କନକ ବ୍ୟୁରୋ : ଶେଷ ଦିନରେ କଂଗ୍ରେସ ବଦଳାଇଲା ୩ ପ୍ରାର୍ଥୀ । ତୃତୀୟ ପର୍ଯ୍ୟାୟ ନାମାଙ୍କନର ଆଜି ଶେଷ ତାରିଖ ରହିଥିବା ବେଳେ ଆଜି ୩ଟି ଆସନରେ ପ୍ରାର୍ଥୀ ବଦଳାଇଛି କଂଗ୍ରେସ । କେନ୍ଦୁଝର ଲୋକସଭା ସମେତ ପାଟଣା ଓ ତେଲକୋଇରେ ପ୍ରାର୍ଥୀ ପରିବର୍ତ୍ତନ କରିଛି କଂଗ୍ରେସ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦୁଝର ଲୋକସଭା ଆସନ ପାଇଁ ଫକୀର ମୋହନ ନାଏକଙ୍କ ବଦଳରେ ମୋହନ ହେମ୍ବ୍ରମ କଂଗ୍ରେସ ଟିକେଟରେ ନାମାଙ୍କନ ପତ୍ର ଦାଖଲ କରିଛନ୍ତି । ଏପରିକି ପୂର୍ବରୁ ଫକୀର ମୋହନ ନାଏକ କଂଗ୍ରେସ ଟିକେଟ ପାଇ ନାମାଙ୍କନପତ୍ର ଦାଖଲ କରିଥିଲେ ମଧ୍ୟ ତାଙ୍କୁ ପରିବର୍ତ୍ତନ କରି ମୋହନ ହେମ୍ବ୍ରମଙ୍କୁ ଦଳ ଏଠାରେ ମୈଦାନକୁ ଓହ୍ଳାଇଛି ।
ସେହିଭଳିକ ପାଟଣା ଆସନରୁ ଗୋପେଶ୍ୱର ନାଏକଙ୍କ ବଦଳରେ ବିନୋଦ ନାଏକଙ୍କୁ ପ୍ରାର୍ଥୀ କରିଛି ଦଳ । ଅନ୍ୟପଟେ ତେଲକୋଇରୁ ବିଧାୟକ ପ୍ରାର୍ଥୀ ଥିବା ମୋହନ ହେମ୍ବ୍ରମଙ୍କୁ ଦଳ କେନ୍ଦୁଝର ଲୋକସଭା ଆସନରୁ ପ୍ରାର୍ଥୀ କରିଥିବାରୁ ତାଙ୍କ ସ୍ଥାନରେ ପ୍ରଶାନ୍ତ ଦଳେଇ ନିର୍ବାଚନ କୁରୁକ୍ଷେତ୍ରକୁ ଓହ୍ଲାଇଛି ଦଳ । ତେବେ ଶେଷ ମୁହୂର୍ତ୍ତରେ କଂଗ୍ରେସର ଏହି ପ୍ରାର୍ଥୀ ପରିବର୍ତ୍ତନ ଦଳକୁ କେତେ ଫାଇଦା ଦେବ ତାହା ଦେଖିବା ବାକି ରହିଲା ।