କରୋନା ତ କରୋନା କଲରଟ୍ୟୁନ୍ ବି କରିଦେଲାଣି କାନ କଣା ! ଏପଟେ ବିଶ୍ୱକୁ କରୋନା ଡରାଉଛି ସେପଟେ ଲୋକଙ୍କୁ ବିରକ୍ତ କରାଉଛି କରୋନା କଲରଟ୍ୟୁନ୍ ।
ସାରା ବିଶ୍ୱରେ କାଳର ଖେଳ ଖେଳୁଥିବା କରୋନା ଏବେ ଲୋକଙ୍କ ମନରେ ଭୟ ସୃଷ୍ଟି କରାଇଛିି । ଏହି ଭାଇରସ କେବଳ ଲୋକଙ୍କ ଜୀବନରେ ନୁହେଁ ବରଂ କାନରେ ମଧ୍ୟ ଭୟର ବାତାବରଣ ସୃଷ୍ଟି କରିବାରେ ଲାଗିଛି । ଏହି ଭାଇରସରୁ ଲୋକଙ୍କୁ ଜାଗୃତ ଏବଂ ସଚେତନ କରିବା ପାଇଁ ସରକାର ଓ ହେଲଥ୍ ଏଜେନ୍ସି ଏହା ଉପରେ କାମ କରିବା ଆରମ୍ଭ କରିସାରିଲେଣି । ନିକଟରେ ଟେଲିକମ୍ କମ୍ପାନୀ ମଧ୍ୟ କରୋନା ଭାଇରସ ପାଇଁ ଏକ ସଚେତନ କଲର ଟ୍ୟୁନ୍ ଜାରି କରିଦେଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
Listening caller tune of Corona virus 109th time :🌼
ME : pic.twitter.com/kps4CFZypi
— Ajuthakur (@tweetsnationn) March 11, 2020
ବର୍ତ୍ତମାନ ଯାହାକୁ ବି କଲ୍ କଲେ କରୋନା ଭାଇରସ ସତର୍କତା ଉପରେ କଲର ଟ୍ୟୁନ୍ ଶୁଣାଯାଉଛି । ଏହି କଲର ଟ୍ୟୁନ୍ ଲୋକଙ୍କ ସଚେତନ ପାଇଁ ଜାରୀ କରାଯାଇଥିଲେ ମଧ୍ୟ ଲୋକମାନେ ଏହାକୁ ଶୁଣି ଭୟ କରୁଛନ୍ତି । କିଛି ଲୋକ ତ ଏହି କଲର ଟ୍ୟୁନ୍ ଶୁଣି ବିରକ୍ତିଭାବ ପ୍ରକାଶ କରୁଛନ୍ତି ।
~That moment when I call someone and hear coronavirus caller tune~ pic.twitter.com/5t2MGEIFLI
— Śubham Âcharjee🇮🇳 (@SarcasticBabua) March 11, 2020
କଲର୍ ଟ୍ୟୁନ୍ ବଦଳରେ ଏହି ପରାମର୍ଶ ଶୁଣାଯାଉଛି – “କାଶ ଏବଂ ଛିଙ୍କିବା ସମୟରେ ରୁମାଲ ଏବଂ ଟିସୁରେ ମୁହଁ ଘୋଡାନ୍ତୁ । ସାବୁନରେ ହାତ ଧୁଅନ୍ତୁ । ମୁହଁ, ଆଖି ଏବଂ ନାକକୁ ଛୁଇଁବା ଠାରୁ ଦୂରେଇ ରୁହନ୍ତୁ । ଯଦି କାହାର କାଶ, ଜ୍ୱର ଏବଂ ନିଶ୍ୱାସ ନେବାରେ ଅସୁବିଧା ହୁଏ, ତେବେ ସେମାନଙ୍କଠାରୁ ଏକ ମିଟର ଦୂରତା ରଖନ୍ତୁ । ଯଦି ଆବଶ୍ୟକ ହୁଏ, ତେବେ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରକୁ ଯାଆନ୍ତୁ । ” ଏହି ବାର୍ତ୍ତା ସହିତ କଲର୍ ଟ୍ୟୁନରେ ଏକ ହେଲ୍ପଲାଇନ ନମ୍ବର (+ ୯୧-୧୧-୨୩୭୯୭-୮୦୪୬) ମଧ୍ୟ ଦିଆଯାଉଛି । ରିଲାଏନ୍ସ ଜିଓ ଏବଂ ବିଏସଏନଏଲ ଏହି ଆଦେଶ କାର୍ଯ୍ୟକାରୀ କରିଛନ୍ତି । ଏହି ମୋବାଇଲ୍ କମ୍ପାନୀଗୁଡିକର ଉପଭୋକ୍ତାମାନଙ୍କୁ କଲ୍ କରିବାବେଳେ, କଲର୍ ଟ୍ୟୁନ୍ ପରିବର୍ତ୍ତେ କରୋନାଭାଇରସ୍ ବିଷୟରେ ଏକ ଚେତାବନୀ ଦିଆଯାଏ । ଏଥିସହ, ଏହାକୁ କିପରି ଏଡାଇ ହେବ, ଏହି ପରାମର୍ଶଗୁଡିକ ସେବା ପ୍ରଦାନକାରୀ ଦ୍ୱାରା କଲର୍ ଟ୍ୟୁନ୍ ମାଧ୍ୟମରେ ମଧ୍ୟ ପ୍ରଦାନ କରାଯାଉଛି । ଏହି ସୂଚନା ଉଭୟ ହିନ୍ଦୀ ଏବଂ ଇଂରାଜୀ ଭାଷାରେ ଦିଆଯାଉଛି ।
CoronaVirus Caller Tune Affected on @Google 🤣😜
How to stop #CoronaVirusCallerTune ?#Google@ANI @PTI_News @CNNnews18 @IndianExpress @the_hindu @DeccanChronicle @TheHansIndiaWeb @thenewsminute pic.twitter.com/mmJdLzwFbX
— Surender Thallapelly (@surender104) March 10, 2020
ଏବେ ପ୍ରଶ୍ନ ଉଠୁଛି ଯେ କରୋନା ଭାଇରସକୁ ନେଇ ଜାରି ହୋଇଥିବା କଲର ଟ୍ୟୁନ୍ ଠାରୁ ଆପଣ ମୁକ୍ତି କେମିତି ପାଇବେ । ତେବେ ଆପଣ ଯଦି କାହାକୁ କଲ୍ କରୁଛନ୍ତି ସେତେବେଳେ କରୋନା ଭାଇରସ କଲର୍ ଟ୍ୟୁନ୍ ଆରମ୍ଭ ହେବା ମାତ୍ରକେ ହିଁ ୧ କିମ୍ବା # ଦବାଇ ଦିଅନ୍ତୁ । ଏହାପରେ କଲର ଟ୍ୟୁନ୍ ବନ୍ଦ ହୋଇଯିବ ଏବଂ ଆପଣଙ୍କୁ ରିଂଗ ସ୍ୱର ଶୁଣାଯିବ । କିନ୍ତୁ ଏହି ଟ୍ରିକ୍ କିଛି ଟେଲିକମ୍ କମ୍ପାନୀର ନମ୍ବରରେ କାମ କରୁନଥିବା ଜାଣିବାକୁ ମିଳିଛି । ଯାହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଭାବ ବୃଦ୍ଧି ପାଇବାରେ ଲାଗିଛି । ଅନ୍ୟ ପଟେ, ସୋସିଆଲ ମିଡିଆରେ ଏହି କଲର୍ ଟ୍ୟୁନରେ ମେମ୍ ତିଆରି କରି ମଜାଳିଆ ବାର୍ତ୍ତା ଦିଆଯାଉଥିବା ଦେଖିବାକୁ ମିଳିଛି ।