ଜୟଲଳିତାଙ୍କ ମୃତ୍ୟୁ ପରେ ଯେମିତି ଗୋଟିଏ ଯୁଗର ଅବସାନ ଘଟିଛି । ନା କେବଳ ତାମିଲନାଡୁବାସୀଙ୍କ ମନରେ ବରଂ ସମଗ୍ର ଭାରତୀୟ ରାଜନୀତିରେ ରହିଯାଇଛି ଏକ ଅପୂରଣୀୟ ସ୍ଥାନ । ପ୍ରିୟ ଆମ୍ମାଙ୍କ ମୃତ୍ୟୁରେ ମର୍ମାହତ ହୋଇ ଶତାଧିକ ଲୋକ ପ୍ରାଣ ହରାଇଥିବା ଖବର ଦୃଶ୍ୟପଟ୍ଟରୁ ଲିଭି ନଥିବା ବେଳେ ଏବେ ଆଉ ଏକ ଚାଂଚଲ୍ୟକର ଘଟଣା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଆର୍ ଭେଲମୁରୁଗନ୍ ନାମକ ଜଣେ ବ୍ୟକ୍ତି ଜୟଲଳିତାଙ୍କ ସ୍ମୃତିରେ ଏକ ମନ୍ଦିର ତିଆରି କରିବା ପାଇଁ ନିଜ ପୁଲିସ୍ ଚାକିରି ଛାଡି ଦେଇଛନ୍ତି । ଆସନ୍ତା ଫେବ୍ରୁଆରୀ ମାସରୁ ସେ ଏହି ମନ୍ଦିର କାର୍ଯ୍ୟ ଆରମ୍ଭ କରିବେ । କହିଛନ୍ତି ନିଜର ସମସ୍ତ ସମୟ ସେ ଆମ୍ମାଙ୍କ ମନ୍ଦିର ତିଆରି କରିବାରେ ଲଗାଇବେ । ପୁଲିସ୍ ବିଭାଗରେ ହେଡ୍ କନେଷ୍ଟବଳ ଥିବା ଭେଲମୁରୁଗନ୍ କିଛି ବର୍ଷ ଜୟାଙ୍କ ସିକ୍ୟୁରିଟି ଗାର୍ଡ ଫୋର୍ସରେ ମଧ୍ୟ କାମ କରିଥିଲେ । ଆଉ ଜୟାଙ୍କୁ ନିଜ ଆଦର୍ଶ ବୋଲି ମାନନ୍ତି ଭେଲମୁରୁଗନ୍ ।
କିଛି ବର୍ଷ ତଳେ ଦୀର୍ଘ ୮୧ ଘଂଟା ଗୋଟିଏ ଗୋଡରେ ଛିଡା ହେବା ସହ ୮୧ ଦିନରେ ୩୬୦୦ କିଲୋମିଟର ଦୌଡି ରେକର୍ଡ କରିଥିଲେ ଭେଲମୁରୁଗନ୍ । କେବଳ ମେଡାଲକୁ ନିଜ ପାଖରେ ରଖି ପୁରସ୍କାରର ସମସ୍ତ ଅର୍ଥରାଶିକୁ ଦାନ କରି ସେ ଚର୍ଚ୍ଚାରେ ଥିଲେ ।