ରାହୁଲଙ୍କ ଅଭିଯୋଗକୁ ବିଲକୁଲ ବକୱାସ ବୋଲି କହିଲେ ନବୀନ । ନବୀନଙ୍କୁ ମୋଦି କଂଟ୍ରୋଲ କରନ୍ତି ବୋଲି ଅଭିଯୋଗ ଆଣିଥିଲେ ରାହୁଲ ଗାନ୍ଧି
କନକ ବ୍ୟୁରୋ: ରାହୁଲଙ୍କ ଅଭିଯୋଗ ଉପରେ ପ୍ରତିକ୍ରିୟା ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତେବେ ରାହୁଲ ଯାହା କହୁଛନ୍ତି ତାହା ବିଲକୁଲ ବକୱାସ ବୋଲି କହିଛନ୍ତି ନବୀନ । ନବୀନଙ୍କୁ ମୋଦି କଂଟ୍ରୋଲ କରୁଛନ୍ତି ବୋଲି ତମାଣ୍ଡୋ ସମାବେଶରେ କହିଥିଲେ ରାହୁଲ ଗାନ୍ଧି । ତମାଣ୍ଡୋ ସମାବେଶରେ ରାହୁଲ କହିଥିଲେ ରାଜ୍ୟରେ ନବୀନ ପଟ୍ଟନାୟକଙ୍କ ଅମଲା ଶାଶନ ଚାଲିଛି । ମୋଦିଙ୍କ ହାତରେ ରିମୋର୍ଟ କଂଟ୍ରୋଲ ରହୁଛି । ମୋଦି ଯେପରି ସୁଇଚ ଅପରେଟ୍ କରୁଛନ୍ତି ନବୀନ ସେହିପରି ଉଠବସ ହେଉଛନ୍ତି ବୋଲି କହିଥିଲେ ରାହୁଲ । ସେପଟେ ପଦ୍ମଶ୍ରୀ ସମ୍ମାନକୁ ଗୀତା ମେହେଟ୍ଟା ପ୍ରତ୍ୟାଖାନ କରିବା ପ୍ରସଙ୍ଗରେ ନବୀନ ମତ ରଖିଛନ୍ତି । ସେ କହିଛନ୍ତି କି ଏହା ଗୀତା ମେହେଟ୍ଟାଙ୍କ ନିଜସ୍ୱ ନିଷ୍ପତି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, ଗତ ୨୫ ତାରିଖରେ ଭୁବନେଶ୍ୱର ତମୋଣ୍ଡରେ ଆୟୋଜିତ କଂଗ୍ରେସର ପରିବର୍ତ୍ତନ ସମାବେଶରେ ସାମିଲ ହେବା ପାଇଁ ଓଡିଶା ଆସିଥିଲେ ରାହୁଲ ଗାନ୍ଧି । ଆଉ ଏହି ଅବସରରେ ଉଭୟ ମୋଦି ଓ ନବୀନଙ୍କୁ ଟାର୍ଗେଟ କରିବା ସହ ଦୁହିଁଙ୍କ ଭିତରେ ଥିବା ସାମଞ୍ଜସ୍ୟକୁ ନେଇ ରାହୁଲ ଟିପ୍ପଣୀ କରିଥିଲେ । ରାଜ୍ୟରେ ନବୀନ ପଟ୍ଟନାୟକଙ୍କ ଅମଲା ଶାସନ ଚାଲିଛି, କଂଗ୍ରେସ କ୍ଷମତାକୁ ଆସିଲେ ଜନତାଙ୍କ ଶାସନ ଚାଲିବ ବୋଲି କହିଥିଲେ ରାହୁଲ । ଏଥିସହ ରାହୁଲ କହିଥିଲେ କି-ରାଜ୍ୟରେ ନବୀନଙ୍କ ସରକାର ଚାଲିଛି କିନ୍ତୁ ରିମୋଟ ରହିଛି ମୋଦିଙ୍କ ପାଖରେ । ମୋଦି ଯେଉଁ ଅନୁସାରେ ରିମୋଟ୍ ବଟନ ଟିପୁଛନ୍ତି ସେହି ଅନୁସାରେ ନବୀନ ସରକାର ଗତିଶୀଳ ହେଉଛନ୍ତି ବୋଲି ରାହୁଲ ଅଭିଯୋଗ କରିଥିଲେ ।