କନକ ବ୍ୟୁରୋ : ସିସୋର ଚିଟଫଣ୍ଡ ମାମଲାରେ ଛନ୍ଦି ହୋଇଥିବା ବିଜେଡିର ରବୀନ୍ଦ୍ର ଜେନା ସାଂସଦ ନା’ ସିବିଆଇକୁ ସହଯୋଗ କରୁଛନ୍ତି, ନା’ ଲୋକଲୋଚନକୁ ଆସୁଛନ୍ତି । ନା’ ଅଫିସରେ ଦେଖା ମିଳୁଛି ନା’ ଘରେ ଅଛନ୍ତି । ସିବିଆଇ ନୋଟିସ୍ ପରେ ବି ସହଯୋଗ କରୁନାହାଁନ୍ତି ରବୀନ୍ଦ୍ର ଜେନା । ଏପଟେ ଆଗକୁ ପଂଚାୟତ ନିର୍ବାଚନ ଥିବାରୁ ସାଂସଦଙ୍କ ଅନୁପସ୍ଥିତିରେ ଜିଲ୍ଲାରେ ଦଳୀୟ ମଙ୍ଗ କିଏ ଧରିବ ତାକୁ ନେଇ କଳ୍ପନା ଜଳ୍ପନା ଆରମ୍ଭ ହୋଇଛି । ଆଉ ଏହାରି ଭିତରେ ହାଇକୋର୍ଟରୁ ଆଗୁଆ ଜାମିନ ଆବେଦନ ରବୀନ୍ଦ୍ର ଜେନାଙ୍କୁ ନେଇ ସନ୍ଦେହ ଆହୁରି ଘନୀଭୂତ କରୁଛି ।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି ଚିଟଫଣ୍ଡ ସ୍କାମର ସ୍କାନରରେ ଥିବା ରବୀନ୍ଦ୍ର ଜେନାଙ୍କ କଣ ହେବ ତାକୁ ନେଇ ସେ ନିଜେ ସ୍ପଷ୍ଟ ନଥିବାରୁ ପଂଚାୟତ ନିର୍ବାଚନର ଭାର ଦଳୀୟ କର୍ମୀ ଓ ନେତାଙ୍କ ଉପରେ ଛାଡି ଦେଇଛନ୍ତି ।
ପୂର୍ବରୁ ଦୁଇ ଦୁଇ ଥର ସିବିଆଇ କାର୍ଯ୍ୟାଳୟ ହାଜର ହୋଇଥିଲେ ସୁଦ୍ଧା କାହିଁକି ସିବିଆଇ ନୋଟିସ୍ ପରେ ବି ସହଯୋଗ କରୁନାହାଁନ୍ତି ରବୀନ୍ଦ୍ର ଜେନା । କାହିଁକି ହାଇକୋର୍ଟରେ ଆଗୁଆ ଜାମିନ ପାଇଁ ଆବେଦନ କରିଛନ୍ତି ବାଲେଶ୍ୱର ସାଂସଦ । ଲୋକଲୋଚନକୁ ଆସିବା ପାଇଁ କାହିଁକି ଡରୁଛନ୍ତି ବିଜେଡି ସାଂସଦ ।
ଏମିତି ଅନେକ ପ୍ରଶ୍ନ ଆସିବା ସ୍ୱାଭାବିକ । କାହିଁକି ନା’ ସିସୋର ମୁଖ୍ୟ ପ୍ରଶାନ୍ତ ଦାସଙ୍କ ସହିତ ୧୮ କୋଟିର କାରବାର ହୋଇଥିବାରୁ ସିବିଆଇ ଘନ ଘନ ରେଡ କରୁଛି । ଆଉ ପ୍ରାୟ ଦେଢ଼ ବର୍ଷର ବ୍ୟବଧାନ ପୁଣି ତତ୍ପର ହୋଇଛି ସିବିଆଇ ।
କାହିଁକି ଲୁଚୁଛନ୍ତି ବାଲେଶ୍ୱର ସାଂସଦ । ୧୨ ତାରିଖରେ ସିବିଆଇ ନିକଟରେ ବି ହାଜର ହେଲେନି । ଅଫିସ କିମ୍ବା ଘରେ ବି ସାଂସଦଙ୍କ ପତା ନାହିଁ । ୟାରି ଭିତରେ ହାଇକୋର୍ଟରେ ଜାମିନ ଆବେଦନ କରିବା ରବୀନ୍ଦ୍ର ଜେନାଙ୍କ ଭୂମିକା ନେଇ ସନ୍ଦେହ ବଢ଼ୁଛି ।