ସୋଶିଆଲ ମିଡିଆରେ ଆକ୍ଟିଭ୍ ମୁଖ୍ୟମନ୍ତ୍ରୀ ! ନିଜ ଅଫିସିଆଲ ଟ୍ୱିଟରରେ ପ୍ରଶ୍ନ କରି ମାଗୁଛନ୍ତି ଉତ୍ତର, ଲୋକଙ୍କ ନିକଟତର ହେବାକୁ ପ୍ରୟାସ
ବର୍ତ୍ତମାନ ଗୋଟିଏ ସେକଣ୍ଡରେ ଲୋକଙ୍କ ପାଖରେ ପହଂଚିବା ପାଇଁ ମାଧ୍ୟମ ହେଉଛି ସୋଶିଆଲ ମିଡିଆ । ଆଉ ଏହାର ଭରପୁର ଫାଇଦା ନେଉଛନ୍ତି ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କର ଅଫିସିଆଲ ଟ୍ୱିଟର ଆକାଉଣ୍ଟରେ ଗତ ୨୩ ତାରିଖ ଦିନ ଏକ ଓଭର ବ୍ରିଜ ଫଟୋ ପୋଷ୍ଟ କରିଥିଲେ । ଏବଂ ସେହି ଫଟୋରେ ବଖାଣିଥିଲେ ଓଭର ବ୍ରିଜର ସୌନ୍ଦର୍ଯ୍ୟ କରଣ କାର୍ଯ୍ୟ । ଶେଷରେ ସୋଶିଆଲ ମିଡିଆର ବ୍ୟବହାରକାରୀଙ୍କୁ ଏହି ଫଟୋ କେଉଁ ଓଭର ବ୍ରିଜର ବୋଲି ଅନୁମାନ କରିବା ପାଇଁ ଆମନ୍ତ୍ରଣ କରିଥିଲେ ମୁଖ୍ୟମନ୍ତ୍ରୀ । ଏହାସହ ୨୪ ତାରିଖ ମଧ୍ୟାହ୍ନ ୧୨ଟାରେ ପୁଣି ଉତ୍ତର ଦେବା ପାଇଁ ମଧ୍ୟ ନିଜ ଟ୍ୱିଟରରେ ଲୋକଙ୍କୁ ଜଣାଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏବଂ ଠିକ ୨୪ ତାରିଖ ମଧ୍ୟାହ୍ନ ୧୨ଟାରେ ପୁଣି ଲୋକଙ୍କ ସହ ସୋଶିଆଲ ମିଡିଆରେ ଯୋଡି ହୋଇଥିଲେ ନବୀନ । ଟ୍ୱିଟରରେ ଓଭର ବ୍ରିଜ ଫଟୋ ଉତ୍ତର ଦେଇଥିବା ସମସ୍ତ ଉତ୍ତର ଦାତାଙ୍କୁ ନିଜେ ପ୍ରତିଉତ୍ତର ଦେବା ସହ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ । ଫଟୋର ଗୁରୁପ୍ରିୟା ସେତୁ ବୋଲି ଉତ୍ତର ଦେଇଥିବା ସମସ୍ତ ଲୋକଙ୍କୁ ନିଜେ ମୁଖ୍ୟମନ୍ତ୍ରୀ ରିପ୍ଲାଇ ଦେଇଥିଲେ । ଯାହାକି ଲୋକମାନଙ୍କୁ ବେଶ ଆନନ୍ଦିତ କରିଛି ବୋଲି ନବୀନଙ୍କ ଟ୍ୱିଟର ଆକାଉଣ୍ଟର ପ୍ରତିକ୍ରିୟାରୁ ବେଶ୍ ବାରି ହୋଇ ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ପୂର୍ବରୁ ଅନେକ ସମୟରେ ସ୍କୁଲ ପିଲା, ଦଳୀୟ କର୍ମୀ ଏବଂ ଲୋକଙ୍କ ସହ ସେଲ୍ଫି ନେଇ ମଧ୍ୟ ଚର୍ଚ୍ଚାରେ ରହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବେଶ୍ ଟ୍ୱିଟରେ ଆକ୍ଟିଭ୍ ମୁଖ୍ୟମନ୍ତ୍ରୀ ଭାବେ ଜଣାପଡୁଛନ୍ତି । ମୁଖ୍ୟମନ୍ତ୍ରୀ ଖୋଦ୍ ସରକାରୀ କର୍ମଚାରୀ ଏବଂ ଦଳୀୟ କର୍ମୀଙ୍କୁ ସୋଶିଆଲ ମିଡିଆର ବ୍ୟବହାର କରିବା ପାଇଁ ପରାମର୍ଶ ଦେଇଛନ୍ତି । ଗତ କିଛି ମାସ ତଳେ ସ୍କୁଲ ପିଲାଙ୍କ ପାଇଁ ‘ମୋ ସ୍କୁଲ ସୋଶିଆଲ ମିଡିଆ’ ଅଭିଯାନ ଦ୍ୱାରା ରାଜ୍ୟରେ ଆଦର୍ଶ ସ୍କୁଲ ଗଢ଼ିବା ପାଇଁ ନବୀନଙ୍କ ପ୍ରୟାସକୁ ବୁଦ୍ଧିଜୀବୀ ମହଲରେ ସ୍ୱାଗତ କରାଯାଇଥିଲା । ତେବେ ରାଜ୍ୟବାସୀଙ୍କ ପାଖରେ ତୁରନ୍ତ ପହଂଚିବା ପାଇଁ ମଧ୍ୟ ଏହି ସୋଶିଆଲ ମିଡିଆର ଫାଇଦା ନେବାକୁ ପ୍ରୟାସ କରୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।