କନକ ବ୍ୟୁରୋ : ମରୁଡି ପ୍ରଭାବିତ ଅଂଚଳରେ ଅଚଳ ହୋଇପଡିଥିବା ଲିଫଟ ପଏଂଟକୁ ପ୍ରାଥମିକତା ଭିତିରେ ମରାମତି କରାଯିବ । ଜିଲ୍ଲାଗୁଡିକୁ ୧୨୧ଟି ଡାଏଲିସିସ ୟୁନିଟ ମିଳିବ । ପୁରୀ ଜିଲ୍ଲା ପାଇଁ ସ୍ୱତନ୍ତ୍ର ପ୍ରଟୋକଲ ୱିଙ୍ଗ ରହିବ ଯାହାଫଳରେ ପ୍ରଶାସନ ଉନ୍ନୟନମୁଳକ କାମ ଉପରେ ଅଧିକ ଧ୍ୟାନ ଦେଇପାରିବ । କେବିକେ ଜିଲ୍ଲାଗୁଡିକ ପାଇଁ ମିଳୁଥିବା କର୍ପସ ଫଣ୍ଡ ଏବେ ସବୁ ଜିଲ୍ଲାକୁ ସଂପ୍ରସାରିତ କରାଯିବ । ଫଳରେ ବିଶେଷଜ୍ଞ ଡାକ୍ତରଙ୍କୁ ଅଣାଯାଇପାରିବ । ପୁର୍ବରୁ ଦିନିକିଆ ଜିଲ୍ଲାପାଳ ସମ୍ମିଳନୀରେ ନବୀନ ପଟ୍ଟନାୟକ ଥ୍ରି-ଟି ଉପରେ ଗୁରୁତ୍ୱ ଦେଇ କହିଥିଲେ, ଏଣିକି ଖାଲି ଜିଲ୍ଲାପାଳ ନୁହେଁ ସଚିବମାନେ ମଧ୍ୟ ଗାଁକୁ ଯିବେ । ମାସର ପ୍ରଥମ ସପ୍ତାହର ୪ଦିନ ଗାଁରେ ବୁଲି ବିଭିନ୍ନ ଯୋଜନାର ସମୀକ୍ଷା କରିବେ ବିଭାଗୀୟ ସଚିବ ।
Kanak News is now on WhatsApp
Join and get latest news updates delivered to you via WhatsApp
ଆଜି ସଚିବାଳୟ ଠାରେ ଜିଲ୍ଲାପାଳମାନଙ୍କ ବୈଠକରେ ଉଦବୋଧନ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ ଯେ, ଗତ ଜୁଲାଇ ମାସରେ ହୋଇଥିବା ଜିଲ୍ଲାପାଳ ସମ୍ମିଳନୀରେ ସେ ତିନୋଟି ପ୍ରସଙ୍ଗରେ ଗୁରୁତ୍ୱ ଦେଇଥିଲେ। ସେଗୁଡ଼ିକ ହେଲା ଟେକନୋଲୋଜି, ଟିମ୍ ଓ୍ଵାର୍କ ଓ ଟ୍ରନ୍ସପାରେନିସ। ଲୋକମାନଙ୍କୁ ଉପଯୁକ୍ତ ସେବା ଯୋଗାଇବା ପାଇଁ ସେ ବୈଷୟିକ ଜ୍ଞାନର ଉପଯୋଗିତା, ଦଳଗତ କାର୍ଯ୍ୟ ଓ ସ୍ୱଚ୍ଛତା ଉପରେ ଗତ ଜିଲ୍ଲାପାଳ ବୈଠକରେ ଗୁରୁତ୍ୱ ଦେଇଥିଲେ । ସେହିପରି ଗତ ବୈଠକରେ ଦିଆଯାଇଥିବା ପରାମର୍ଶ ଉପରେ କଣ କାର୍ଯ୍ୟାନୁଷ୍ଠାନନ ଗ୍ରହଣ କରାଯାଇଛି ସେ ସମ୍ପର୍କରେ ରିପୋର୍ଟ ଦେବା ପାଇଁ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ସଚିବ ଓ ଜିଲ୍ଲାପାଳମାନଙ୍କୁ କହିଥିଲେ ।ଏହା ଆସନ୍ତା ୧୫ ଦିନ ମଧ୍ୟରେ ଶେଷ କରିବାକୁ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଗୁରୁତ୍ୱ ଦେଇଛନ୍ତି ।
ମୁଖ୍ୟମନ୍ତ୍ରୀ କହିଥିଲେ ଯେ, ୨୦୧୮ ମସିହା ମୌସୁମୀ ଆସିବାକୁ ଆହୁରି ୮ ମାସ ବାକି ଅଛି । ଏହି ସମୟ ମଧ୍ୟରେ ଆମକୁ ସମସ୍ତ ପ୍ରକାର ବିକାଶ କାର୍ଯ୍ୟ ତ୍ୱରାନିତ୍ୱ କରିବାକୁ ପଡ଼ିବ । ସେ ନିଜେ ଏହି ସବୁ ବିକାଶ କାର୍ୟ୍ୟର ସମୀକ୍ଷା କରିବେ ବୋଲି ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଆଜି ଘୋଷଣା କରିଛନ୍ତି ।