କୋରାପୁଟ ଓ ନବରଙ୍ଗପୁର ଲ୍ୟାମ୍ପ୍ସରେ ହେଉଛି କୋଟି କୋଟି ଟଙ୍କାର ଦୁର୍ନୀତି ! ଅଭିଯୋଗ ଆଣିଲେ ଶାସକ ଦଳର ବିଧାୟକ
କନକ ବ୍ୟୁରୋ : ଚାଷୀଙ୍କଠାରୁ ଧାନ ସଂଗ୍ରହ କରୁଥିବା ଲ୍ୟାମ୍ପ୍ସରେ ବଡ ଧରଣର ଦୁର୍ନୀତି । ଆଉ ଏହି ଅଭିଯୋଗ ଆଣିଛନ୍ତି ଖୋଦ ଶାସକ ଦଳର ବିଧାୟକ । ମାଲକାନଗିରି ସମେତ କୋରାପୁଟ ଓ ନବରଙ୍ଗପୁର ଜିଲ୍ଲାରେ ଲ୍ୟାମ୍ପ୍ସଗୁଡିକରେ କୋଟି କୋଟି ଟଙ୍କାର ଦୁର୍ନୀତି ନେଇ ଅଭିଯୋଗ କରିଛନ୍ତି ମାଲକାନଗିରି ବିଧାୟକ ମାନସ ମାଡକାମୀ । ଧାନମଣ୍ଡି ଲେବର ଚାର୍ଜ ନାଁରେ ଜାଲ ଭାଉଚର ଓ ବିଲ କରି ଆଦିବାସୀ ଚାଷୀଙ୍କ ଅର୍ଥରୁୁ ଟଙ୍କା ହଡପ କରିଛନ୍ତି ଲ୍ୟାମ୍ପ୍ସ ଏମଡି । ଏନେଇ ସେ ସମବାୟ ତଥା ଖାଦ୍ୟ ଯୋଗାଣ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ରଙ୍କୁ ଚିଠି ଲେଖି ତଦନ୍ତ ପାଇଁ ଅନୁରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଲ୍ୟାମ୍ପ୍ସ କର୍ମଚାରୀମାନେ ଚାଷୀଙ୍କ ସ୍ୱାର୍ଥ ଅପେକ୍ଷା ନିଜ ସ୍ୱାର୍ଥକୁ ଅଧିକ ଗୁରୁତ୍ୱ ଦେଉଥିବା ଚିଠିରେ ଲେଖିଛନ୍ତି ମାନସ ମାଡକାମୀ । ସମବାୟ ବିଭାଗର ଲୋକ ଦେଖାଣିଆ ତଦନ୍ତ ସୁପାରିଶ ଓ ଭିଜିଲାନ୍ସ ବିଭାଗର ନୀରବତା ଭିତରେ ଅସାଧୁ ଅଧିକାରୀ ଛାଡ ପାଇଯାଉଥିବା କହିଛନ୍ତି । ତେବେ ମନ୍ତ୍ରୀ କହିଛନ୍ତି ଭିଜିଲାନ୍ସ ପରେ କୋଟିକୋଟି ଟଙ୍କାର ଏହି ହେରଫେର ଅଭିଯୋଗର ବର୍ତମାନ କ୍ରାଇମ୍ବ୍ରାଂଚ ତଦନ୍ତ ନିର୍ଦ୍ଦେଶ ଦିଆଯାଇଛି ।