ନବୀନଙ୍କ ଆତ୍ମସମୀକ୍ଷା ! ପଂଚାୟତ ନିର୍ବାଚନରେ ବିଜେଡର ବିପର୍ଯ୍ୟୟ ପରେ ନେତାଙ୍କ ସହ ବିଜେଡି ସୁପ୍ରିମୋଙ୍କ ୱାନ୍ ଟୁ ୱାନ୍
କନକ ବ୍ୟୁରୋ : ଜିଲ୍ଲା ପରିଷଦ ନିର୍ବାଚନରେ ବିଜେଡର ବିପର୍ଯ୍ୟୟ ପରେ ନବୀନ ଆରମ୍ଭ କରିଛନ୍ତି ଆତ୍ମସମୀକ୍ଷା । ଜଣେ-ଜଣେ ନେତାଙ୍କୁ ଡାକି ନବୀନ କରୁଛନ୍ତି ବିଚାର ବିମର୍ଶ । ବିଶେଷ କରି ଦଳ ଖରାପ ପ୍ରଦର୍ଶନ କରିଥିବା ନେତାଙ୍କ ସହ ୱାନ୍-ଟୁ-ୱାନ୍ ଆଲୋଚନା କରୁଛନ୍ତି ବିଜେଡି ସୁପ୍ରିମୋ ।
Kanak News is now on WhatsApp
Join and get latest news updates delivered to you via WhatsApp
କ’ଣ ପାଇଁ ୧୭୮ ଆସନରେ ବିଜେଡିର ବିପର୍ଯ୍ୟୟ ଘଟିଲା?କାହିଁକି ବିଜେଡି ଠାରୁ ବିମୁଖ ହେଲେ ଭୋଟର?ଏମିତି କିଛି ପ୍ରଶ୍ନର ଉତର ଖୋଜୁଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ନବୀନ ନିବାସରୁ ନେତାଙ୍କୁ ଆସୁଛି ଡାକରା । କେତେବେଳେ ସଚିବାଳୟ ତ କେତେବେଳେ ନବୀନ ନୀବାସ ଏମିତିକି ବିଧାନସଭାରେ ମୁଖ୍ୟମନ୍ତ୍ରୀଙ୍କ ପ୍ରକୋଷ୍ଠରେ ବି ଜଣେ ଜଣେ ନେତାଙ୍କୁ ଭେଟୁଛନ୍ତି ନବୀନ । । ଲୋକେ ବିଜେଡି ଉପରୁ ମୋହ ତୁଟାଉଛନ୍ତି ନା’ ଦୀର୍ଘଦିନ ଧରି କ୍ଷମତାରେ ରହିବାର ବୋଝରେ ବିଜେଡି ତଳକୁ ଯାଉଛି ତାହା ତର୍ଜମା କରୁଛନ୍ତି ନବୀନ । ବିଜେଡିର ଗଡ କୁହାଯାଉଥିବା କଳାହାଣ୍ଡିରେ ଦଳ ବିପର୍ଯ୍ୟୟ କାରଣ କହିବାକୁ ନବୀନଙ୍କ ନିକଟରେ ହାଜର ହୋଇଥିଲେ ଜୁନାଗଡ ବିଧାୟକ ତଥା ଦଳୀୟ ମୁଖପାତ୍ର କ୍ୟାପଟେନ ଦିବ୍ୟଶଙ୍କର ମିଶ୍ର ।
ଦୁଇଅଙ୍କରୁ ଯାଇ ଜିଲ୍ଲା ପରିଷଦ ନିର୍ବାଚନରେ ୨୯୭ ଆସନ ପୋଛି ନେଇଥିବା ବିଜେପ ଏବେ ବିଜେଡି ପାଇଁ ସବୁଠୁ ବଡ ଚ୍ୟାଲେଂଜ । ମୋଦି ମ୍ୟାଜିକ୍ ହେଉ ଅବା ଧର୍ମେନ୍ଦ୍ରଙ୍କ ଗୋଟି ଚାଳନା ଏବେ ବିଜେଡି ପାଇଁ ସମସ୍ୟା ସୃଷ୍ଟି କରୁଛି । ଏହାଭିତରେ ପୂରା ଘଟଣାରେ ଦୂୀୟ ସୁପ୍ରିମୋଙ୍କ ହସ୍ତକ୍ଷେପ ଦାବି କରି ଆସୁଥିଲେ ବରିଷ୍ଠ ନେତା । ଆଉ ଏବେ ବିଜେପିକୁ ବାଦ ଦେଇ ପୂର୍ବ ଦବଦବାକୁ ବଜାୟ ରଖିବା ପାଇଁ ଦଳପତିଙ୍କ ଉପରେ ବିଜେଡିର ଭରସା ।
ପଂଚାୟତ ନିର୍ବାଚନପରେ ବଦଳିଛି ନବୀନଙ୍କ ଅନ୍ଦାଜ । ପୂର୍ବରୁ ତୃତୀୟ ମହଲାରେ ପହଁଚିବାକୁ ନେତା ମନ୍ତ୍ରୀଙ୍କୁ କସରତ କରିବାକୁ ପଡୁଥିବା ବେଳେ ଏବେ ନେତାଙ୍କୁ ଡାକରା ଦେଉଛନ୍ତି ନବୀନ । ପ୍ରଶ୍ନ ଉଠୁଛି ନୂଆ ରଣନୀତି ବିଜେଡିକୁ କେତେ ଫାଇଦା ଦେଉଛି?
ଏହା ସହ ଦେଖନ୍ତୁ ଏହି ଭିଡିଓ-