ଆପୋଷ ବୁଝାମଣା ପରେ ବି ସୁଧୁରୁନି ଡ୍ରାଗନ ସେନା ! ଡୋକଲାମ ବିବାଦକୁ ନେଇ ଭାରତ କିଛି ଶିଖିବା ଦରକାର କହିଲା ଚୀନ୍
ଚୀନ ଓ ଭାରତ ମଧ୍ୟରେ ଦୁଇ ମାସ ଧରି ଚାଲିଥିବା ଡୋକଲାମ ବିବାଦର ସମାଧାନ ହେଲା । ଗତକାଲି କୂଟନୈତିକ ସ୍ତରରେ ଆଲୋଚନା ହୋଇ ଏହି ସମସ୍ୟାର ସମାଧାନ ହୋଇଥିଲା । ଆଲୋଚନା ପରେ ଉଭୟ ଦେଶ ଡୋକଲାମରୁ ସେନା ପ୍ରତ୍ୟାହର କରିବା ପାଇଁ ରାଜି ହୋଇଛନ୍ତି ବୋଲି ସୂଚନା ମିଳିଥିଲା । ଭାରତର କୂଟନୈତିକ ବିିଜୟ ହୋଇଛି ବୋଲି ସବୁଆଡ଼େ ଚର୍ଚ୍ଚା ହେଲା । କିନ୍ତୁ ଲାଗୁଛି ଏବେ ଯାଏ ସୁଧୁରିନି ଚୀନ । ଭାରତକୁ ଏବେ ବି ଚେତାବନୀ ଦେବାକୁ ଭୁଲିନି ଚୀନ୍ । ସେନା ପ୍ରତ୍ୟାହାରକୁ ନିଷ୍ପତ୍ତିକୁ ଚୀନ ସ୍ୱାଗତ କରିଥିଲେ ହେଁ , ଭାରତ ଉଦ୍ଦେଶ୍ୟରେ କିଛି ପରାମର୍ଶ ମଧ୍ୟ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଚୀନ ସେନାର ସିନିୟନ କର୍ଣ୍ଣେଲ ବୁ ଶିୟାନ୍ କହିଛନ୍ତି, ଏହି ମାମଲାର ସମାଧାନ ଯୋଗୁଁ ମୁଁ ଖୁସି ଅଛି । କିନ୍ତୁ ଭାରତକୁ ଏହି ମାମଲାରୁ କିଛି ଶିଖିବା ଦରକାର । ଚୀନ ଡୋକଲାମରୁ ସେନା ପ୍ରତ୍ୟାହର କରିଥିଲେ ହେଁ ଏବେ ବି ଚୀନ ସେନା ସତର୍କ ରହିବେ । ତେବେ ସବୁଠାରୁ ଭଲ କଥା ହେଲା ଉଭୟ ଦେଶ ମଧ୍ୟରେ ଆପୋଷ ବୁଝାମଣା ଯୋଗୁଁ ଉକ୍ତ ସ୍ଥାନରେ ଏବେ ଶାନ୍ତି ଆସିବ । ତେବେ ଏ ସମସ୍ୟାର ସମାଧାନ ପରେ ଉଭୟ ଦେଶ ଅନ୍ତର୍ଜାତୀୟ ନିୟମର ପାଳନ କରିବା ସହ ଏକାସଙ୍ଗେ କାମ କରିବା ଜରୁରୀ ।
ତେବେ ଏସବୁ ସତ୍ୱେ ବୁଝାମଣା ପରେ ଚୀନ ସେନା ଦାବି କରିଛି, ଉକ୍ତ ଅଞ୍ଚଳରେ ଏବେ ବି ଚୀନ ସେନା ମୁତୟନ ଅଛନ୍ତି । ଯବାନଙ୍କୁ ହଟାଇବାର ପରେ ଭାରତର ଓ ଚୀନ ପତ୍ରକାରଙ୍କ ମଧ୍ୟରେ ହୋଇଥିବା କଥା କଙ୍କାକଟିକୁ ଚୀନ ବିଦେଶ ମନ୍ତ୍ରାଳୟ ଖଣ୍ଡନ କରଛିିି । ଭାରତ ନିଜ ଯବାନଙ୍କୁ ଡୋକଲାମ ଅଞ୍ଚଳରୁ ଫେରାଇ ନେଇଛି ବୋଲି ବୁ ଶିୟାନ ହୃଢ଼କ୍ତି କରିଥିଲେ । ବୁ ଶିୟାନ କହିଛନ୍ତି, ଏହା ସହ ସେ କହିଛନ୍ତି , ଚୀନ ସେନା ଏହି ଐତିହାସିକ ବୁଝାମଣା ପରେ ଦେଶର ସାର୍ବଭୌମତ୍ୟ ବଜାୟ ରଖିବ । ଏହାସହ ସେ ଭାରତ ଉଦ୍ଦେଶ୍ୟରେ କହିଛନ୍ତି,ଚୀନ ସେନା ଏବେ ବି ଡୋକଲାମ ଅଞ୍ଚଳରେ ଉପରେ ନଜର ରଖିଛନ୍ତି ।