାରି ପୋଲିସ ନିକଟରେ ଅଭିଯୋଗ କରିଥିଲେ । ଘଟଣାଟି ଘଟିଥିଲା ଗତ ଅଗ୍ଷଟ ୨୯ ତାରିଖରେ । ପୋଲିସ ତଦନ୍ତ କରି ଏହା ପଛରେ ଅଶୋକଙ୍କ ପୁଅ କରନ ଓ ତାଙ୍କ ପତ୍ନୀ ସଂପୃକ୍ତ ଥିବା ଜାଣିପାରିଥିଲା । ସେମାନଙ୍କ ଗିରଫ କରିବା ସହ ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ସେମାନଙ୍କ ପାଖରୁ ୭୫ ହଜାର ଟଙ୍କା ସହ ୪ଟି ସୁନା ମୁଦି ଜବତ କରିଛି ।