କଂଗ୍ରେସ ବି ବଦଳାଇଲା ୪ ଲୋକସଭା ଆସନରେ ପ୍ରାର୍ଥୀ । ୩୬ ବିଧାନସଭାରୁ ୨୩ଟିରେ ଦେଲା ନୂଆ ମୁହଁ

ରାତି ୧୨ଟାରେ ହେଲା ପ୍ରାର୍ଥୀ ତାଲିକା ଘୋଷଣା

419

କନକ ବ୍ୟୁରୋ: ବିଜେଡି ପରି କଂଗ୍ରେସ ବି ଭରଷା ନୂଆ ମୁହଁ ଉପରେ । ଘୋଷଣା ହୋଇଥିବା ପ୍ରାର୍ଥୀ ତାଲିକାରେ କଂଗ୍ରେସ ୬ଲୋକସଭା ଭିତରୁ ୪ଟି ଆସନରେ ନୂଆ ମୁହଁକୁ ପ୍ରାର୍ଥୀ କରିଛି । ସେହିଭଳି ୩୬ ବିଧାନସଭାରୁ ୨୩ଟିରେ ଦେଇଛି ନୂଆ ମୁହଁ । ୨୦୧୪ରେ ନିବାଚନ ଲଢ଼ିଥିବା ପ୍ରାର୍ଥୀ ୨୦୧୯ ପାଇଁ ବଦଳାଇଛି କଂଗ୍ରେସ । ପୁରୁଣାଙ୍କୁ ହଟାଇ ନୂଆଙ୍କ ଉପରେ ଭରଷା କରିଛି ଦଳ । ଘୋଷିତ ହୋଇଥିବା ଲୋକସଭା ପ୍ରାର୍ଥୀଙ୍କ ମଧ୍ୟରେ ବରଗଡରୁ ଅମର ପ୍ରଧାନଙ୍କ ସ୍ଥାନରେ ପ୍ରଦୀପ କୁମାର ଦେବତା, ସୁନ୍ଦରଗଡାରୁ ହେମାନନ୍ଦ ବିଶ୍ୱାଳଙ୍କ ସ୍ଥାନରେ ଜର୍ଜ ତିର୍କୀ, କନ୍ଧମାଳରୁ ମନୋଜ କୁମାର ଆଚାର୍ଯ୍ୟ ଓ ବ୍ରହ୍ମପୁରରୁ ଚନ୍ଦ୍ରଶେଖର ସାହୁଙ୍କ ସ୍ଥାନରେ ଭି.ଚନ୍ଦ୍ରଶେଖର ନାଇଡୁଙ୍କୁ ଦଳ ଭରଷା କରିଛି । ତେବେ କଳାହାଣ୍ଡିରୁ ଭକ୍ତ ଚରଣ ଦାସ, ନବରଙ୍ଗପୁରରୁ ପ୍ରଦୀପ ମାଝିଙ୍କୁ ଦଳ ପୁଣି ଥରେ ପ୍ରାର୍ଥୀ କରିଛି ।

ସେହିପରି ଘୋଷଣା ହୋଇଥିବା ୩୬ଟି ବିଧାନସଭା ଆସନ ମଧ୍ୟରୁ ୨୩ଟି ବିଧାନସଭା କ୍ଷେତ୍ର ପାଇଁ ନୂଆ ମୁହଁ ଦେଇଛି । ଘୋଷଣା ହୋଇଥିବା ପ୍ରାର୍ଥୀ ତାଲିକା ଅନୁଯାୟୀ ବିରୋଧୀ ଦଳ ନେତା ନରସିଂହ ମିଶ୍ରଙ୍କ ସମେତ ୩ଜଣଙ୍କ ନାଁ ରହିଛି । ନରସିଂହ ପୂର୍ବଭଳି ବଲାଙ୍ଗୀର ଆସନରୁ ନିର୍ବାଚନ ଲଢ଼ିବେ । ବିଧାୟକ ଭୁଜବଳ ମାଝୀଙ୍କୁ ତାଙ୍କ ନିର୍ବାଚନ କ୍ଷେତ୍ର ଡାବୁଗାଁରୁ ଓ ବିଧାୟକ ତାରାପ୍ରସାଦ ବାହିନୀପତିଙ୍କୁ ଜୟପୁରରୁ ପ୍ରାର୍ଥୀ କରାଯାଇଛି । ତେବେ କଂଗ୍ରେସ ଘୋଷଣା କରିଥିବା ଆସନ ମଧ୍ୟରୁ କୋରାପୁଟ ଲୋକସଭା କ୍ଷେତ୍ର ଓ ୯ଟି ବିଧାନସଭା ଆସନ ପାଇଁ ବି ନିଷ୍ପତି ଝୁଲି ରହିଛି ।

