ହଳ କରୁଛି ପାଠୋଇ ଝିଅ ! ଯୁକ୍ତ ଦୁଇରେ ପାଠ ପଢୁଥିଲେ ବି ଚାଷବାସରେ ପରିବାରକୁ କରୁଛି ସହାୟତା
କନକ ବ୍ୟୁରୋ : ଯଦି ଆପଣ ଭାବୁଥିବେ ହଳ ଲଙ୍ଗଳ ଧରିବା କେବଳ ପୁରୁଷର କାମ ଓ ଏହା କେବଳ ପୁରୁଷ ହିଁ କରିପାରିବେ , ତେବେ ଆପଣ ଭୁଲ୍ ଭାବୁଛନ୍ତି । ଗଂଜାମ ଜିଲ୍ଲା ପାତ୍ରପୁର ବ୍ଲକର ସୁରିଙ୍ଗି ଗାଁର ଜଣେ ୧୫ ବର୍ଷର ଝିଅ ଶିବାନୀ ଜାନି କେତେ ପ୍ରେରଣା ଦାୟୀ ହୋଇପାରେ ଏ ହେଉଛି ତାର ଉଦାହରଣ । ଘରେ ଭାଇ ନାହାଁନ୍ତି । ୩ ଭଉଣୀ ଏମାନେ । ଆଉ ଦେହ ଖରାପ ଥିବା ବାପାଙ୍କୁ ସାହାଯ୍ୟ କରିବାକୁ ଓହ୍ଲାଇ ଆସଛନ୍ତି ହଳ ଲଙ୍ଗଳ ଧରି।
Kanak News is now on WhatsApp
Join and get latest news updates delivered to you via WhatsApp
ଇଏ ଏମିତି ଏକ କାହାଣୀ ଯାହା ସମସ୍ତେ ବିଶ୍ୱାସ କରି ପାରିବେ ନାହିଁ । ଜଣେ ଝିଅ ବିଲରେ କାମ କରିବା ସହ ଯୁକ୍ତ ଦୁଇରେ ପାଠ ପଢୁଛନ୍ତି । ଅଭାବ ଅନଟନ ଭିତରେ ବାପା ଅଲେଖ ଜାନି ପୁଅଟିଏ ଆଶା କରିଥିଲେ ହେଲେ ୩ଟି ଝିଅ ଜନ୍ମ ହେଲେ । ପ୍ରଥମରୁ ଟିକିଏ ଦୁଃଖି ହୋଇଯାଇଥିବା ଅଲେଖ କିନ୍ତୁ ଏବେ ଅନୁଭବ କରୁଛନ୍ତି ତାଙ୍କ ଝିଅ କୈାଣସି ପୁଅ ଠାରୁ କମ୍ ନୁହେଁ ।
ସକାଳେ ହଳ କରିବା ଏବଂ ବିଲ କାମ ସାରି ଜଣେ ଛାତ୍ରୀ ଭାବେ ନିଜର କର୍ତ୍ତବ୍ୟ ସଂପାଦନ କରିବା , ବୋଧହୁଏ ଆଜିର ଦିନରେ ଏକ ବିରଳ ଘଟଣା । ବିଲରେ କାମ କରିବାକୁ ଆଜିର ପିଲା ହୁଏତ ଲଜ୍ଜା ବୋଲି ଭାବନ୍ତି କିମ୍ବା ଏହି ପରିଶ୍ରମ କରିବାକୁ ରାଜି ହୁଅନ୍ତି ନାହିଁ , କିନ୍ତୁ ଶିବାନୀ ଏ କ୍ଷେତ୍ରରେ ଏକ ବ୍ୟତିକ୍ରମ ।