ହକି ପାଇଁ ନବୀନଙ୍କ ହୃଦୟ ଧକ୍ ଧକ୍ । ହାତରେ ହକି ଷ୍ଟିକ୍ ଧରି ହକି ବିଶ୍ୱକପ ପୂର୍ବରୁ ପ୍ରସ୍ତୁତି ନେଇ ଦେଲେ ଆହ୍ୱାନ ।
ହକି ପ୍ରତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କେତେ ଭଲ ପାଇବା ରହିଛି ତାହା ବିଗତ ଦିନ ମାନଙ୍କରେ କଳିଙ୍ଗ ଷ୍ଟାଡ଼ିୟମରେ ହୋଇଥିବା ହକି ଟୁର୍ଣ୍ଣାମେଣ୍ଟରୁ ପ୍ରମାଣିତ ହୋଇଛି ।
କନକ ବ୍ୟୁରୋ: ନବୀନଙ୍କ ହକି ମାନିଆ । ଏକଥା କହିବାର ତାତ୍ପର୍ଯ୍ୟ ହେଲାକି ହକି ବିଶ୍ୱକପ ପାଇଁ ଆଉ ମାତ୍ର ଦିନ କେଇଟାର ଅପେକ୍ଷା । ରାଜ୍ୟ ସରକାରଙ୍କ ପ୍ରସ୍ତୁତି ଏହାକୁ ନେଇ ପୁରା ଜୋରଦାର ଚାଲୁଛି । ଏହାରି ମଧ୍ୟରେ ଦେଖିବାକୁ ମିଳିଛି ଖୋଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ହାତରେ ହକି ଷ୍ଟିକ୍ । ଯିଏ ଶୁଣିଲେ ବି ଆଶ୍ଚର୍ଯ୍ୟ ହୋଇଯିବ , କିନ୍ତୁ ଏହା ନିରାଟ ସତ୍ୟ । ଆଗରେ ଗୋଲ ପୋଷ୍ଟ ଏବଂ ନବୀନଙ୍କ ହାତରେ ହକି ଷ୍ଟିକ୍ ଆଉ ସଟ୍ ମାରିବା ଅପେକ୍ଷାରେ ରହିଛନ୍ତି ନବୀନ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କ ଅବଗତି ନିମନ୍ତେ କହି ରଖୁଛୁ ଯେ, ଅବସର ହେଉଛି ଯେ, ଏକାମ୍ର ସ୍ପୋର୍ଟ୍ସ ଲିଟେରାରୀ ଫେଷ୍ଟିଭାଲର କର୍ମଶାଳା । ଯେଉଁଠାରେ ଏକାଠି ହୋଇଛନ୍ତି ବିଶ୍ୱ କ୍ରୀଡ଼ା ଜଗତର ଚାମ୍ପିୟନ ଖେଳାଳୀ ଏବଂ ଆଥଲେଟ୍ ଓ ସାହିତ୍ୟିକ । ହକି ବିଶ୍ୱକପ ପୁର୍ବରୁ ଗୋଟିଏ ଛାତ ତଳେ ଏକାଠୀ ହୋଇଛନ୍ତି ବିଭିନ୍ନ ବର୍ଗର କ୍ରୀଡ଼ାବିତ୍ । ଆଉ ଏସୀୟ ମହାଦେଶର ପ୍ରଥମ କରି ଆୟୋଜିତ ହେଉଥିବା ସ୍ପୋର୍ଟ୍ସ ଲିଟେରାରୀ ଫେଷ୍ଟିଭାଲର ଅବସରକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ପୂର୍ବରୁ ମଧ୍ୟ ହକି ପ୍ରତି ନିଜର ଦୁର୍ବଳତା ଥିବା କେବିସି କାର୍ଯ୍ୟକ୍ରମ ଜରିଆରେ ବଖାଣିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଉ ହକି ପ୍ରତି ତାଙ୍କର କେତେ ଭଲ ପାଇବା ରହିଛି ତାହା ବିଗତ ଦିନ ମାନଙ୍କରେ କଳିଙ୍ଗ ଷ୍ଟାଡ଼ିୟମରେ ହୋଇଥିବା ହକି ଟୁର୍ଣ୍ଣାମେଣ୍ଟରୁ ପ୍ରମାଣିତ ହୋଇଛି । କେବଳ ଏତିକି ନୁହେଁ ଉଭୟ ପୁରୁଷ ଏବଂ ମହିଳା ଭାରତୀୟ ହକି ଟିମର ପ୍ରାୟୋଜକ ହେବା ପାଇଁ ମୁଖ୍ୟମନ୍ତ୍ରୀ ପୂର୍ବରୁ ଘୋଷଣା କରିଥିଲେ । ଯାହାକୁ ନେଇ ଦେଶବ୍ୟାପୀ ପ୍ରଶଂସା ସାଉଣ୍ଟିଥିଲେ ମୁଖ୍ୟମନ୍ତ୍ରୀ ।