ମୁଣ୍ଡ ଯୋଡ଼ି ହୋଇଥିବା ଯାଆଁଳା ଶିଶୁ ଦିଲ୍ଲୀ-ଏମ୍ସ ଯିବା ପାଇଁ ପ୍ରସ୍ତୁତି : ଖର୍ଚ୍ଚ ବହନ କରିବେ ରାଜ୍ୟ ସରକାର
କନକ ବ୍ୟୁରୋ : ଯୋଡ଼ା ମୁଣ୍ଡରୁ ମୁକ୍ତି ପାଇବ ଯାଆଁଳା ଜୀବନ । ଓଡିଶାର କନ୍ଧମାଳ ଜିଲ୍ଲାର ଏହି ଦୁଇ ଶିଶୁଙ୍କ ଅପରେସନ ହେବ ଦିଲ୍ଲୀ ଏମ୍ସରେ । ସ୍ନାୟୁ ଚିକିତ୍ସକଙ୍କ ସହ ଏକ ସ୍ୱତନ୍ତ୍ର ଡାକ୍ତରୀ ଦଳ ଏହି ଅପରେସନ କରିବ । ତେବେ ସବୁଠାରୁ ବଡ ଚ୍ୟାଲେଞ୍ଜ ରହିବ ଶିଶୁଙ୍କ ଚର୍ମ ଓ ସ୍ନାୟୁକୁ ଅଲଗା କରିବା ।
Kanak News is now on WhatsApp
Join and get latest news updates delivered to you via WhatsApp
ହେଲେ ଗୋଟିଏ ଭଲ କଥା ହେଉଛି ଏହି ଶିଶୁଙ୍କ ମୁଣ୍ଡ ଯୋଡ଼ି ହୋଇ ରହିଥିଲେ ମଧ୍ୟ ଦୁଇଟି ମସ୍ତିଷ୍କ ରହିଛି । କାହିିଁକି ନା ଉଭୟଙ୍କ ଚାଳିଚଳନ ଅଲଗା ଅଲଗା ପରିଲକ୍ଷିତ ହେଉଛି । ଜଣେ ଶୋଇଥିଲେ ଆଉ ଜଣେ ଚେତା ରହି ପାରୁଛି । ଜଣେ କାନ୍ଦିଲେ ଆଉ ଜଣେ ଚୁପ୍ ହୋଇ ବସି ରହି ପାରୁଛି । ଏଣୁ ସେମାନଙ୍କର ସଫଳ ଅପରେସନ ହେବାର ସମ୍ଭାବନା ଯଥେଷ୍ଟ ଅଧିକ । ଡାକ୍ତରଙ୍କ ଗବେଷଣା ଓ ଚିକିତ୍ସା ବିଜ୍ଞାନର ପରିବର୍ଦ୍ଧିତ ପରିଧି ଭିତରେ ଏଭଳି ଅପରେସନ କଷ୍ଟସାଧ୍ୟ କିନ୍ତୁ ଅସମ୍ଭବ ନୁହେଁ । ଏଣୁ ଓଡିଶାର ଏହି ଦୁଇ ଶିଶୁଙ୍କ ସଫଳ ଅପରେସନର ଆଶା ଯଥେଷ୍ଟ ଅଧିକ ।
ଦେଖନ୍ତୁ ଏହି ଭିଡିଓ –