କେନ୍ଦୁଝର ହାଟଡିହିରେ ବେଧଡକ ଭାବେ ଚାଲିଛି ମୋରମ ଚାଲାଣ ! ଅନୁମତି ପତ୍ର ନଥାଇ ଠିକା କଂପାନୀ କରୁଛି ଚୋରା ଚାଲାଣ
କନକ ବ୍ୟୁରୋ: ବେଆଇନ ମୋରମ ଓ ଅଣଖଣିଜ ପଦାର୍ଥ ଚୋରା ଚାଲଣକୁ ନେଇ ଚିନ୍ତାରେ ରାଜ୍ୟ ସରକାର । ଗୃହରେ ଏ ନେଇ ବିଭାଗୀୟ ମନ୍ତ୍ରୀ ଗତକାଲି ଉତ୍ତର ରଖିଥିଲେ । ଆଉ ଏହି ବେଆଇନ କାରବାରକୁ ରୋକିବା ପାଇଁ ସ୍କାର୍ଡ ଗଠନ କରାଯାଇଥିବା ମନ୍ତ୍ରୀ କହିଥିଲେ । ତେବେ ଏହି ସ୍କାର୍ଡ ଉପରେ ଚୋରା ଚାଲାଣକାରୀ ଆକ୍ରମଣ କରୁଥିବାର ମନ୍ତ୍ରୀ ସ୍ୱୀକାର କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ହାଟଡ଼ିହି ବ୍ଲକ ଝଣଝଣା ଗ୍ରାମ ନିକଟରେ ବୈତରଣୀ ନଦୀ ସଂଯୋଗୀକରଣ ଯୋଜନାରେ ଚାଲିଥିବା କେନାଲ ଖୋଳାରେ ବାହାରୁଥିବା ମୋରମକୁ ଜିଲ୍ଲା ବାହାରକୁ ଚୋରାଚାଲାଣ କରାଯାଉଥିବା ଅଭିଯୋଗ ହୋଇଛି । ବିରଜା କନଷ୍ଟ୍ରକସନ ଦିନକୁ ଶହଶହ ଟ୍ରିପ ମୋରମ ଚାଲାଣ କରୁଥିବାରୁ ଗ୍ରାମବାସୀମାନେ ଉଠାଇଛନ୍ତି ପ୍ରଶ୍ନ । ବଡ କଥା ହେଉଛି ଏକ ଠିକାସଂସ୍ଥା ବିରଜା କନଷ୍ଟ୍ରକସନ କିଭଳି ଶହଶହ ଟ୍ରିପ ମୋରମ ଚାଲାଣ କରୁଛି ତାହାର ଖବର ପ୍ରଶାସନ ପାଖରେ ନାହିଁ । ତେବେ କେନାଲ ଖୋଳୁଥିବା ବିରଜା କନଷ୍ଟ୍ରକସନ ଠିକା ସଂସ୍ଥା ଏନେଇ ତହସିଲଦାରଙ୍କ ଠାରେ ଆବେଦନ କରିଥିବା କହିଛନ୍ତି ହାଟଡିହି ତହସିଲଦାର । ଯାହାକୁ ନେଇ ଏବେ ଉଠିଛି ପ୍ରଶ୍ନ ।
ପ୍ରଶ୍ନ ନଂ-୧-ଆବେଦନକୁ ଗ୍ରହଣ କରାଯାଇନଥିବାବେଳେ ମୋରମ ଚାଲାଣକୁ ଅନୁମତି ଦେଲା କିଏ?
ପ୍ରଶ୍ନ ନଂ-୨-ଚୋରାଚାଲାଣ ପଛରେ ଆଉ କାହାର ହାତ ଅଛି ?
ସେପଟେ, ବେଧଡକ ଭାବେ ରାଜ୍ୟରେ ବାଲି ଓ ମୋରମ ଚୋରା ଚାଲାଣ ହେଉଥିବାନେଇ ବିଧାନସଭାରେ ରାଜସ୍ୱମନ୍ତ୍ରୀ ସ୍ୱୀ୍କାର କରିବା ସହ ଏଥିଲାଗି ସବଡିଭିଜନ ଓ ତହସିଲ ସ୍ତରରେ ସ୍କ୍ୱାର୍ଡ ଗଠନ କରିଥିବା ନେଇ କହୁଛନ୍ତି । ତେବେ ହାଟଡିହି ତହସିଲରେ ହେଉଥିବା ଏପରି ମୋରମ ଚୋରା ଚାଲାଣ ରୋକିବା ଦିଗରେ ସ୍କ୍ୱାର୍ଡ କି ପଦକ୍ଷେପ ନେଉଛି ତାହା ଏବେ ଅପେକ୍ଷାରେ ରହିଛି ।