ସିଆଇଏସଏଫ୍ ସୁରକ୍ଷାକର୍ମୀଙ୍କୁ ଉପରୁ ଆସିଲା ନିର୍ଦ୍ଦେଶ । ଏଣିକି ବିମାନବନ୍ଦରରେ ଯାତ୍ରୀଙ୍କ ସହ ହସି ହସି କଥା ହୋଇପାରିବେ ନାହିଁ
ଯଦି ଆପଣ ନିୟମିତ ଭାବେ ବିମାନରେ ଯାତ୍ରା କରୁଥାନ୍ତି ତେବେ ପରବର୍ତ୍ତୀ ଯାତ୍ରା ସମୟରେ ବିମାନ ବନ୍ଦରକୁ ପ୍ରବେଶ କରିବା ମାତ୍ରେ କିଛି ନୂଆ ଦେଖିବାକୁ ପାଇବେ । ଅଥାର୍ତ ପୂର୍ବରୁ ବିମାନବନ୍ଦରରେ ଯାତ୍ରୀ ମାନେ ପ୍ରବେଶ କରିବା ବେଳେ ସିଆଇଏସଏଫ୍ କର୍ମଚାରୀଙ୍କ ଭାବଭଙ୍ଗୀକୁ ଯେଉଁଭଳି ଦେଖୁଥିଲେ ସେଥିରେ ପରିବର୍ତ୍ତନ ଆସିଥିବା ଜାଣିପାରିବେ । କାରଣ ଏବେ ବିମାନବନ୍ଦରରେ ଯାତ୍ରୀମାନଙ୍କ ସୁରକ୍ଷା ଦାୟିତ୍ୱରେ ଥିବା ସିଆଇଏସଏଫ୍ କର୍ମଚାରୀ ଯାତ୍ରୀମାନଙ୍କ ସହ କଥା ହେବା ସମୟରେ ହସି ପାରିବେ ନାହିଁ । ଏ ନେଇ ସବୁ ସିଆଇଏସଏଫ୍ କର୍ମଚାରୀମାନଙ୍କୁ ଜଣାଇ ଦିଆଯାଇଥିବା ଏକ ରିପୋର୍ଟରୁ ଜଣାପଡ଼ିଛି । ଡ୍ୟୁଟିରେ ଥିବା ସମୟରେ କର୍ମଚାରୀମାନେ ଏହି ଆଦେଶର ପାଳନ କରିବେ । ଯାତ୍ରୀମାନଙ୍କ ସହ ଅଧିକ ବନ୍ଧୁତା ନ କରିବା ସହିତ ନିଜ କାମ ଉପରେ ଅଧିକ ଧ୍ୟାନ ଦେବା ଉଦ୍ଦେଶ୍ୟରେ ଏହି ନିୟମ କରାଯାଇଥିବା ରିପୋର୍ଟରୁ ସୂଚନା ମିଳିଛି । ବେଳେ ବେଳେ ସିଆଇଏସଏଫ୍ କର୍ମଚାରୀମାନେ ଯାତ୍ରୀମାନଙ୍କ ସହ ଅଧିକ ମେଳାପୀ ହୋଇ ନିଜ କାମ ଠିକ୍ ଭାବରେ କରି ପାରନ୍ତି ନାହିଁ । ଯାତ୍ରୀମାନଙ୍କୁ ହସି ସ୍ୱାଗତ କରିବା ସହ ସେମାନଙ୍କ ସୁରକ୍ଷା ମଧ୍ୟ ସେତିକି ଜରୁରୀ ବୋଲି ଏହି ନିୟମ ତିଆରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସିଆଇଏସଏଫ୍ର ମହାନିର୍ଦ୍ଦେଶକ ରାଜେଶ ରଞ୍ଜନଙ୍କ କହିବା ଅନୁଯାୟୀ, ଆମେ ଯାତ୍ରୀମାନଙ୍କ ସହ ଅଧିକ ଅନୁକୂଳ ଆଚରଣ ଦେଖାଇ ପାରିବୁ ନାହିଁ ବା ହସି ହସି କଥା ହୋଇ ପାରିବୁ ନାହିଁ । ପୂର୍ବରୁ ଏଭଳି ଭୁଲ ପାଇଁ ୨୦୦୧ରେ ଆମେରିକାର ଟ୍ଵିନ୍ ଟାଓ୍ଵରରେ ଆତଙ୍କବାଦୀମାନେ ସହଜରେ ଆକ୍ରମଣ କରି ପାରିଥିଲେ । କାରଣ ସିଆଇଏସଏଫ୍ କର୍ମଚାରୀମାନେ ସୁରକ୍ଷାକୁ ଅଧିକ ଗୁରୁତ୍ୱ ଦେଇ ନ ଥିବାରୁ ଏପରି ଘଟିଥିଲା । ସେଥିପାଇଁ ଆବଶ୍ୟକତା ଅନୁଯାୟୀ ଯାତ୍ରୀମାନଙ୍କ ସହ ମିଶି ସୁରକ୍ଷା ପ୍ରତି ଅଧିକ ଧ୍ୟାନ ଦେବା ଦରକାର ବୋଲି କହିଛନ୍ତି ରଜେଶ ରଞ୍ଜନ । ଏହି ନୂଆ ନିୟମ ଲାଗୁ ହେବା ପୂର୍ବରୁ ସବୁ ସିଆଇଏସଏଫ୍ କର୍ମଚାରୀଙ୍କୁ ଅନ୍ତଃରାଷ୍ଟ୍ରୀୟ ସ୍ତରର ପ୍ରଶିକ୍ଷକଙ୍କ ଦ୍ୱାରା ପ୍ରଶିକ୍ଷଣ ଦିଆଯିବ ବୋଲି ରଜେଶ କହିଛନ୍ତି ।