ଏମିତି ୪ଟି ଫାଇଲ୍, ଯାହା ମୋଦିଙ୍କୁ ନେଇଯିବ ଜେଲର ଚାରି କାନ୍ଥକୁ ! ଜାଣନ୍ତୁ କିଏ ଓ କାହିଁକି ପ୍ରଧାନମନ୍ତ୍ରୀଙ୍କୁ ନେଇ ରଖିଲେ ଏଭଳି ଉକ୍ତି ।
ମୋଦିଙ୍କୁ ନେଇ ଏମିତି ଏକ ତଥ୍ୟ, ଯାହା ଶୁଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ଆମ୍ ଆଦମୀ ପାର୍ଟି ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ ପୁଣି ଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କଡା ଟାର୍ଗେଟ କରିଛନ୍ତି । ମୋଦିଙ୍କ ବକ୍ତବ୍ୟକୁ କେଜ୍ରିୱାଲ ସମାଲୋଚନା କରିବା ସହ କହିଛନ୍ତି ଯେ, ମୋଦି ସବୁବେଳେ କହୁଛନ୍ତି, ତାଙ୍କ ସରକାର ଗତ ୪ ବର୍ଷରେ ଯେଉଁ କାମ କରିଛନ୍ତି, ତାହା କୌଣସି ଚମତ୍କାର ଠାରୁ କମ୍ ନୁହେଁ । ୪ ବର୍ଷର ସରକାରରେ ଏମିତି ଅନେକ କାର୍ଯ୍ୟ ହୋଇଛି, ଯାହା ଅନ୍ୟ ରାଜ୍ୟର ଦଳଗୁଡିକ ୧୫ ବର୍ଷରେ କରିପାରିନାହାନ୍ତି । କେଜ୍ରିୱାଲ କହିଛନ୍ତି, ମୋଦି ନିଜର ୪ଟି ଫାଇଲ ଓପନ କରନ୍ତୁ, ତାଙ୍କୁ ଜେଲ ଯିବାରୁ କେହି ଅଟକାଇପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଶନିବାର ଦିଲ୍ଲୀରେ, ଆମ୍ ଆଦମୀ ପାର୍ଟିର ରାଷ୍ଟ୍ରୀୟ ପରିଷଦ ବୈଠକକୁ ସମ୍ବୋଧିତ କରିବା ସହ କେଜ୍ରିୱାଲ କହିଛନ୍ତି, ନିଜ ସରକାରର କାମକୁ ଦେଖି ଆମ୍ ଆଦମୀ ପାର୍ଟିର ସମର୍ଥକମାନେ କଲର ଟେକି ଚାଲିବା ଉଚିତ୍ । ଗତ ୭୦ ବର୍ଷରେ ଅନେକ ଦେଶ ଭାରତକୁ ପଛରେ ପକାଇ ଆଗକୁ ଚାଲିଯାଇଛନ୍ତି । ସେ କହିଛନ୍ତି, ଯଦି ରାଜନୀତି ଠିକ୍ ଭାବରେ ହୁଏ ତେବେ ଦେଶ ଆଗକୁ ବଢିପାରିବ । ଦେଶକୁ ସୁଧାରିବାର ଆଶା ସୃଷ୍ଟି କରିଛି ଆମ୍ ଆଦମୀ ପାର୍ଟି । ଏହା ସହ ଆଗାମୀ ନିର୍ବାଚନରେ ଦିଲ୍ଲୀରେ ଆମ୍ ଆଦମୀ ପାର୍ଟି ପୁଣି ଥରେ ସରକାର ଗଢିବ ବୋଲି ଦୃଢୋକ୍ତିର ସହ କହିଛନ୍ତି କେଜ୍ରିୱାଲ୍ ।
କେଜ୍ରିୱାଲ ଆହୁରି ମଧ୍ୟ କହିଛନ୍ତି ଯେ, କେନ୍ଦ୍ର ସରକାର ଦିଲ୍ଲୀ ସରକାରଙ୍କ ୪୦୦ ଫାଇଲ୍ ଯାଞ୍ଚ୍ କରିଥିଲେ । କିନ୍ତୁ ସେଥିରୁ କିଛି ମିଳିନଥିଲା । କିନ୍ତୁ ମୋଦି ନିଜର ୪ଟି ଫାଇଲ୍, ସାମ୍ନାକୁ ଆଣନ୍ତୁ, ତାଙ୍କୁ ଜେଲ ଯିବାରୁ କେହି ଅଟକାଇପାରିବେ ନାହିଁ ବୋଲି ସେ କହିଛନ୍ତି । ସତ୍ୟର ପଥରେ ଯିବା ଅତ୍ୟନ୍ତ କଠିନ ଅଟେ । କେଜ୍ରିୱାଲ କହିଛନ୍ତି, କେବଳ ବିଜେପି ନୁହେଁ, ସମସ୍ତ ରାଜନୈତିକ ଦଳ ଏପରି ଅଟନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଯେତେବେଳେ ତାଙ୍କ ଉପରେ ରେଡ୍ ପଡିଥାଏ, କଂଗ୍ରେସ ଦଳ ସେତେବେଳେ ଲଡୁ ବାଣ୍ଟିଥାଏ ।