ଭାରତ ବିରୋଧରେ ପାକିସ୍ତାନକୁ ସାହାଯ୍ୟ କରୁଛି ଚୀନ୍ ! ପାକ୍ ନୌସେନାକୁ ଯୋଗାଇଦେବ ୮ଟି ନୂଆ ବୁଡାଜାହାଜ ।
ଭାରତ ବିରୋଧରେ ପାକିସ୍ତାନକୁ ଶକ୍ତିଶାଳୀ କରିବା ପାଇଁ ଚୀନ୍ କ୍ରମାଗତ ଭାବେ ନିଜ ଚେଷ୍ଟା ଜାରି ରଖିଛି । ଭାରତ ବିରୋଧରେ ଗୁଇନ୍ଦାଗିରି କରିବା ପାଇଁ ଗତ କିଛି ଦିନ ତଳେ ଚୀନ୍ ପାକିସ୍ତାନ ପାଇଁ ଦୁଇଟି ସାଟେଲାଇଟ୍ ଲଞ୍ଚ କରିଥିଲା । ଚୀନ୍ ଗ୍ୱାଦର ଠାରୁ ଆରମ୍ଭ କରି ଭାରତ-ପାକିସ୍ତାନ ସୀମାରେ ଥିବା ପାକିସ୍ତାନୀ ସେନା ବାହିନୀକୁ ସାହାଯ୍ୟ କରୁଛି । ମିଳିଥିବା ସୂଚନା ଅନୁଯାୟୀ, ଚୀନ ହିନ୍ଦ ମହାସାଗରରେ ଭାରତୀୟ ନୌସେନାର ବଢୁଥିବା ଶକ୍ତିରେ ଅଙ୍କୁଶ ଲଗାଇବା ପାଇଁ ପାକିସ୍ତାନକୁ ୮ଟି ନୂଆ ଯୁଦ୍ଧ ଜାହାଜ ଯୋଗାଇବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ପ୍ରୋଜେକ୍ଟ ହେଙ୍ଗୁର ଅନ୍ତର୍ଗତ ଚୀନର ଚାଇନା ସିପବିଲ୍ଡିଂ ଇଣ୍ଡଷ୍ଟ୍ରୀଜ କର୍ପୋରେସନ ପାକିସ୍ତାନୀ ନୌସେନା ପାଇଁ ୮ଟି ନୂଆ ଜାହାଜ ପ୍ରସ୍ତୁତ କରୁଛି । ଏହା ଖୁବ ଶିଘ୍ର ପାକିସ୍ତାନକୁ ହସ୍ତାନ୍ତର କରାଯିବ । ସୂଚନା ଅନୁଯାୟୀ, ଏବେ ଭାରତୀୟ ନୌସେନା ପାଖରେ ମୋଟ୍ ୧୬ଟି ଯୁଦ୍ଧ ଜାହାଜ ରହିଛି । କିନ୍ତୁ ପାକିସ୍ତାନ ପାଖରେ ମାତ୍ର ୧୦ଟି ଯୁଦ୍ଧ ଜାହାଜ ରହିଛି । ଚୀନର ଏହି ସହାୟତା ଦ୍ୱାରା ପାକିସ୍ତାନ ପାଖରେ ସମୁଦାୟ ୧୮ଟି ଯୁଦ୍ଧ ଜାହାଜ ହୋଇଯିବ । ଆଗାମୀ ଦିନରେ ଭାରତୀୟ ନୌସେନାର ଏହି ଦୁଇଟି ପଡୋଶୀ ଦେଶ ସହ ଯୁଦ୍ଧ ହେବାର ସମ୍ଭାବନା ରହିଥିବା କୁହାଯାଉଛି । ଏହା ପୂର୍ବରୁ ମଧ୍ୟ ଭାରତ ଉପରେ ନଜର ୍ରଖିବା ପାଇଁ ପାକିସ୍ତାନ ସହ ମିଶି ଭାରତ ଦୁଇଟି ସାଟେଲାଇଟ୍ ଲଞ୍ଚ କରିଥିଲା ।