ଭୁବନେଶ୍ୱର ରାଜପଥରେ ବର୍ଷା ପାଣି ଜମିବାକୁ ନେଇ କଂଗ୍ରେସର ‘ପାଣି’ ପ୍ରତିବାଦ ! ଏନଏଚଆଇ ଅଫିସକୁ ଧସେଇ ପଶିବା ସହ ଅଫିସ ଭିତରକୁ ପାଣି ଛାଡିଲେ କର୍ମୀ
କନକ ବ୍ୟୁରୋ: ଟିକିଏ ବର୍ଷାରେ ଭୁବନେଶ୍ୱର ରାଜପଥରେ ପାଣି ଜମିବାକୁ ନେଇ କଂଗ୍ରେସର ବିରୋଧ । ଏନଏଚଆଇ ଅଫିସକୁ କଂଗ୍ରେସ କର୍ମୀ ଧସେଇ ପଶିବା ସହ ଅଫିସ ଭିତରକୁ ପାଣି ଛାଡିଛନ୍ତି । ଭୁବନେଶ୍ୱର ୮ ନମ୍ବର ନିକଟସ୍ଥ ଏନଏଚଆଇ ଅଫିସ ଭିତରକୁ କଂଗ୍ରେସ କର୍ମୀମାନେ ଏକ ପାଇପ ମାଧ୍ୟମରେ ପାଣି ଛାଡିଛନ୍ତି । ଏପରିକି ସେଠାରେ ଉପସ୍ଥିତ ଥିବା କିଛି ଏନଏଚଏଆଇ ଅଧିକାରୀଙ୍କ ଉପରକୁ ମଧ୍ୟ ପାଣି ପକାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ଆପଣମାନଙ୍କୁ କହ ିରଖିବାକୁ ଚାହିଁବୁ କି, ଗତ ଶନିବାର ଦିନ ପ୍ରବଳ ବର୍ଷା ଫଳରେ ରାଜଧାନୀର ଇସ୍କନ ମନ୍ଦିର ସମ୍ମୁଖରେ ପାଣି ଜମି ରହିଥିଲା । ବହୁ ସଂଖ୍ୟାରେ କାର ସେଠାରେ ଫଶି ରହିଥିଲା । ପରିସ୍ଥିତି ଏପରି ହୋଇଥିଲା ଯେ ଗାଡିରେ ଥିବା ଲୋକମାନଙ୍କୁ ଉଦ୍ଧାର କରାଯାଇଥିଲା । ଘଂଟା ଘଂଟା ଧରି ପାଣି ଏହିପରି ଜମିରହିଥିବାରୁ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହୋଇଥିଲେ ।
ବର୍ଷାଜଳ ନିଷ୍କାସନ କିପରି ସୁବିଧାରେ ହୋଇପାରିବ ସେନେଇ ଏନଏଚଏଆଇ କର୍ତୃପକ୍ଷଙ୍କୁ ବିଏମସି ପକ୍ଷରୁ ବାରମ୍ବାର ଚିଠି ଲେଖାଯାଇଛି । କିଛିଦିନ ତଳେ ଏକ ରିମାଇଣ୍ଡର ଦିଆଯାଇଥିଲା ବୋଲି ବିଏମସି ମେୟର କନକ ଟିଭିକୁ ସୂଚନା ଦେଇଥିଲେ । ସେଦିନ ଏକ କୃତ୍ରିମ ବନ୍ୟାର ଅନୁଭବ ଆଣିଥିଲା ଏହି ଦୃଶ୍ୟ । କାହିଁକି ବର୍ଷାଜଳ ନିଷ୍କାସନ ପାଇଁ ବ୍ୟବସ୍ଥା ହେଉନାହିଁ ବା ଏଥିରେ ବିଳମ୍ବ ହୋଇଛି ଏବେ ଏହାର ପ୍ରତିବାଦ କରିଛି କଂଗ୍ରେସ । ଏଥିପାଇଁ ଏନଏଚଏଆଇ କର୍ତୃପକ୍ଷଙ୍କୁ ଦାୟୀ କରିଛି କଂଗ୍ରେସ ।