ସତ ଥିଲା କି ଯୁକ୍ତ-୨ ପରୀକ୍ଷା କେନ୍ଦ୍ର ଫିକ୍ସିଂ ଅଭିଯୋଗ ! ପରୀକ୍ଷା କମିଟିର ଫିକ୍ସିଂ ଅଭିଯୋଗ ପରେ ନରମିଲା ସିଏଚଏସଇ । ଶେଷ ମୁହୂର୍ତ୍ତରେ କିଛି କେନ୍ଦ୍ର ବଦଳାଇବାକୁ ନେଲା ନିଷ୍ପତି
କନକ ବ୍ୟୁରୋ: ପରୀକ୍ଷା କେନ୍ଦ୍ର ଫିକ୍ସିଂକୁ ନେଇ ପରୀକ୍ଷା କମିଟି ସହ ବିବାଦ ପରେ ନରମି ଯାଇଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ । ଶେଷରେ କିଛି ପରୀକ୍ଷା କେନ୍ଦ୍ରକୁ ବଦଳାଇ ଦେଇଛି । କେନ୍ଦ୍ର ପରିବର୍ତ୍ତନ ନେଇ ଖୁବଶୀଘ୍ର ନୂଆ ବିଜ୍ଞପ୍ତି ପ୍ରକାଶ ପାଇବ । ଲାଂଚ ନେଇ ପରୀକ୍ଷା କେନ୍ଦ୍ର ବଦଳା ଯାଉଥିବା ଅଭିଯୋଗ ଆଣିଥିଲା ପରୀକ୍ଷା କମିଟି ।
Kanak News is now on WhatsApp
Join and get latest news updates delivered to you via WhatsApp
ପରୀକ୍ଷା କେନ୍ଦ୍ର ଫିକ୍ସିଂକୁ ନେଇ ପରୀକ୍ଷା କମିଟି ସହ କଥା କଟି କଟି ହେବା ପରେ ନରମି ଯାଇଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ । ଶେଷରେ କିଛି ପରୀକ୍ଷା କେନ୍ଦ୍ରକୁ ବଦଳାଇ ଦେଇଛି । ଫିକ୍ସିଂ ବିବାଦ ମାମଲା ରାଜ୍ୟ ମାନବ ଅଧିକାର କମିଶନଙ୍କ ପାଖରେ ପହଁଚିବା ପରେ ଜରୁରୀ ବୈ÷ଠକ ଡକାଇଥିଲା ସିଏଚଏସଇ । ଗତ ୭ତାରିଖରୁ ପରୀକ୍ଷା କେନ୍ଦ୍ର ଘୋଷଣା ନେଇ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ହୋଇଥିଲା । ବିବାଦ ଆଗକୁ ବଢ଼ିବା ପରେ ଆଉ ଥରେ କେନ୍ଦ୍ର ପରିବର୍ତ୍ତନ ନେଇ ଖୁବଶୀଘ୍ର ନୂଆ ବିଜ୍ଞପ୍ତି ପ୍ରକାଶ କରିବାକୁ ଯାଉଛି ସିଏଚଏସଇ । ୧୧୪୨ କେନ୍ଦ୍ର ମଧ୍ୟରୁ ୨୦ କେନ୍ଦ୍ର ପରିବର୍ତ୍ତନ କରିବାକୁ ଯାଉଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ ।
ମାର୍ଚ୍ଚ ତିନି ତାରିଖରେ ପ୍ଲସ୍ ଟୁ ପରୀକ୍ଷା । ହେଲେ ପରୀକ୍ଷା କେନ୍ଦ୍ରକୁ ନେଇ ପରୀକ୍ଷା କମିଟି ଓ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଭିତରେ ଆରମ୍ଭ ହୋଇ ଯାଇଥିଲା ବିବାଦ । ଲାଂଚ ନେଇ ପରୀକ୍ଷା କେନ୍ଦ୍ର ବଦଳା ଯାଉଥିବା ଅଭିଯୋଗ ଆଣିଥିଲା ପରୀକ୍ଷା କମିଟି । ଅଭିଯୋଗ ହୋଇଥଲା କମିଟି ପୂର୍ବରୁ ଦେଇଥିବା ପରୀକ୍ଷା କେନ୍ଦ୍ର ତାଲିକାକୁ ବେଖାତିର କରି ଆଉ ଏକ ତାଲିକା ପ୍ରକାଶ କରାଯାଇଛି । ବିଧାନସଭାରେ ମଧ୍ୟ ଏହି ପ୍ରସଙ୍ଗ ଉଠାଇବେ ବୋଲି ଧମକ ଦେଇଥିଲେ ଦୁଇ ପରୀକ୍ଷା କମିଟି ସଦସ୍ୟ ତଥା ବିଧାୟକ ସନ୍ତୋଷ ସିଂ ସାଲୁଜା ଓ କିଶୋର ମହାନ୍ତି ।
ତେବେ ଶେଷ ମୁହୂର୍ତରେ କିଛି ପରୀକ୍ଷା କେନ୍ଦ୍ର ବଦଳାଇବାକୁ ସିଏଚଏସି ନିଷ୍ପତି ନେବା ପରେ ଏବେ ପ୍ରଶ୍ନ ଉଠୁଛି – ପରୀକ୍ଷା କମିଟି ସଦସ୍ୟ କରିଥିବା ଅଭିଯୋଗରେ ରହିଛି କି ସତ୍ୟତା? ହୋଇଛି କି ଯୁକ୍ତ-୨ ପରୀକ୍ଷା କେନ୍ଦ୍ର ଚୟନରେ ଫିକ୍ସିଂ?