ଏଟିଏମ କାଉଂଟରରେ କଂଗ୍ରେସ ଯୁବରାଜ : ଏଥର ଟଙ୍କା ଉଠାଣ ପାଇଁ ନୁହେଁ ଲାଇନରେ ଥିବା ଲୋକଙ୍କୁ ଦେଲେ ସାନ୍ତ୍ୱନା
କନକ ବ୍ୟୁରୋ : ଏଟିଏମରେ ପହଂଚିଲେ କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀ । ଏଥର ଟଙ୍କା ଉଠାଣ ପାଇଁ ନୁହେଁ ବରଂ ଲାଇନରେ ଥିବା ଲୋକଙ୍କୁ ସାନ୍ତ୍ୱନା ଦେବା ପାଇଁ ପହଂଚିଛନ୍ତି ରାହୁଲ । ଦିଲ୍ଲୀ ଜାହାଙ୍ଗିରପୁରୀ ଅଂଚଳରେ ଥିବା ଏଟିଏମରେ ଲମ୍ବା ଲାଇନରେ ଅପେକ୍ଷା କରିଥିବା ଲୋକଙ୍କୁ ଭେଟିଛନ୍ତି ରାହୁଲ ।
Kanak News is now on WhatsApp
Join and get latest news updates delivered to you via WhatsApp
ଜାହାଙ୍ଗିରପୁରୀ ପରେ ଇନ୍ଦ୍ରଲୋକ, ଆନନ୍ଦ ପର୍ବତ, ଆଜାଦ ମାର୍କେଟ ଅଂଚଳରେ ମଧ୍ୟ ଏଟିଏମ ବାହାରେ ଥିବା ଲୋକଙ୍କୁ ସାକ୍ଷାତ କରି ତାଙ୍କ ସମସ୍ୟା ସମ୍ପର୍କରେ ବୁଝିଛନ୍ତି । ବିମୁଦ୍ରାକରଣର ତୀବ୍ର ପ୍ରତିବାଦ କରୁଥିବା କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀ ପୂର୍ବରୁ ମଧ୍ୟ ବ୍ୟାଙ୍କ ଓ ଏଟିଏମକୁ ଯାଇଥିଲେ ।
ସାଂସଦ ମାର୍ଗ ନିକଟ ଷ୍ଟେଟ ବ୍ୟାଙ୍କକୁ ଯାଇ ଲାଇନରେ ଠିଆ ହୋଇ ପୁରୁଣା ନୋଟ୍ ବଦଳ କରିଥିଲେ । ଏହାସହ ଏଟିଏମକୁ ଯାଇ ସେଠାରେ ଲାଇନରେ ଠିଆ ହୋଇ ଟଙ୍କା ଉଠାଇଥିଲେ ।