ଧନୁଷ୍ ତମେ କାହା ପୁଅ ? ସ୍ପଷ୍ଟୀକରଣ ପାଇଁ ସମନ୍ ଜାରି କଲେ କୋର୍ଟ
ସାଉଥ୍ ସୁପରଷ୍ଟାର୍ ଧନୁଷଙ୍କୁ ନିଜ ପୁଅ ବୋଲି ଦାବି କରିଛନ୍ତି ମେଲୁରର ଏକ ଦମ୍ପତି । ଏହା ସହ ଧନୁଷ୍ ସେମାନଙ୍କୁ ଅବହେଳା କରୁଥିବା ଦର୍ଶାଇ କେସ୍ ମଧ୍ୟ କରିଛନ୍ତି । ଯାହାକୁ ନେଇ ମଦୁରାଇ କୋର୍ଟ ସମନ୍ ଜାରି କରିଛି ଏହି କୋଲାଭେରୀ ଷ୍ଟାରଙ୍କୁ । କାଥିରେସନ୍ ଓ ମିନାକ୍ଷୀ ନାମକ ଏହି ଦମ୍ପତିଙ୍କ କହିବା ଅନୁଯାୟୀ ଧନୁଷଙ୍କ ପ୍ରକୃତ ନାଁ କଲାଇଚେଲଭାମ୍ ।
Kanak News is now on WhatsApp
Join and get latest news updates delivered to you via WhatsApp
ତେବେ ପାଠପଢା ଅଧାରୁ ଛାଡି ଫିଲ୍ମ ଇଣ୍ଡଷ୍ଟ୍ରିରେ ପାଦ ଦେବା ସହ ନିଜ ନାଁ ପରିବର୍ତ୍ତନ କରି ଧନୁଷ୍ ରଖିଥିଲେ । କିନ୍ତୁ ଷ୍ଟାର୍ ହୋଇଯିବା ପରେ ସେମାନଙ୍କୁ ପଚାରୁ ନାହାଁନ୍ତି । ଏପରିକି ସେମାନେ ଅନେକ ଥର ତାଙ୍କୁ ଦେଖା କରିବାକୁ ଗଲେ ମଧ୍ୟ ଧନୁଷ୍ ତାଙ୍କୁ ଦେଖା କରୁନାହାଁନ୍ତି । ତେବେ ଆର୍ଥିକ ପରିସ୍ଥିତି ଦୁର୍ବଳ ଥିବାରୁ ସେମାନେ ଧନୁଷଙ୍କଠାରୁ ମାସିକ ୬୫ହଜାର ଟଙ୍କା ସହୟତା ଚାହଁନ୍ତି ବୋଲି କୋର୍ଟରେ ଦର୍ଶାଇଛନ୍ତି । ପ୍ରମାଣ ସ୍ୱରୁପ ସେମାନେ ଧନୁଷଙ୍କ ଜନ୍ମ ପ୍ରମାଣପତ୍ର ସହ ପିଲାବେଳର କିଛି ଫଟୋ ମଧ୍ୟ କୋର୍ଟରେ ଜମା କରିଛନ୍ତି ।
ଏକଥା ସମସ୍ତେ ଜାଣନ୍ତି ଧନୁଷ ହେଉଛନ୍ତି ପ୍ରଯୋଜକ କସ୍ତୁରୀ ରାଜାଙ୍କ ସାନ ପୁଅ । ଏବଂ ତାଙ୍କୁ ଫିଲ୍ମ ଇଣ୍ଡଷ୍ଟିକୁ କସ୍ତୁରୀ ହିଁ ଆଣିଥିଲେ । ଏବେ ଏହି ଦମ୍ପତିଙ୍କ ଅଭିଯୋଗ ଧନୁଷଙ୍କ ଜୀବନରେ କି ଟ୍ୱିଷ୍ଟ୍ ଆଣୁଛି ସେଥିରେ ସମସ୍ତଙ୍କ ନଜର ।