କେଉଁ ବିଧାନସଭା କ୍ଷେତ୍ରରୁ କାହାକୁ ପ୍ରାର୍ଥୀ କରିଛି କଂଗ୍ରେସ

ପଦ୍ମପୁର- ପୂର୍ବତନ ବିରୋଧୀଦଳ ମୁଖ୍ୟ ସଚେତକ ସତ୍ୟଭୁଷଣ ସାହୁ ଏଥର ପୁଣି ପଦ୍ମପୁର ଆସନରୁ ନିର୍ବାଚନ ଲଢ଼ିବେ ।

ବରଗଡ -ନିପନ ଦାସ

ଅତାବିରା – ନିହାର ମହାନନ୍ଦ

ବୀରମିତ୍ରପୁର – ରୋହିତ ଯୋଶେଫ ତିର୍କି

ରାଜଗାଙ୍ଗପୁର – ଡାକ୍ତର ସିଆର ରାଜନ

ବୀରମହାରାଜପୁର -ବିନୋଦ କୁମାର ପାତ୍ର

ବଲାଙ୍ଗୀର- ନରସିଂହ ମିଶ୍ର

ନୂଆପଡା – ଘାସିରାମ ମାଝୀ

ଖଡିଆଳ- ଅଧିରାଜ ପାଣିଗ୍ରାହୀ

ଝରିଗାଁ – ଉଲଧର ମାଝୀ

ନବରଙ୍ଗପୁର – ସଦନ ନାୟକ

ଡାବୁଗାଁ – ଭୁଜବଳ ମାଝୀ

ବ୍ରହ୍ମପୁର -ଲିଙ୍ଗରାଜ

ଦିଗପହଁଣ୍ଡି- ବିସ୍ମୟ ମହାପାତ୍ର

ଚିକିଟି -ସୁଭାଷ ଚନ୍ଦ୍ର ରାଉତ

ମୋହନା- ଡ. ଦାଶରଥୀ ଗମାଙ୍ଗ

ଲାଞ୍ଜିଗଡ – ଶିବାଜୀ ମାଝୀ

ଧର୍ମଗଡ -ଦିଗମ୍ବର ଦୁରିଆ

ବାଲିଗୁଡା -ସିମନ ମଲ୍ଲିକ

ଫୁଲବାଣୀ – କିଶୋର ଚନ୍ଦ୍ର କଅଁର

ପୋଲସରା – ହରିଚରଣ ସ୍ୱାଇଁ

ଦଶପଲ୍ଲା – ପ୍ରଶାନ୍ତ କୁମାର ନାୟକ

ଭଞ୍ଜନଗର – ସଞ୍ଜୟ କୁମାର ତ୍ରିପାଠୀ

କବିସୂର୍ଯ୍ୟନଗର – ବିଜୟ କୁମାର ସାହୁ

ଆସ୍କା – ମନୋଜ କୁମାର ଜେନା

ସାନଖେମୁଣ୍ଡି – ରମେଶ ଚନ୍ଦ୍ର ଜେନା

ହିଞ୍ଜିଳି – ରାମକୃଷ୍ଣ ପଣ୍ଡା

ଗୋପାଳପୁର – ଏସ. ଧର୍ମରାଜ ରେଡ୍ଡୀ

ଗୁଣୁପୁର- ପୁରୁଷୋତମ ଗମାଙ୍ଗ

ବିଷମ କଟକ- ନୀଳମାଧବ ହିକା

ଜୟପୁର- ତାରାପ୍ରସାଦ ବାହିନୀପତି

କୋରାପୁଟ-କୃଷ୍ଣଚନ୍ଦ୍ର କୁଲଦୀପ

କଂଟାମାଳ – ପ୍ରଶାନ୍ତ ସାହୁ

ପଟାଙ୍ଗୀ- ରାମଚନ୍ଦ୍ର କଡାମ

ମାଲକାନଗିରି – ମାଲା ମାଢ଼ି

ଚିତ୍ରକୋଣ୍ଡା – ଲକ୍ଷ୍ମୀପ୍ରିୟା ନାୟକ

Comments are closed.