ଶାହାଙ୍କ ଓଡିଶା ଗସ୍ତ ଓ ନବୀନ ନିବାସରେ ଆତିଥ୍ୟକୁ ନେଇ ପ୍ରଶ୍ନ ଉଠାଇଲା କଂଗ୍ରେସ । କହିଲା, ବିଜେଡି ସରକାରକୁ ପୋଡା ଟ୍ରାନ୍ସଫର୍ମର କହିବା ପରେ ନବୀନ-ଅମିତ ଏକାଠି ହେବା ଲଜ୍ଜାଜନକ ଘଟଣା
ବିଜେଡି କହିଲା, ରାଜ୍ୟ ସ୍ୱାର୍ଥ ଦୃଷ୍ଟିରୁ କେନ୍ଦ୍ର ସହିତ କରୁଛୁ ଡିଲ୍
କନକ ବ୍ୟୁରୋ: ଅମିତ ଶାହାଙ୍କ ଓଡିଶା ଗସ୍ତ ଓ ନବୀନ ନିବାସରେ ଆତିଥ୍ୟକୁ ନେଇ ପ୍ରଶ୍ନ ଉଠାଇଲା କଂଗ୍ରେସ । ପୂର୍ବରୁ ଅନେକ ଥର ବିଜେଡି ବିଜେପି ସଲାସୁତୁରା ନେଇ କଂଗ୍ରେସ ଅଭିଯୋଗ କରି ଆସୁଛି । ଆଉ ଏବେ ପୂର୍ବାଂଚ ଜୋନାଲ ପରିଷଦ ବୈଠକରୁ ଆରମ୍ଭ କରି ନବୀନ ନିବାସରେ ଆତିଥ୍ୟ ଯାଏ ଗୋଟିଏ ଟେବୁଲରେ ଏକାଠି ନବୀନ ଓ ଶାହା ବସିବାକୁ ହଜମ କରିପାରିନାହିଁ ଦଳ ।
Kanak News is now on WhatsApp
Join and get latest news updates delivered to you via WhatsApp
କିଛି ମାସ ପୂର୍ବରୁ ନିର୍ବାଚନ ପ୍ରଚାରରେ ଆସି ବିଜେଡି ସରକାରକୁ ପୋଡା ଟ୍ରାନ୍ସଫର୍ମର କହି ଏହାକୁ ଓପାଡି ଫିଙ୍ଗିଦେବା ପାଇଁ କହିଥିଲେ ଅମିତ୍ ଶାହା । ସେହି ଭାଷଣକୁ ମନେ ପକାଇ ନବୀନ ବିଜେପିର କାହିଁକି ନିକଟତର ହେଉଛନ୍ତି ବୋଲି ପ୍ରଶ୍ନ ଉଠାଇଛନ୍ତି କଂଗ୍ରେସ ବିଧାୟକ ସୁର ରାଉତରାୟ । ବିଜେପି ଏହାକୁ ଖଣ୍ଡନ କରିଥିବାବେଳେ ବିଜେଡି ସହିତ ନିର୍ବାଚନୀ ମୁକାବିଲା ଜାରି ରହିଥିବା ସ୍ପଷ୍ଟ କରିଛି । ସେପଟେ ବିଜେଡି ବିଧାୟକ ଶଶୀ ଭୂଷଣ ବେହେରା କହିଛନ୍ତି, ବିଜେପି ସହିତ କୌଣସି ଡିଲ୍ ହୋଇନାହିଁ । ରାଜ୍ୟ ସ୍ୱାର୍ଥ ଦୃଷ୍ଟିରୁ କେନ୍ଦ୍ର ସହିତ ଡିଲ କରାଯାଇଛି ।