କନକ ବ୍ୟୁରୋ : ଚନ୍ଦ୍ରରେ କପା ମଞ୍ଜି ଅଙ୍କୁରିତ କରିବାରେ ସଫଳତା ହାସଲ କଲା ଚୀନ । ଚୀନ ତରଫରୁ ପଠାଯାଇଥିବା ମହାକାଶ ଯାନ ରୋୱର ଚାଙ୍ଗୀ-୪ରେ କପା ମଞ୍ଜି ଅଙ୍କୁରିତ ହୋଇଛି । ତେବେ ଏପରି ପ୍ରୟାସ କରିବାରେ ଚୀନ ପ୍ରଥମ ଦେଶ ହୋଇଛି । ବୈଜ୍ଞାନିକମାନେ ଏନେଇ ସୂଚନା ଦେଇଛନ୍ତି । ଏବଂ ଖୁବ ଶୀଘ୍ର ଚନ୍ଦ୍ରରେ ଆଳୁ ଗଛ ଉଠାଇହେବ ବୋଲି ଆଶା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଦେଶର ଚନ୍ଦ୍ର ଅଭିଯାନର ଅଂଶ ସ୍ୱରୂପ ଚୀନ୍ ଚନ୍ଦ୍ରରେ ପ୍ରଥମେ ବୃକ୍ଷ ରୋପଣ କରିଥିବା କଥା ଦାବି କରିଛି । ଜାନୁଆରି ୧୨ ତାରିଖରେ ପଠାଯାଇଥିବା ଫଟୋଚିତ୍ରରେ ଦେଖାଯାଉଛି ପରୀକ୍ଷାମୂଳକ ଭାବେ ୯ ଦିନ ପରେ ମଞ୍ଜିରୁ ଗଜା ସବୁ ଭଲ ଭାବେ ବଢୁଛି । ସୂଚନା ଅନୁସାରେ ଏହି ଗଛ ଏକ ଡବା ଭିତରେ ଜାଲିନୁମା ଛାଂଚାରେ ବଢ଼ୁଛି । କପା ମଞ୍ଜିରୁ ପ୍ରଥମେ ସବୁଜ ପତ୍ର ବାହାରି ଥିବା କଥା ବୈଜ୍ଞାନିକମାନେ କହିଛନ୍ତି। ପାଣି ଓ ମାଟିରେ ଭରା ଏକ ଡବା ପଠାଯାଇଥିଲା ।
ଚୋଙ୍ଗକିଙ୍ଗ୍ ବିଶ୍ୱବିଦ୍ୟାଳୟର ପ୍ରଫେସର୍ କହିଛନ୍ତି ନିର୍ଜୀବ ଚନ୍ଦ୍ରରେ ଏହି ପରୀକ୍ଷା ପ୍ରଥମ କରି ଉଦ୍ଭିଦର ଗଜା କରାଇଛି । ତୁଳା, କାନୋଲା, ବିଲାତିଆଳୁ, ଅରବିଡୋପିସ୍, ଇଷ୍ଟ୍ ଏବଂ ଫଳ ମାଛି ଆଦି ନେଇ ବାୟୋପ୍ସି ଟେଷ୍ଟ୍ ଲୋଡ୍ ଯାଇଥିଲା । ଉକ୍ତ ମଞ୍ଜିଗୁଡ଼ିକୁ ଅତିମାତ୍ରାରେ ପବନଶୂନ୍ୟତା, ତାପମାତ୍ରା ତାରତମ୍ୟ, ଏବଂ କଡ଼ା ବିକିରଣ ପ୍ରଭୃତି ଅବସ୍ଥାରେ ପାଗ କରାଯାଇଥିଲା । ତେବେ ମିଳିଥିବା ଫଟୋଚିତ୍ର ଅନୁସାରେ କେବଳ କନପାଗଛ ଅଙ୍କୁରିତ ହୋଇଛି । ଅନ୍ୟ କୌଣସି ମଞ୍ଜି ଅଙ୍କୁରିତ ହେବାର ସୂଚନା ନାହିଁ ।