ମମତା ଗଡରେ ମୋଦି ମାରିଲେ ‘ସିଏଏ’ ଶର ! କହିଲେ ଯେଉଁମାନେ ରାଜନୀତି କରୁଛନ୍ତି ସେମାନେ ଜାଣିଶୁଣି ଆଇନକୁ ବୁଝୁ ନାହାନ୍ତି । ନାଗରିକତା ଛଡାଇବା ଏହି ଆଇନର କାମ ନୁହେଁ
କନକ ବ୍ୟୁରୋ: ମମତା ଗଡରେ ମୋଦିଙ୍କ ମନ୍ତ୍ର । ସିଏଏ ନେଇ ମମତାଙ୍କୁ ବୁଲେଇ ବଙ୍କେଇ ସମାଲୋଚନା କରିବା ସହ ନାଗରିକତା ଆଇନର ପାଠ ପଢାଇଲେ ପ୍ରଧାନମନ୍ତ୍ରୀ । କୋଲକାଲ ଗସ୍ତର ୨ୟ ଦିନରେ ପ୍ରଧାନମନ୍ତ୍ରୀ ବେଲୁର ମଠରେ ଉଦବୋଧନ ଦେଲା ବେଳେ ସିଏଏ ସମ୍ପର୍କରେ କହିଛନ୍ତି । ଆଉ ଏହି ଆଇନକୁ ବିରୋଧ କରୁଥିବା, ଆଇନକୁ ନେଇ ରାଜନୀତି କରୁଥିବା ଲୋକଙ୍କୁ ସମାଲୋଚନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୋଦି କହିଛନ୍ତି କି ଆଇନକୁ ନେଇ ଶସ୍ତା ରାଜନୀତିର ଖେଳ ଖେଳୁଥିବା ଲୋକେ ହିଁ ଆଇନର ପ୍ରକୃତ ଅର୍ଥ ବୁଝୁ ନାହାନ୍ତି କି ବୁଝିବାକୁ ଚେଷ୍ଟା କରୁ ନାହାନ୍ତି । ତେଣୁ ସେହିମାନେ ହିଁ ଦେଶରେ ଆଇନକୁ ନେଇ ଭ୍ରମ ସୃଷ୍ଟି କରୁଛନ୍ତି । ତେବେ ନାଗରିକତା ଆଇନ ରାତାରାତି ତିଆରି ହୋଇନି । ନାଗରିକତା ଛଡାଇ ନେବା ନାଗରିକତା ସଂଶୋଧନ ଆଇନର କାମ ନୁହେଁ । ବରଂ ପାକିସ୍ତାନରେ ଯେଉଁମାନେ ନିର୍ଯାତନା ପାଉଛନ୍ତି ସେମାନଙ୍କ ପାଇଁ ବୋଲି ମୋଦି କହିଛନ୍ତି ।
PM Modi: I repeat again, Citizenship act is not to revoke anyone’s citizenship, but it is to give citizenship. After independence, Mahatma Gandhi ji and other big leaders of the time all believed that India should give citizenship to persecuted religious minorities of Pakistan pic.twitter.com/UFyC0MsnDe
— ANI (@ANI) January 12, 2020
ମୋଦି ଆହୁରି କହିଛନ୍ତି ନାଗରିକତା ସଂଶୋଧନ ଆଇନ ପ୍ରସଙ୍ଗରେ ଯୁବପିଢୀଙ୍କୁ ଅବାଟରେ ନିଆଯାଉଛି । ନାଗରିକତା ସଂଶୋଧନ ଆଇନ କଣ ? କାହିଁକି ଏହି ଆଇନ ପ୍ରଣୟନ ହେଲା ? ଅନେକ ଯୁବପୀଢି ଏନେଇ ଜାଣିଛନ୍ତି କିନ୍ତୁ ଆଉ କିଛିଙ୍କୁ ଏହାର ସଠିକ ତଥ୍ୟ ଜଣାନାହିଁ । ସେହି ଯୁବପିଢିମାନଙ୍କୁ ନାଗରିକତା ସଂଶୋଧନ ଆଇନ ସମ୍ପର୍କରେ ସବିଶେଷ ତଥ୍ୟ ଏବଂ ବାସ୍ତବତା ବୁଝାଇବା ଦରକାର ବୋଲି ପରାମର୍ଶ ଦେଇଛନ୍ତି ମୋଦି ।
କାହାର ନାଗରିକତା ଛଡାଇବା ଏହି ଆଇନର କାମ ନୁହେଁ ବରଂ ନାଗରିକତା ଦେବା ହେଉଛି ଆଇନର କାମ । ତେଣୁ ଯେଉଁମାନେ ଏହାକୁ ବିରୋଧ କରୁଛନ୍ତି, ଆଇନକୁ ନେଇ ଗୁଜବ ଖେଳାଉଛନ୍ତି ସେମାନେ କ୍ଷାନ୍ତ ରୁହନ୍ତୁ ବୋଲି ମୋଦି ମମତାଙ୍କ ଆଡକୁ ତୀର ମାରିଛନ୍ତି । ତେବେ ସିଏଏ ବିଲ ସହ ଆଇନରେ ପରିଣତ ହେବା ଯାଏଁ ପଶ୍ଚିମବଙ୍ଗରେ ଏହାକୁ ପ୍ରବଳ ବିରୋଧ କରାଯାଇଥିଲା । ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଇନ ବିରୋଧରେ ଗର୍ଜନ କରି ବଡ ବଡ ରାଲି କରିଥିଲେ । ଗତ କାଲି ମଧ୍ୟ ମୋଦି କୋଲକାତା ଗସ୍ତ ସମୟରେ ମମତା ଆଇନକୁ ବିରୋଧ କରି ଏକ ସଭା କରିଥିଲେ ।
ଆଉ ମମତାଙ୍କ ଏହି ବିରୋଧୀ ଭାବକୁ ମୋଦି ଅନେକ ଥର ସମାଲୋଚନା କରିଛନ୍ତି । ଯେଉଁ ମମତା ଦିନେ ସଂସଦରେ ବାଚସ୍ପତିଙ୍କ ଆଗରେ କାଗଜ ଫୋପାଡି ସରଣାର୍ଥୀଙ୍କ ପାଇଁ ଆଇନ ଆସୁ ବୋଲି କହୁଥିଲେ ଏବେ ସେ କଣ ପାଇଁ ବଦଳିଗଲେ ବୋଲି ପୂର୍ବରୁ ମୋଦି ମମତାଙ୍କୁ ସମାଲୋଚନା କରିଥିଲେ । ମାତ୍ର ଆଜି ମମତାଙ୍କ ଗଡରେ ଖୋଦ ନିଜେ ଛିଡା ହୋଇ ସିଏଏ ଶର ମାରିଛନ୍ତି ମୋଦି ।