ନିଟ ପରୀକ୍ଷାରେ ଓଡିଆ ଭାଷା ସ୍ଥାନ ନ ପାଇବା ନେଇ ଧରାପଡିଲା ସରକାରଙ୍କ ଆଉ ଏକ ମିଛ
କନକ ବ୍ୟୁରୋ : ଧରାପଡିଲା ରାଜ୍ୟ ସରକାରଙ୍କର ଆଉ ଏକ ମିଛ । ନିଟ୍ ପରୀକ୍ଷା ଓଡିଆ ଭାଷାରେ କରାନଯିବାକୁ ନେଇ ପ୍ରଶ୍ନ ଉଠାଉଥିବା ରାଜ୍ୟ ସରକାରଙ୍କର ଧରାପଡିଛି ଆଉ ଏକ ଦୋମୁହାଁ ନୀତି । ଗତ ଜୁଲାଇ ମାସରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ସଚିବ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟକୁ ଚିଠି ଲେଖି ଇଂରାଜୀରେ ପରୀକ୍ଷା କରାଇବାକୁ କହିଥିଲେ । ଚିଠିରେ ଉଲ୍ଲେଖ ଥିଲା, ଏମବିବିଏସ ଓ ବିଡିଏସ ପାଇଁ ରାଜ୍ୟ କୋଟା ବାବଦ ସିଟ୍ ପାଇଁ ସିବିଏସଇ ପରୀକ୍ଷା କରୁଛି । ରାଜ୍ୟ ନିଜସ୍ୱ ଭାବେ କୈାଣସି ପରୀକ୍ଷା କରୁନି । ଇଂରାଜୀ ଭାଷାରେ ପରୀକ୍ଷା ହେଉଛି । ଏ ବାବଦ ଚିଠି ଗତ ଜୁଲାଇ ୨୭ ତାରିଖରେ ରାଜ୍ୟ ସରକାରଙ୍କ ପକ୍ଷରୁ ଲେଖାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଖାଲି ଏତିକି ନୁହେଁ, ଗତ ନଭେମ୍ବର ମାସରେ ଯେତେବେଳେ ନିଟରେ ଅନ୍ୟ ଭାଷା ବ୍ୟବହାର ନେଇ ରାଜ୍ୟ ସରକାରଙ୍କ ସହ ଆଲୋଚନା କରାଯାଇଥିଲା, ସେତେବେଳେ ମଧ୍ୟ ଓଡିଶା ସରକାର କୈାଣସି ଆପତ୍ତି ଉଠାଇନଥିଲେ । ହିନ୍ଦୀ, ଇଂରାଜୀ, ଆସାମିଜ,ବେଙ୍ଗଲୀ, ଗୁଜୁରାଟି, ମରାଠି, ତାମିଲ, ତେଲୁଗୁ ଭାଷାରେ ପରୀକ୍ଷା କରିବାକୁ ନେଇ ଯେତେବେଳେ ଏଜେଣ୍ଡା ବାବଦରେ ଆଲୋଚନା ହୋଇଥିଲା, ସେତେବେଳେ ମଧ୍ୟ ରାଜ୍ୟ ସରକାର ଆପତ୍ତି ଉଠାଇନଥିଲେ । ଏହାରି ଭିତରେ ବିଜେପି ସାମ୍ବାଦିକ ସମ୍ମିଳନୀ କରି ରାଜ୍ୟ ସରକାରଙ୍କର ଦୋମୁହାଁ ନୀତିକୁ ନେଇ ପ୍ରଶ୍ନ ଉଠାଇଛି । କହିଛି, ପ୍ରସଙ୍ଗକୁ ଜାଣିଶୁଣି ରାଜନୀତିର ରଙ୍ଗ ଦିଆଯାଉଛି । ଯଦି ପୂର୍ବରୁ ରାଜ୍ୟ ସରକାର ଆପତ୍ତି ଉଠାଇନଥିଲେ, ତେବେ ବର୍ତମାନ କାହିଁକି ପ୍ରସଙ୍ଗକୁ ନେଇ ବିବାଦ ବଢାଉଛନ୍ତି ।
ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଚିଠି ଲେଖି ଓଡିଆ ଭାଷା ସାମିଲ ନହେବା ନେଇ ଉଦବେଗ ପ୍ରକାଶ କରିଥିଲେ । ବିଜୁ ଛାତ୍ର ଜନତା ଦଳ ପକ୍ଷରୁ ରାଜ୍ୟପାଳଙ୍କ ଜରିଆରେ ରାଷ୍ଟ୍ରପତିଙ୍କୁ ସ୍ମାରକପତ୍ର ପ୍ରଦାନ କରାଯାଇଥିଲା । ତେବେ ବିଜେପିର ଏହି ନୂଆ ତଥ୍ୟ ବିଜେଡିକୁ ଅଡୁଆ ଭିତରକୁ ଟାଣିଛି ।
ଏହାସହ ଦେଖନ୍ତୁ ଏହି ଭିଡିଓ –