କରୋନା ଭାଇରସ ପାଇଁ ଟୋଲ ଫ୍ରି ନମ୍ବର ଜାରି କଲା ଓଡ଼ିଶା । ଆଜି କେନ୍ଦ୍ର ସଚିବଙ୍କ ସହ ହେବ ଆଲୋଚନା , ବୈଦେଶିକ ମନ୍ତ୍ରଣାଳୟ କହିଲା, ଚୀନରେ କୌଣସି ଭାରତୀୟଙ୍କୁ ହୋଇନାହିଁ ସଂକ୍ରମଣ, ସ୍ଥିତି ଉପରେ ରହିଛି ନଜର
କନକ ବ୍ୟୁରୋ : କୋରୋନା ଭୂତାଣୁକୁ ନେଇ ସତର୍କତା ଜାରି କଲେ ରାଜ୍ୟ ସରକାର । ଟୋଲ୍ ଫ୍ରି ନମ୍ବର ଜାରି କରି ଓଡ଼ିଶା ସରକାର ପରାମର୍ଶ ଦେଇଛନ୍ତି, ଯେଉଁମାନେ ଚୀନ୍ରୁ ଫେରିଛନ୍ତି ସେମାନେ ନିଜର ସ୍ୱାସ୍ଥ୍ୟ ପରିକ୍ଷା କରାଇ ନିଅନ୍ତୁ । କୌଣସି ପ୍ରକାର ଲକ୍ଷଣ ଦେଖାଗଲେ, ତୁରନ୍ତ ଡାକ୍ତରଙ୍କ ସହ ପରାମର୍ଶ କରିବାକୁ ସତର୍କ କରାଇ ଦେଇଛନ୍ତି । ଆଉ ଏପଟେ ବୁର୍ଲା ମଡ଼ ମେଡ଼ିକାଲରେ କୋରୋନା ଭାଇରସର ମୁକାବିଲା ପାଇଁ ପ୍ରସ୍ତୁତି ଆରମ୍ଭ ହୋଇଛି । ଯଦି କୌଣସି ରୋଗୀ କୋରୋନା ଭାଇରସର ଆକ୍ରାନ୍ତ ହୁଅନ୍ତି ସେମାନଙ୍କ ଚିକିତ୍ସା ପାଇଁ ବୁର୍ଲା ମେଡ଼ିକାଲରେ ଏକ ସ୍ୱତନ୍ତ୍ର ୱାର୍ଡର ବ୍ୟବସ୍ଥା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ସ୍ୱତନ୍ତ୍ର ୱାର୍ଡରେ କୋରୋନା ଭୂତାଣୁରେ ଆକ୍ରାନ୍ତ ହୋଇଥିବା ରୋଗୀଙ୍କୁ ଚିକିିତ୍ସା କରିବା ପାଇଁ ସମସ୍ତ ପ୍ରକାର ବନ୍ଦୋବସ୍ତ କରାଯାଇଛି । ଅନ୍ୟପଟେ ଚୀନର ଉତ୍କଟ ହେବାରେ ଲାଗିଛି କୋରୋନା ଭୂତାଣୁ ସମସ୍ୟା । ଏଥିରେ ୫୮ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ହଜାର ଲୋକ ଆକ୍ରାନ୍ତ ହୋଇଛନ୍ତି । ସେଠାରେ ଫଶିରହିଥିବା ଆମେରିକୀୟମାନଙ୍କୁ ତୁରନ୍ତ ତାଙ୍କ ଦେଶକୁ ପଠାଇବା ପାଇଁ ପ୍ରକ୍ରିୟା ଆରମ୍ଭ କରିଛି ଚାଇନା । ଆଶା କରାଯାଉଛି ଭାରତୀୟମାନଙ୍କ ପାଇଁ ସମାନ ବ୍ୟବସ୍ଥା ଆପଣେଇବ ଚାଇନା ।